తెలంగాణ ఈసెట్ - 2025 హాల్ టికెట్లు విడుదల.... ఇలా డౌన్లోడ్ చేసుకోండి
టీజీ ఈసెట్ - 2025 హాల్ టికెట్లు విడుదలయ్యాయి. దరఖాస్తు చేసుకున్న అభ్యర్థులు ecet.tgche.ac.in వెబ్ సైట్ నుంచి డౌన్లోడ్ చేసుకోవచ్చు. రాష్ట్రవ్యాప్తంగా మే 12వ తేదీన ఎంట్రెన్స్ ఎగ్జామ్ జరగనుంది.
తెలంగాణలో ఈసెట్ - 2025కుసంబంధించి కీలక అప్డేట్ వచ్చేసింది. ఎంట్రెన్స్ ఎగ్జామ్ హాల్ టికెట్లు అందుబాటులోకి వచ్చాయి. మే 12వ తేదీన ఈసెట్ ఎగ్జామ్ జరగనుంది. టీజీ ఈసెట్ అధికారిక వెబ్ సైట్ నుంచి హాల్ టికెట్లను డౌన్లోడ్ చేసుకోవాలని అధికారులు ఓ ప్రకటన ద్వారా తెలిపారు.
టీజీ ఈసెట్ - 2025 ఎంట్రెన్స్ ద్వారా బీఈ, బీటెక్‌, బీఫార్మసీ కోర్సుల్లో 2025-26 విద్యా సంవత్సరానికి ప్రవేశాలను కల్పిస్తారు. డిప్లొమా పూర్తి చేసిన అభ్యర్థులతో పాటు బీఎస్సీ మ్యాథ్స్‌ డిగ్రీ పూర్తి చేసిన అభ్యర్థులు ఈసెట్ ప్రవేశ పరీక్ష రాయవచ్చు. ర్యాంక్ ఆధారంగా సీట్ల కేటాయింపు ఉంటుంది.
టీజీ ఈసెట్ 2025 హాల్ టికెట్లు - డౌన్లోడ్ ప్రాసెస్
- టీజీ ఈసెట్ - 2025కు దరఖాస్తు చేసుకున్న అభ్యర్థులు ecet.tgche.ac.in వెబ్ సైట్ లోకి వెళ్లాలి.
- హోం పేజీలో కనిపించే డౌన్లోడ్ హాల్ టికెట్ లింక్ పై క్లిక్ చేయాలి.
- ఇక్కడ రిజిస్ట్రేషన్ నెంబర్, క్వాలిఫైయింగ్ ఎగ్జామినేషన్ హాల్ టికెట్ నెంబర్, పుట్టిన తేదీ వివరాలను నమోదు చేయాలి.
- డౌన్లోడ్ హాల్ టికెట్ పై క్లిక్ చేస్తే హాల్ టికెట్ ఓపెన్ అవుతుంది.
- ప్రింట్ లేదా డౌన్లోడ్ ఆప్షన్ ద్వారా హాల్ టికెట్ కాపీని పొందవచ్చు.
- పరీక్ష కేంద్రంలోకి వెళ్లటంతో పాటు కౌన్సెలింగ్ ప్రక్రియలో హాల్ టికెట్ కీలకం. కాబట్టి జాగ్రత్తగా ఉంచుకోవాలి.
ఈ ఏడాది ఈసెట్ - 2025 పరీక్షను ఉన్నత విద్యామండలి తరపున ఉస్మానియా యూనివర్శిటీ నిర్వహిస్తోంది. ఇప్పటికే దరఖాస్తుల ప్రక్రియ ముగిసింది. మే 12వ తేదీన ఎగ్జామ్ కు ఏర్పాట్లు సిద్ధం చేయగా… తాజాగా హాల్ టికెట్లను విడుదల చేసింది. ఉదయం 9 గంటల నుంచి 12 గంటల మధ్య పరీక్షను నిర్వహిస్తారు. ఆన్ లైన్ విధానంలో రాస్తారు. టీజీ ఈసెట్ వెబ్ సైట్ లో వివరాలను చెక్ చేసుకోవచ్చు.
