ఇంజినీరింగ్ విద్యార్థులకు అలర్ట్ - టీజీ​ ఈఏపీసెట్ కౌన్సెలింగ్ షెడ్యూల్ విడుదల, ముఖ్య తేదీలివే

బీటెక్ కాలేజీల్లో ప్రవేశాల కోసం నిర్వహించే టీజీ ఈఏపీసెట్ - 2025 కౌన్సెలింగ్ షెడ్యూల్ ఖరారైంది. ఈ మేరకు రాష్ట్ర ఉన్నత విద్యామండలి వివరాలను పేర్కొంది. మొత్తం 3 విడతల్లో సీట్ల భర్తీని చేపటనున్నారు. జూన్ 28వ తేదీ నుంచి ఫస్ట్ ఫేజ్ కౌన్సెలింగ్ ప్రక్రియ ప్రారంభం కానుంది. జూలై 7వ తేదీ వరకు రిజిస్ట్రేషన్లకు అవకాశం ఉంటుంది. జూలై 18వ తేదీన ఫస్ట్ ఫేజ్ సీట్ల కేటాయింపు ఉంటుంది.

ఫస్ట్ ఫేజ్ కౌన్సెలింగ్ - ముఖ్య తేదీలు:

• జూలై 28వ తేదీ నుంచి ఫస్ట్ ఫేజ్ కౌన్సెలింగ్ ప్రక్రియ ప్రారంభం కానుంది. ఇందులో భాగంగా జూలై 7వ తేదీ వరకు రిజిస్ట్రేషన్లకు అవకాశం ఉంటుంది.
• జూలై 1వ తేదీ నుంచి జూలై 8వ తేదీ వరకు సర్టిఫికెట్ల వెరిఫికేషన్ ఉంటుంది.
• జూలై 6 నుంచి జూలై 10 వరకు వెబ్ ఆప్షన్ల ఎంపిక.
• జూలై 10వ రోజు ఫ్రీజింగ్ ఆప్షన్.
• జూలై 13వ తేదీన ప్రాథమికంగా సీట్ల కేటాయింపు (మాక్ సీట్లు కేటాయింపు).
• జూలై 14వ తేదీ నుంచి 15వ తేదీ వరకు మార్పులు చేర్పులకు అవకాశం.
• జూలై 15వ తేదీన ఫస్ట్ ఫేజ్ సీట్ల కేటాయింపు ఆప్షన్లపై ఫ్రీజింగ్.
• జూలై 18వ తేదీన ఫస్ట్ ఫేజ్ సీట్ల కేటాయింపు.
• జూలై 18 నుంచి 22వ తేదీలోపు వెబ్ సైట్ ద్వారా సెల్ఫ్ రిపోర్టింగ్.

సెకండ్ ఫేజ్ కౌన్సెలింగ్ :

• అభ్యర్థుల స్లాట్ బుకింగ్ - 25-07-2025
• సర్టిఫికెట్ల వెరిఫికేషన్ - 26-07-2025
• వెబ్ ఆప్షన్ల నమోదు - 26-07-2025 నుండి 27-07-2025
• వెబ్ ఆప్షన్ల ఫ్రీజింగ్ 27-07-2025
• 30-07-2025 లోపు తాత్కాలిక సీటు కేటాయింపు (మాక్ సీటు అలాట్ మెంట్)
• ట్యూషన్ ఫీజు చెల్లింపు, సెల్ఫ్ రిపోర్టింగ్ కు 30-07-2025 నుంచి 01-08-2025 వరకు అవకాశం.
• కాలేజీలో ఫిజికల్ రిపోర్టింగ్ 31-07-2025 నుండి 02-08-2025 వరకు అవకాశం.

ఫైనల్ ఫేజ్ కౌన్సెలింగ్ షెడ్యూల్

• స్లాట్ బుకింగ్ - 05-08-2025.
• సర్టిఫికెట్ల వెరిఫికేష్ - 06-08-2025.
• వెబ్ ఆప్షన్ల ఎంట్రీ - 06-08-2025 నుంచి 07-08-2025 వరకు అవకాశం.
• వెబ్ ఆప్షన్ల ఫ్రీజింగ్ 07-08-2025.
• తాత్కాలిక సీటు(మాక్ సీటు అలాట్ మెంట్) కేటాయింపు 10-08-2025 లోపు
• 10-08-2025 నుండి 12-08-2025 వరకు ట్యూషన్ ఫీజు చెల్లింపు, సెల్ఫ్ రిపోర్టింగ్ కు అవకాశం.
• బ్రాంచ్/కాలేజీ మార్పు కోసం రిపోర్టింగ్ 11-08-2025 నుండి 13-08-2025 వరకు అవకాశం ఉంటుంది.
• కాలేజీ జాయినింగ్ వివరాల అప్డేట్ - 14-08-2025.

ఇక ఇంటర్నల్ స్లైడింగ్ షెడ్యూల్ ను తెలంగాణ ఉన్నత విద్యా మండలి ప్రకటించింది. ఇంటర్నల్ స్లైడింగ్ ఆప్షన్ల ఎంట్రీకి 18-08-2025 నుంచి 19-08-2025 వరకు అవకాశం ఉంటుంది. ఆగస్టు 19వ తేదీన ఆప్షన్లు ఫ్రీజింగ్ చేసుకోవచ్చు. ఆగస్టు 22లోపు స్లైడింగ్ సీటు కేటాయింపు ఉంటుంది. 22-08-2025 నుండి 23-08-2025 మధ్య కొత్త బ్రాంచ్‌కు రిపోర్టింగ్(సీటు పొందిన కాలేజీలో) చేసుకోవచ్చు. ఆగస్టు 23వ తేదీన స్పాట్ అడ్మిషన్లకు సంబంధించిన ప్రకటన ఉంటుంది. సీటు పొందే విద్యార్థులు తప్పనిసరిగా ఆయా కాలేజీల్లో రిపోర్టింగ్ చేయాలి. లేకపోతే సీటను రద్దు చేస్తారు.