పీజీ ప్రవేశాలు : టీజీ సీపీగెట్ 2025 ఫలితాలు విడుదల - ర్యాంక్ కార్డు ఇలా డౌన్లోడ్ చేసుకోండి
టీజీ సీపీగెట్ - 2025పై కీలక అప్డేట్ వచ్చేసింది. ఎంట్రెన్స్ పరీక్షలకు సంబంధించిన ఫలితాలు అందుబాటులోకి వచ్చాయి. పరీక్షలు రాసిన అభ్యర్థులు… సీపీగెట్ వెబ్ సైట్ నుంచి ర్యాంక్ కార్డు డౌన్లోడ్ చేసుకోవాలని అధికారులు సూచించారు.
రాష్ట్రంలోని పీజీ కాలేజీల్లో ప్రవేశాల కోసం నిర్వహించే టీజీ సీపీగెట్ - 2025 ఫలితాలు వచ్చేశాయ్. పలు సబ్జెక్టుల పరీక్షలు రాసిన విద్యార్థులు… సీపీగెట్ వెబ్ సైట్ నుంచి ర్యాంక్ కార్డు డౌన్లోడ్ చేసుకోవాలి. ఈ మేరకు ఉస్మానియా యూనివర్శిటీ అధికారులు వివరాలను వెల్లడించారు.
టీజీ సీపీగెట్ ర్యాంక్ కార్డు - ఇలా డౌన్లోడ్ చేసుకోండి
- ముందుగా అభ్యర్థులు https://cpget.tgche.ac.in/ వెబ్ సైట్ లోకి వెళ్లాలి.
- హోం పేజీలోని డౌన్లోడ్ ర్యాంక్ కార్డు ఆప్షన్ పై క్లిక్ చేయాలి.
- ఇక్కడ హాల్ టికెట్ నెంబర్, రిజిస్ట్రేషన్ నెంబర్, పుట్టిన తేదీ వివరాలను నమోదు చేయాలి.
- వ్యూ ర్యాంక్ కార్డుపై క్లిక్ చేస్తే ఫలితం డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ పై నొక్కి ర్యాంక్ కార్డు కాపీని పొందవచ్చు.
ఆగస్టు 4వ తేదీ నుంచి 11వ తేదీ వరకు టీజీ సీపీగెట్ - 2025 పరీక్షలు జరిగాయి. ప్రతి రోజూ 3 సెషన్ల్లలో నిర్వహించారు. మొత్తం 45 సబ్జెక్టులకు ఎంట్రెన్స్ ఎగ్జామ్స్ జరిగాయి.
ఉస్మానియా, తెలంగాణ, కాకతీయ, శాతవాహన, పాలమూరు, మహాత్మాగాంధీ, మహిళా యూనివర్సిటీలు, జేఎన్టీయూహెచ్ పరిధిలో ఉన్న పీజీ కాలేజీల్లోని కోర్సుల్లో ప్రవేశాలకు సీపీగెట్ - 2025 నిర్వహిస్తారు. ఇందుకు సబ్జెక్టుల వారీగా ఎంట్రెన్స్ పరీక్షలను నిర్వహించారు. ర్యాంకుల ఆధారంగా సీట్ల కేటాయింపు ఉంటుంది. ఈ ఏడాది కూడా ఉస్మానియా యూనివర్శిటీనే సీపీగెట్ ప్రవేశ బాధ్యతలు చూస్తోంది.
ప్రస్తుతం కొన్ని సబ్జెక్టుల ఎంట్రెన్స్ ఫలితాలను మాత్రమే ప్రకటించగా… మరికొన్నింటివి త్వరలోనే ప్రకటించనున్నారు. ఈ రిజల్ట్స్ ను కూడా https://cpget.tgche.ac.in/ వెబ్ సైట్ లో చెక్ చేసుకోవాలి.
