TG TET II Hall Tickets 2024 : రేపు తెలంగాణ టెట్ హాల్ టికెట్లు విడుదల - ఇలా డౌన్లోడ్ చేసుకోండి
TG TET 2024 Exam Hall Tickets : రేపు తెలంగాణ టెట్ హాల్ టికెట్లు విడుదల కానున్నాయి. విద్యాశాఖ అధికారిక వెబ్ సైట్ నుంచి వీటిని డౌన్లోడ్ చేసుకోవచ్చు. జనవరి 2, 2025వ తేదీ నుంచి టెట్ ఎగ్జామ్స్ ప్రారంభమవుతాయి. ఇప్పటికే షెడ్యూల్ ఖరారైంది.
తెలంగాణ టెట్ 2024 (II) పరీక్షలకు సంబంధించిన హాల్ టికెట్లు రేపట్నుంచి(డిసెంబర్ 26) అందుబాటులోకి రానున్నాయి. విద్యాశాఖ అధికారిక వెబ్ సైట్ నుంచి వీటిని డౌన్లోడ్ చేసుకోవాలని అధికారులు సూచించారు. నిర్ణయించిన షెడ్యూల్ ప్రకారం… జనవరి 2వ తేదీ నుంచి పరీక్షలు ప్రారంభం కానున్నాయి. ఈ పరీక్షలు జనవరి 20,2025వ తేదీతో పూర్తవుతాయి.
తెలంగాణ టెట్ హాల్ టికెట్లు - డౌన్లోడ్ ఇలా
- తెలంగాణ టెట్ అభ్యర్థులు schooledu.telangana.gov.in లేదా https://tstet2024.aptonline.in/tstet/ వెబ్ సైట్ లోకి వెళ్లాలి.
- హోం పేజీలో కనిపించే ' Download TET Hall Tickets(II) 2024 ఆప్షన్ పై నొక్కాలి.
- రిజిస్ట్రేషన్ వివరాలతో పాటు పుట్టిన తేదీ వివరాలను నమోదు చేయాలి.
- సబ్మిట్ బటన్ పై నొక్కితే మీ హాల్ టికెట్ డిస్ ప్లే అవుతుంది.
- డౌన్లోడ్ అనే ఆప్షన్ పై నొక్కి హాల్ టికెట్ కాపీని పొందవచ్చు.
- పరీక్ష కేంద్రంలోకి వెళ్లాలంటే హాల్ టికెట్ తప్పనిసరి.
జనవరి 8, 9, 10, 18 తేదీల్లో టెట్ పేపర్-1 పరీక్షలను నిర్వహిస్తారు. పేపర్ -2 పరీక్షలను జనవరి 2, 5, 11, 12, 19, 20 తేదీల్లో జరుగుతాయని విద్యాశాఖ ప్రకటించిన షెడ్యూల్ లో పేర్కొన్నారు. జనవరి 2వ తేదీన ఉదయం, మధ్యాహ్నం సెషన్లలో సోషల్ స్టడీస్(పేపర్-2) జరగనుంది. జనవరి 5న ఉదయం సెషన్లో సోషల్ స్టడీస్(పేపర్ -2), మధ్యాహ్నం మ్యాథమేటిక్స్ అండ్ సైన్స్(పేపర్-2) పరీక్ష జరగనుంది.
- ఈసారి టెట్ పరీక్షల కోసం మొత్తం 2,48,172 మంది అప్లికేషన్ చేసుకున్నారు.
- పేపర్-1కు 71,655 అప్లికేషన్లు రాగా… పేపర్-2కు 1,55,971 దరఖాస్తులు వచ్చాయి.
- ఉదయం సెషన్ 9 గంటలకు ప్రారంభమై.. 11. 30 గంటలకు ఎగ్జామ్ ముగుస్తుంది. ఇక రెండో సెషన్ మధ్యాహ్నం 2 గంటలకు ప్రారంభమై... 04. 30 గంటలకు పూర్తవుతుంది.
- అభ్యర్థులకు ఏమైనా సందేహాలు ఉంటే 91 7075028882 / 85 నెంబర్లను సంప్రదించవచ్చు. ఫిబ్రవరి 5వ తేదీ వరకు ఈ నెంబర్లు అందుబాటులో ఉంటాయి.
- ఫిబ్రవరి 5వ తేదీన టెట్ తుది ఫలితాలను ప్రకటిస్తారు.
- అధికారిక వెబ్ సైట్ - https://tgtet2024.aptonline.in/tgtet/
తెలంగాణ టెట్ సిలబస్ విడుదల:
మరోవైపు తెలంగాణ టెట్ సిలబస్ ను కూడా కొద్దిరోజుల కిందట విద్యాశాఖ విడుదల చేసింది. ఈ మేరకు వెబ్ సైట్ లో సిలబస్ ఆప్షన్ ను తీసుకొచ్చింది. మొత్తం 15 పేపర్లకు సంబంధించిన సిలబస్ వివరాలను అందుబాటులోకి తీసుకొచ్చింది. https://tgtet2024.aptonline.in/ లింక్ పై క్లిక్ చేసి అభ్యర్థులు సిలబస్ కాపీలను డౌన్లోడ్ చేసుకోవచ్చు. అయితే గత టెట్కు, తాజా టెట్ సిలబస్కు ఎటువంటి మార్పు లేదు.
సంబంధిత కథనం