తెలంగాణ మోడల్ స్కూల్ ప్రవేశాలు - ఎంట్రెన్స్ ఎగ్జామ్ ఫలితాలు విడుదల, ఇలా చెక్ చేసుకోండి

తెలంగాణలోని మోడల్ స్కూళ్లలో ప్రవేశాలకు సంబంధించి కీలక అప్డేట్ వచ్చేసింది. ఎంట్రెన్స్ పరీక్ష ఫలితాలు విడుదలయ్యాయి. ఎంట్రెన్స్ పరీక్షలో అర్హత సాధించిన విద్యార్థులకు… 6వ తరగతిలో కొత్తగా ప్రవేశాలు కల్పించడంతో పాటు 7-10 తరగతుల్లోని ఖాళీ సీట్లను కూడా భర్తీ చేస్తారు.

ఆరో తరగతి ఫలితాలను ఇలా చెక్ చేసుకోండి:

• ఆరో తరగతిలో సీటు కోసం పరీక్ష రాసిన విద్యార్థులు telanganams.cgg.gov.in వెబ్ సైట్ లోకి వెళ్లాలి.
• ఆరో తరగతి ఆన్ లైన్ రిజల్ట్ లింక్ పై క్లిక్ చేయాలి. కొత్త పేజీలో ఓపెన్ అవుతుంది.
• ఇక్కడ హాల్ టికెట్ నెంబర్, పుట్టిన తేదీ వివరాలతో పాటు కోడ్ ను ఎంటర్ చేయాలి.
• గెట్ రిజల్ట్ పై క్లిక్ చేస్తే రిజల్ట్ డిస్ ప్లే అవుతుంది.
• ప్రింట్ లేదా డౌన్లోడ్ ఆప్షన్ పై నొక్కి రిజల్ట్ కాపీని పొందవచ్చు.

ఏప్రిల్ 27వ తేదీన ఉదయం 10 నుంచి 12 గంటల వరకు 6వ తరగతిలో ప్రవేశాలకు ఎగ్జామ్ నిర్వహించారు. ఇదే రోజు మధ్యాహ్నం 2 నుంచి సాయంత్రం 4 గంటల వరకు 7 నుంచి 10 తరగతుల్లో ప్రవేశాలకు ఎంట్రెన్స్ పరీక్ష నిర్వహించారు. క్వాలిఫై అయిన విద్యార్థులకు…. 2025 - 2026 విద్యా సంవత్సరానికి ఆదర్శ పాఠశాలల్లో ప్రవేశాలను కల్పిస్తారు.

ఈ లింక్ పై  క్లిక్ చేసి ఆరో తరగతి ప్రవేశ పరీక్ష ఫలితాలను చెక్ చేసుకోవచ్చు.

ఈ లింక్ పై క్లిక్ చేసి 7 -10 తరగతుల్లో ప్రవేశాలకు నిర్వహించిన పరీక్ష ఫలితాలను చెక్ చేసుకోవచ్చు.