తెలంగాణ టెన్త్ విద్యార్థులకు అలర్ట్ - ఐటీఐ ప్రవేశాల నోటిఫికేషన్ వచ్చేసింది, ముఖ్య వివరాలివే

తెలంగాణలో ఈ ఏడాదికి సంబంధించిన ఐటీఐ ట్రేడ్ కోర్సుల్లో ప్రవేశాలకు నోటిఫికేషన్ జారీ అయింది. అర్హత కలిగిన అభ్యర్థుల నుంచి దరఖాస్తులను ఆహ్వానిస్తూ రాష్ట్ర ఉపాధి- శిక్షణ కమిషనర్‌ కార్యాలయం ప్రకటన విడుదల చేసింది. మొదటి విడత (ఆగస్టు -2025) కింద ప్రవేశాలను కల్పించనున్నారు.

ఈ నోటిఫికేషన్ లో భాగంగా 2025-26 సెషన్‌కు గాను ఐటీఐ కోర్సుల్లో ప్రవేశాలను కల్పిస్తారు. జూన్‌ 21వ తేదీలోగా అభ్యర్థులు ఆన్‌లైన్‌లో దరఖాస్తు చేసుకోవాలి. https://iti.telangana.gov.in/ వెబ్ సైట్ లోకి వెళ్లి ప్రాసెస్ ను పూర్తి చేసుకోవచ్చు.

తెలంగాణ ఐటీఐ అడ్మిషన్లు - ముఖ్య వివరాలు:

• ప్రవేశాల ప్రకటన - ఉపాధి- శిక్షణ కమిషనర్‌ కార్యాలయం, తెలంగాణ రాష్ట్రం
• కోర్సులు - ఐటీఐ కోర్సు (2025-26)
• అర్హతలు - పదో తరగతి ఉత్తీర్ణత సాధించి ఉండాలి. కొన్నింటినికి 8వ తరగతిని విద్యా అర్హతగా నిర్ణయించారు.
• వయోపరిమితి - 14 ఏళ్లు నిండి ఉండాలి.
• సీట్ల కేటాయింపు - అకడమిక్ మెరిట్ తో పాటు రూల్ ఆఫ్ రిజర్వేషన్ల ఆధారంగా సీట్లను కేటాయిస్తారు.
• దరఖాస్తు విధానం - ఆన్ లైన్ లో
• దరఖాస్తులు రుసుం - రూ. 100 చెల్లించాలి.
• దరఖాస్తుల స్వీకరణకు చివరి తేదీ - జూన్ 21 , 2025
• ఆన్ లైన్ దరఖాస్తులో వివరాలను నమోదు చేసే సమయంలో ఎలాంటి తప్పులు చేయవద్దు.
• ముఖ్యమైన పత్రాలను వెబ్ సైట్ లో అప్ లోడ్ చేయాలి.
• ముఖ్యంగా సరైన మొబైల్ నెంబర్, ఆధార్ నెంబర్ ను ఎంట్రీ చేయాలి.
• అధికారిక వెబ్ సైట్ - https://iti.telangana.gov.in/
• ఈ లింక్ పై క్లిక్ చేసి అప్లికేషన్ చేసుకోవచ్చు.