TG Inter Exams 2025 : తెలంగాణ ఇంటర్ విద్యార్థులకు మరో ఛాన్స్ - ఎగ్జామ్ ఫీజు గడువు పొడిగింపు
TG Inter Exams Fee 2025 : తెలంగాణ ఇంటర్ పరీక్షల ఫీజు చెల్లింపు గడువును ఇంటర్ బోర్డు పొడిగించింది. రూ.2500 లేటు ఫీజుతో జనవరి 25 వరకు చెల్లించవచ్చని తెలిపింది. ఈ మేరకు తెలంగాణ ఇంటర్ బోర్డు ఓ ప్రకటన విడుదల చేసింది. మార్చి 5 నుంచి ఇంటర్ పరీక్షలు ప్రారంభం కానున్నాయి.
తెలంగాణ ఇంటర్ విద్యార్థులకు ఇంటర్మీడియట్ బోర్డు మరో అవకాశం ఇచ్చింది. పరీక్షల ఫీజు చెల్లింపు గడువును పొడిగించింది. రూ.2500 లేటు ఫీజుతో జనవరి 25వ తేదీ వరకు చెల్లించుకోవచ్చని పేర్కొంది. ఈ మేరకు శుక్రవారం ప్రకటన జారీ చేసింది. రెగ్యూలర్ తో పాటు ఫెయిల్ అయిన విద్యార్థులకు ఈ అవకాశం కల్పించినట్లు తెలిపింది.
- ఇంటర్ ఫస్టియర్ జనరల్ రెగ్యులర్ కోర్సుల ఫీజును రూ.520గా నిర్ణయించారు.
- ఇంటర్ ఫస్టియర్ ఒకేషనల్ రెగ్యులర్ (థియరీ 520 + ప్రాక్టికల్స్ 230) కోర్సుల ఫీజు రూ.750గా ఉంది.
- ఇంటర్ సెకండియర్ జనరల్ ఆర్ట్స్ కోర్సుల ఫీజు రూ.520, సెకండియర్ జనరల్ సైన్స్ (థియరీ 520 + ప్రాక్టికల్స్ 230) కోర్సుల ఫీజు రూ.750గా ఉంది.
- సెకండియర్ ఒకేషనల్ (థియరీ 520 + ప్రాక్టికల్స్ 230) కోర్సుల ఫీజు రూ.750 చెల్లించాలి. వీటికి తోడు బోర్డు నిర్ణయించిన ఆలస్య రుసుం కూడా చెల్లించాల్సి ఉంటుంది.
ఫిబ్రవరి 3వ తేదీ నుంచి ప్రాక్టికల్ పరీక్షలు
ఇంటర్ రెగ్యులర్, ఒకేషనల్ విద్యార్థులకు ఫిబ్రవరి 3, 2025 నుంచి ప్రాక్టికల్ పరీక్షలు ప్రారంభం కానున్నాయి. ఈ ఎగ్జామ్స్ ఫిబ్రవరి 22, 2025తో పూర్తి అవుతాయి. రెండు సెషన్లలో ఉదయం 9 నుంచి 12 గంటల వరకు… మధ్యాహ్నం 2 నుంచి 5 వరకు ప్రాక్టికల్ పరీక్షలను నిర్వహిస్తారు. మరోవైపు మార్చి 5వ తేదీ నుంచి తుది పరీక్షలు జరగుతాయి. ఇప్పటికే వీటి షెడ్యూల్ ను బోర్డు ప్రకటించింది.
ఇంటర్ ఫస్ట్ ఇయర్ ఎగ్జామ్స్ షెడ్యూల్ 2025:
- మార్చి 5, 2025(బుధవారం)- సెకండ్ లాంగ్వేజ్ పేపర్-1
- మార్చి 7, 2025(శుక్రవారం)- ఇంగ్లీష్ పేపర్-1
- మార్చి 11, 2025(మంగళవారం) -మ్యాథ్స్ పేపర్-1ఏ, బోటనీ పేపర్-1, పొలిటికల్ సైన్స్ పేపర్-1
- మార్చి 13, 2025(గురువారం)-మ్యాథ్స్ పేపర్-1బి, జువాలజీ పేపర్-1, హిస్టరీ పేపర్-1
- మార్చి 17, 2025 (సోమవారం) -ఫిజిక్స్ పేపర్-1, ఎనకామిక్స్ పేపర్-1
- మార్చి 19, 2025(బుధవారం) -కెమిస్ట్రీ పేపర్-1, కామర్స్ పేపర్-1
- మార్చి 21,2025(శుక్రవారం)-పబ్లిక్ అడ్మినిస్ట్రేషన్ పేపర్-1, బ్రిడ్జ్ కోర్స్ మ్యాథ్య్ పేపర్-1(బైపీసీ విద్యార్థులకు)
- మార్చి 24, 2025(సోమవారం)-మోడ్రన్ లాంగ్వేజ్ పేపర్-1, జాగ్రఫీ పేపర్ -1
ఇంటర్ సెకండ్ ఇయర్ పరీక్షల షెడ్యూల్ 2025:
- మార్చి 6 , 2025(గురువారం)- సెకండ్ లాంగ్వేజ్ పేపర్-2
- మార్చి 10, 2025(సోమవారం)- ఇంగ్లీష్ పేపర్-2
- మార్చి 12, 2025(బుధవారం) -మ్యాథ్స్ పేపర్-2ఏ, బోటనీ పేపర్-2, పొలిటికల్ సైన్స్ పేపర్-2
- మార్చి 15, 2025(శనివారం)-మ్యాథ్స్ పేపర్-2బి, జువాలజీ పేపర్-2, హిస్టరీ పేపర్-2
- మార్చి 18, 2025 (మంగళవారం) -ఫిజిక్స్ పేపర్-2, ఎనకామిక్స్ పేపర్-2
- మార్చి 20, 2025(గురువారం) -కెమిస్ట్రీ పేపర్-2, కామర్స్ పేపర్-2
- మార్చి 22,2025(శనివారం)-పబ్లిక్ అడ్మినిస్ట్రేషన్ పేపర్-2, బ్రిడ్జ్ కోర్స్ మ్యాథ్య్ పేపర్-2(బైపీసీ విద్యార్థులకు)
- మార్చి 25, 2025(మంగళవారం)-మోడ్రన్ లాంగ్వేజ్ పేపర్-2, జాగ్రఫీ పేపర్ -2.
నేషనల్ మెరిట్ స్కాలర్ షిప్ పై తెలంగాణ ఇంటర్ బోర్డు మరో అప్డేట్ ఇచ్చింది. రెన్యూవల్ తో పాటు కొత్తగా దరఖాస్తు చేసుకునే విద్యార్థులు అప్లికేషన్ ప్రాసెస్ చేసుకోవచ్చని సూచించింది. ఈ గడువును జనవరి 19వ తేదీ వరకు పొడిగించినట్లు తాజా ప్రకటనలో తెలిపింది.
కేంద్ర ప్రభుత్వం.. ఇంటర్ పూర్తైన విద్యార్థులకు నేషనల్ మెరిట్ స్కాలర్ షిప్ అందిస్తున్న విషయం తెలిసిందే. అర్హత గల విద్యార్థులు https://scholarships.gov.in/ వెబ్ సైట్ ద్వారా ఆన్ లైన్ లో దరఖాస్తు చేసుకోవచ్చు.
సంబంధిత కథనం