Supreme Court Jobs : సుప్రీంకోర్టులో 107 పోస్టుల భర్తీకి నోటిఫికేషన్, దరఖాస్తు విధానం ఇలా

సుప్రీంకోర్టులో 107 ఉద్యోగాల భర్తీకి నోటిఫికేషన్ విడుదలైంది. కోర్ట్ మాస్టర్ (షార్ట్‌ హ్యాండ్), సీనియర్ పర్సనల్ అసిస్టెంట్, పర్సనల్ అసిస్టెంట్ పోస్టులను ఈ నోటిఫికేషన్ ద్వారా భర్తీ చేయనున్నారు. అర్హులైన అభ్యర్థులు డిసెంబర్ 25వ తేదీలోపు దరఖాస్తు చేసుకోవచ్చు. అర్హులైన అభ్యర్థులు తమ దరఖాస్తు ఫారమ్‌లను అధికారిక వెబ్‌సైట్ www.sci.gov.inలో సమర్పించవచ్చు.

ఇతర వివరాలు

• పోస్టులు - కోర్టు మాస్టర్ (షార్ట్‌ హ్యాండ్), సీనియర్ పర్సనల్ అసిస్టెంట్, పర్సనల్ అసిస్టెంట్ పోస్టులు
• మొత్తం ఖాళీల సంఖ్య - 107
• కోర్ట్ మాస్టర్ (షార్ట్‌ హ్యాండ్): 31
• సీనియర్ పర్సనల్ అసిస్టెంట్: 33
• పర్సనల్ అసిస్టెంట్ : 43
• అప్లికేషన్ మోడ్ - ఆన్‌లైన్
• దరఖాస్తుకు చివరి తేదీ- 25 డిసెంబర్ 2024
• అధికారిక వెబ్‌సైట్- www.sci.gov.in

అర్హతలు

• కోర్టు మాస్టర్ (షార్ట్‌ హ్యాండ్) - 30 నుంచి 45 సంవత్సరాల వయోపరిమితి. గుర్తింపు పొందిన విశ్వవిద్యాలయం నుంచి న్యాయశాస్త్రంలో డిగ్రీ, షార్ట్‌హ్యాండ్‌లో ప్రావీణ్యం (ఇంగ్లీష్‌లో 120 wpm) 40 wpm వేగంతో టైపింగ్ చేయాలి.
• సీనియర్ పర్సనల్ అసిస్టెంట్ -వయోపరిమిత 18 నుంచి 30 సంవత్సరాలు. గుర్తింపు పొందిన విశ్వవిద్యాలయం నుంచి డిగ్రీ, షార్ట్‌హ్యాండ్‌లో నైపుణ్యం (ఇంగ్లీష్‌లో 110 wpm), 40 wpm టైపింగ్ వేగంతో కంప్యూటర్ పరిజ్ఞానం.
• పర్సనల్ అసిస్టెంట్ - 18 నుంచి 30 సంవత్సరాలు వయోపరిమితి. గుర్తింపు పొందిన విశ్వవిద్యాలయం నుంచి డిగ్రీ, షార్ట్‌హ్యాండ్‌లో నైపుణ్యం (ఇంగ్లీష్‌లో 100 wpm), 40 wpm టైపింగ్ వేగంతో కంప్యూటర్ పరిజ్ఞానం.

దరఖాస్తు రుసుము

• జనరల్/ఓబీసీ అభ్యర్థులు - రూ.1000
• ఎస్సీ,ఎస్టీ,పీడబ్ల్యూడీ, ఇతర రిజర్వు కేటగిరీలు - రూ.250

ఎంపిక ప్రక్రియ

• టైపింగ్ స్పీడ్ టెస్ట్ : అభ్యర్థులు కంప్యూటర్‌లో 40 వర్డ్స్ పర్ మినిట్ వేగంతో టైప్ చేయడంలో నైపుణ్యాన్ని ప్రదర్శించాలి. నిర్ణీత ఎర్రర్ పరిమితి ఉంటుంది.
• షార్ట్‌హ్యాండ్ (ఇంగ్లీష్) పరీక్ష : కోర్టు మాస్టర్, సీనియర్ పర్సనల్ అసిస్టెంట్ పోస్టుల కోసం వరుసగా 120, 110 wpm వేగంతో షార్ట్‌హ్యాండ్ పరీక్ష నిర్వహిస్తారు.
• రాత పరీక్ష : కోర్టు మాస్టర్, పర్సనల్ అసిస్టెంట్ పోస్టులకు రాత పరీక్ష ఉంటుంది.
• ఇంటర్వ్యూ : ఇంటర్వ్యూ రౌండ్ ఆధారంగా తుది ఎంపిక ఉంటుంది.

సుప్రీంకోర్టు రిక్రూట్‌మెంట్ 2024 ఆన్‌లైన్‌ దరఖాస్తు విధానం

• ముందుగా సుప్రీంకోర్టు వెబ్‌సైట్‌ https://www.sci.gov.in/ పై క్లిక్ చేయండి.
• హోమ్‌పేజీలోని నోటీసు ట్యాబ్ లోని రిక్రూట్‌మెంట్ ఆప్షన్ పై క్లిక్ చేయండి.
• కోర్ట్ మాస్టర్, సీనియర్ పర్సనల్ అసిస్టెంట్, పర్సనల్ అసిస్టెంట్ పోస్ట్‌ల కోసం ఆన్‌లైన్ అప్లికేషన్ లింక్ పై క్లిక్ చేయండి.
• దరఖాస్తు ఫారమ్‌లో విద్యార్హతలు, అనుభవం, ఇతర వ్యక్తిగత వివరాలు నమోదు చేయాలి.
• ఫోటో, సంతకం, ఇతర డాక్యుమెంట్‌ల స్కాన్ కాపీలను అప్‌లోడ్ చేయండి.
• అప్లికేషన్ ఫీజు చెల్లించండి.
• అన్ని వివరాలను ఒకసారి చెక్ చేసుకుని అప్లికేషన్ సబ్మిట్ చేయండి.

సుప్రీంకోర్టు ఉద్యోగాల నోటిఫికేషన్

సుప్రీంకోర్టు అధికారి వెబ్ సైట్