ఆస్ట్రేలియాలో చదువుకు ప్లాన్​ చేస్తున్నారా? ప్రపంచ టాప్​ 50 లిస్ట్​లో ఈ 6 యూనివర్సిటీలు..

విదేశాల్లో చదువుకోవాలనుకునే విద్యార్థులు సాధారణంగా అమెరికా, యునైటెడ్ కింగ్‌డమ్ లేదా కెనడా వంటి దేశాలను ఎంచుకుంటారు. కానీ గత కొన్నేళ్లుగా ఆస్ట్రేలియా సైతం ప్రపంచ విద్యా కేంద్రంగా దూసుకెళుతోంది. ఇది కేవలం ప్రపంచ స్థాయి విశ్వవిద్యాలయాలను మాత్రమే కాకుండా, అత్యాధునిక పరిశోధనలకు కూడా విస్తృత అవకాశాలను అందిస్తోంది. ఈ నేపథ్యంలో ప్రపంచ్​ టాప్​-50 లిస్ట్​లోని 6 ఆస్ట్రేలియా యూనివర్సిటీల వివరాలను ఇక్కడ తెలుసుకోండి..

ఆస్ట్రేలియాలో చదువు ఎందుకు ఉత్తమ ఎంపిక?

ఆస్ట్రేలియాలోని బహుళ సాంస్కృతిక క్యాంపస్ వాతావరణం నుంచి లాభదాయకమైన పోస్ట్-స్టడీ వర్క్ అవకాశాల వరకు.. విద్యాపరమైన నైపుణ్యాన్ని శక్తివంతమైన, సురక్షితమైన, భవిష్యత్-ఆధారిత జీవనశైలిని కలిపి చూస్తున్న విద్యార్థులకు ఆస్ట్రేలియా ఒక గొప్ప ఎంపిక!

ఆసక్తికరంగా, అనేక ఆస్ట్రేలియన్ విశ్వవిద్యాలయాలు.. “క్యూఎస్​ వరల్డ్ యూనివర్సిటీ ర్యాంకింగ్స్ 2026”లో ప్రపంచంలోని టాప్ 50 విద్యాసంస్థల్లో స్థానం సంపాదించాయి! ఇది ఆస్ట్రేలియా కేవలం అందమైన పర్యాటక ప్రదేశం మాత్రమే కాదు, ప్రపంచంలోనే అత్యుత్తమ విశ్వవిద్యాలయాలకు బలమైన పోటీదారు అని మరోసారి రుజువు చేసింది.

మీరు విదేశాల్లో చదువుకోవాలని ప్లాన్ చేస్తుంటే, ఆస్ట్రేలియాలోని ఈ విశ్వవిద్యాలయాలను మీ షార్ట్‌లిస్ట్‌లో చేర్చుకోవడం చాలా ముఖ్యం:

ఆస్ట్రేలియాలోని టాప్ యూనివర్సిటీలు (క్యూఎస్​ వరల్డ్ యూనివర్సిటీ ర్యాంకింగ్స్ 2026 ప్రకారం):

యూనివర్సిటీ ఆఫ్ మెల్‌బోర్న్

• స్థానం: పార్క్‌విల్లే, ఆస్ట్రేలియా
• ప్రపంచ ర్యాంక్: 19
• మొత్తం స్కోరు: 90.8

యూనివర్సిటీ ఆఫ్ న్యూ సౌత్ వేల్స్ సిడ్నీ

• స్థానం: సిడ్నీ, ఆస్ట్రేలియా
• ప్రపంచ ర్యాంక్: 20
• మొత్తం స్కోరు: 90.7

యూనివర్సిటీ ఆఫ్ సిడ్నీ

• స్థానం: సిడ్నీ, ఆస్ట్రేలియా
• ప్రపంచ ర్యాంక్: 25
• మొత్తం స్కోరు: 89.4

ఆస్ట్రేలియన్ నేషనల్ యూనివర్సిటీ

• స్థానం: కాన్‌బెర్రా, ఆస్ట్రేలియా
• ప్రపంచ ర్యాంక్: 32
• మొత్తం స్కోరు: 87.4

మోనాష్ యూనివర్సిటీ

• స్థానం: మెల్‌బోర్న్, ఆస్ట్రేలియా
• ప్రపంచ ర్యాంక్: 36
• మొత్తం స్కోరు: 85.8

యూనివర్సిటీ ఆఫ్ క్వీన్స్‌ల్యాండ్

• స్థానం: బ్రిస్బేన్ సిటీ, ఆస్ట్రేలియా
• ప్రపంచ ర్యాంక్: 42
• మొత్తం స్కోరు: 85.1

ఈ విశ్వవిద్యాలయాలు క్యూఎస్​ వరల్డ్​ యూనివర్సిటీ ర్యాంకింగ్స్​ 2025లోనూ చోటు సంపాదించుకున్నాయి.

పూర్తి ర్యాంకింగ్ జాబితా కోసం, ఆశావహులు topuniversities.comలోని క్యూసఎస్​ వరల్డ్ యూనివర్సిటీ ర్యాంకింగ్స్ 2026 అధికారిక వెబ్‌సైట్‌ను సందర్శించవచ్చు.

ఈ విధంగా టాప్​ యూనివర్సిటీలతో ఆస్ట్రేలియా అంతర్జాతీయ విద్యార్థులకు గమ్యస్థానంగా నిలుస్తోంది.