SSC MTS answer key 2024: ఎస్ఎస్సీ ఎంటీఎస్ 2024 ఆన్సర్ కీ విడుదల; ఈ స్టెప్స్ తో డౌన్ లోడ్ చేసుకోండి

SSC MTS answer key 2024: మల్టీ టాస్కింగ్ స్టాఫ్ (MTS) (నాన్ టెక్నికల్), హవల్దార్ (సీబీఐసీ అండ్ సీబీఎన్ రిక్రూట్మెంట్ ఎగ్జామినేషన్) ప్రొవిజనల్ ఆన్సర్ కీ 2024 విడుదలైంది. ఈ ఆన్సర్ కీ ని స్టాఫ్ సెలక్షన్ కమిషన్ (SSC) అధికారిక వెబ్ సైట్ ssc.gov.in.లో అప్ లోడ్ చేశారు. ఈ పరీక్ష రాసిన అభ్యర్థులు తమ ఆన్సర్ షీట్ ను చెక్ చేసుకోవచ్చు. ప్రొవిజనల్ ఎస్ఎస్సీ ఎంటీఎస్ ఆన్సర్ కీతో పాటు అభ్యర్థుల రికార్డు చేసిన సమాధానాలను కూడా కమిషన్ విడుదల చేసింది.

అభ్యంతరాలుంటే..

ఆన్సర్ కీని డౌన్లోడ్ చేసుకోవడానికి అభ్యర్థులు తమ రిజిస్ట్రేషన్ నంబర్, పాస్ వర్డ్ ను లాగిన్ మాడ్యూల్లో నమోదు చేయాల్సి ఉంటుంది. తాత్కాలిక ఆన్సర్ కీలకు సంబంధించి అభ్యంతరాలను అభ్యర్థులు నవంబర్ 29 వ తేదీ నుంచి డిసెంబర్ 2వ తేదీ సాయంత్రం 5 గంటల వరకు ఆన్ లైన్ లో వ్యక్తం చేయవచ్చు. అభ్యర్థులు తమ ప్రతీ అభ్యంతరానికి ఆన్ లైన్ లో రూ .100 చెల్లించాల్సి ఉంటుంది. 02.12.2024 సాయంత్రం 05:00 గంటల తర్వాత వచ్చిన విజ్ఞప్తులను ఎట్టి పరిస్థితుల్లోనూ స్వీకరించబోమని అధికారిక నోటీసులో పేర్కొన్నారు.

ఎలా డౌన్లోడ్ చేయాలి?

ఎస్సెస్సీ ఎంటీఎస్ పరీక్ష రాసిన అభ్యర్థులు తమ ఆన్సర్ షీట్లను ఈ కింది స్టెప్స్ ఫాలో కావడం ద్వారా డౌన్ లోడ్ చేసుకోవచ్చు.

• ముందుగా వారు ఎస్సెస్సీ అధికారిక వెబ్ సైట్ ssc.gov.in. ను ఓపెన్ చేయాలి.
• హోమ్ పేజీలో కనిపిస్తున్న ఆన్సర్ కీ ట్యాబ్ పై క్లిక్ చేయాలి.
• ఎంటీఎస్ ఆన్సర్ కీ నోటిఫికేషన్ డౌన్లోడ్ చేసుకుని ముఖ్యమైన తేదీలు, అభ్యంతర రుసుము, ఇతర వివరాలను చెక్ చేసుకోవాలి.
• ఇప్పుడు రిజిస్ట్రేషన్ నంబర్, పాస్ వర్డ్ తో అభ్యర్థి పేజీలోకి లాగిన్ అవ్వాలి.
• ప్రొవిజనల్ ఆన్సర్ కీని, రికార్డ్ చేయబడ్డ తమ ఆన్సర్ కీ ని చెక్ చేసుకోవాలి.
• ఏదైనా సమాధానానికి మీరు ఒకవేళ అభ్యంతరాన్ని సబ్మిట్ చేయాలనుకుంటే, ప్రాసెస్ కొరకు పేర్కొనబడ్డ దశలను అనుసరించండి.

9,583 ఖాళీల భర్తీ కోసం సెప్టెంబర్ లో పరీక్ష

సెప్టెంబర్ 30 నుంచి నవంబర్ 14 వరకు ఈ ఎస్సెస్సీ ఎంటీఎస్ (SSC MTS) రిక్రూట్ మెంట్ ఎగ్జామ్ జరిగింది. ఈ పరీక్ష 9,583 ఖాళీల భర్తీ కోసం నిర్వహించారు. వాటిలో ఎంటీఎస్ కు 6,144, హవల్దార్ కు 3,439 ఖాళీలు ఉన్నాయి. తొలుత 8,236 ఖాళీలకు రిక్రూట్ మెంట్ డ్రైవ్ నిర్వహించాలని భావించినప్పటికీ ఆ తర్వాత ఆ సంఖ్యను పెంచారు. కంప్యూటర్ ఆధారిత పరీక్షను రెండు సెషన్లుగా విభజించారు. ఒక్కొక్కటి 45 నిమిషాలు ఉంటుంది. ప్రశ్నలు ఆబ్జెక్టివ్ టైప్, మల్టిపుల్ ఛాయిస్ గా ఉండేవి. రెండో సెషన్లో మాత్రమే తప్పు సమాధానాలకు నెగెటివ్ మార్కు (-1) వచ్చింది. రాత ఫలితాల తర్వాత హవల్దార్ ఖాళీలకు షార్ట్ లిస్ట్ చేసిన అభ్యర్థులను ఫిజికల్ ఎఫిషియెన్సీ టెస్ట్ (పీఈటీ)/ ఫిజికల్ స్టాండర్డ్ టెస్ట్ (పీఎస్టీ)కు పిలుస్తారు. ఈ రౌండ్ల వివరాలను తరువాత వెల్లడిస్తారు.