ఎస్​ఐబీ రిక్రూట్​మెంట్​ 2025- రూ. 7.4 లక్షల ప్యాకేజీతో ఉద్యోగాలు, పూర్తి వివరాలు..

వివిధ పోస్టుల భర్తీకి నోటిఫికేషన్​ని జారీ చేసింది సౌత్​ ఇడియన్​ బ్యాంక్​ (ఎస్​ఐబీ). ఆసక్తి, అర్హత గల అభ్యర్థులు ఎస్​ఐబీ అధికారిక వెబ్​సైట్​లో అప్లికేషన్​ని దాఖలు (మే 19 నుంచి) చేసుకోవచ్చు. జూనియర్​ ఆఫీసర్​/ బిజినెస్​ ప్రమోషన్​ ఆఫీసర్​ పోస్టులకు ఈ దఫా రిక్రూట్​మెంట్​ నిర్వహిస్తోంది. ఈ నేపథ్యంలో ఈ రిక్రూట్​మెంట్​కి సంబంధించిన ముఖ్యమైన తేదీలు, అప్లికేషన్​ ఫీజు, ఎంపిక విధానం వంటి పూర్తి వివరాలను ఇక్కడ తెలుసుకోండి..

ఎస్​ఐబీ జూనియర్​ ఆఫీసర్​ రిక్రూట్​మెట్​ 2025..

ముఖ్యమైన తేదీలు

• అప్లికేషన్​ ప్రారంభ తేదీ- 19-05- 2025
• అప్లికేషన్​ దాఖలుకు చివరి తేదీ- 26-05-2025
• అప్లికేషన్​ ఫీజుకు చివరి తేదీ- 26-05-2025
• పరీక్ష తేదీ, అడ్మిట్​ కార్డుల జారీ తేదీ- ప్రకటించాల్సి ఉంది.

వయస్సు పరిమితి- అభ్యర్థి వయస్సు 28ఏళ్లకు మించకూడదు. రిక్రూట్​మెంట్​ రూల్స్​ పరంగా అర్హులకు సవరణలు ఉంటాయి.

ఎలిజిబులిటీ- సౌత్​ ఇండియన్​ బ్యాంక్​ రిక్రూట్​మెంట్​ 2025 కోసం అప్లై చేయాలనుకుంటున్న వారు. భారత దేశంలో గుర్తింపు ఉన్న ఏదైనా యూనివర్సిటీ నుంచి బ్యాచిలర్​ డిగ్రీ.

అప్లికేషన్​ ఫీజు- జనరల్​ కేటగిరీ వారికి రూ. 500, ఎస్​సీ, ఎస్​టీ అభ్యర్థులకు రూ. 200

వేతనం- ఎన్​పీసీ కాంట్రిబ్యూషన్​, ఇన్సూరెన్స్​ ప్రీమియం, పర్ఫార్మెన్స్​ ఆధారిత వేరియబుల్​ పేతో కలుపుకుని వార్షిక సీటీసీ రూ. 7.44 లక్షలు.

ఎంపిక విధానం- ఎస్​ఐబీ రిక్రూట్​మెంట్​ 2025లో భాగంగా మొదట ఆన్​లైన్​ పరీక్ష నిర్వహిస్తారు. అందులో పాసైన వారికి ఇంటర్వ్యూ నిర్వహిస్తారు. ఇందులో మంచి ప్రదర్శన చేసిన వారికి పోస్టుల ఖాళీల బట్టి ఉద్యోగం లభిస్తుంది.

అభ్యర్థులు నోటిఫికేషన్​ని పూర్తి చదివిన తర్వాత అప్లికేషన్​ ప్రాసెస్​ని ప్రారంభించాల్సి ఉంటుంది. మరిన్ని వివరాల కోసం అభ్యర్థులు ఎస్​ఐబీ అధికారిక వెబ్​సైట్​ని ఎప్పటికప్పుడు చెక్​ చేస్తూ ఉండాలని అధికారులు వెల్లడించారు.

ఐడీబీఐ బ్యాంకులో ఉద్యోగాలు..

బ్యాంకు ఉద్యోగాల కోసం చూస్తున్న వారికి మరో​ అప్డేట్​! ఐడీబీఐ రిక్రూట్​మెంట్​ 2025లో భాగంగా జూనియర్​ అసిస్టెంట్​ మేనేజర్​ (జేఏఎం) పోస్టులకు అప్లికేషన్​ ప్రక్రియ ఇప్పటికే ప్రారంభమైంది. ఆసక్తి, అర్హత కలిగిన అభ్యర్థులు ఐడీబీఐ బ్యాంకు అధికారిక వెబ్​సైట్​ (idbibank.in) లో అప్లికేషన్​ని వేయొచ్చు. ఈ దఫా రిక్రూట్​మెంట్​లో మొత్తం 676 జేఏఎం పోస్టులను సంస్థ భర్తీ చేస్తోంది.

ఐడీబీఐ రిక్రూట్​మెంట్​ 2025- ముఖ్యమైన తేదీలు..

అప్లికేషన్​ దాఖలుకు చివిరి తేదీ- 2025 మే 20 (మార్పులు- ఫీజు చెల్లింపుతో సహా)

ఆన్​లైన్​ పరీక్ష తేదీ- 2025 జూన్​ 8.

ఐడీబీఐ రిక్రూట్​మెంట్​ 2025- సాలరీ ప్యాకేజ్​..

ఐడీబీఐ రిక్రూట్​మెంట్ 2025​లో ఎంపికైన వారిని జూనియర్​ అసిస్టెంట్​ మేనేజర్ ​(గ్రేడ్​ ఓ) గా అపాయింట్​ చేస్తారు. ఇనీషియల్​ వార్షిక సీటీసీ రూ. 6.14లక్షలు- రూ. 6.50లక్షల (క్లాస్​ ఏ నగరాలకు) మధ్యలో ఉంటుంది. పర్ఫార్మెన్స్​ ఆధారంగా సాలరీ ఇంక్రిమెంట్​ ఉంటుంది.

పూర్తి వివరాల కోసం ఇక్కడ క్లిక్​ చేయండి.