ఆర్ఆర్‌బీ ఎన్టీపీసీ ఎగ్జామ్ 2025 తేదీలను వెల్లడించిన బోర్డు.. ఇక్కడ తెలుసుకోండి

రైల్వే రిక్రూట్మెంట్ బోర్డు (ఆర్ఆర్‌బీ) ఎన్టీపీసీ ఎగ్జామ్ 2025 తేదీలను మే 13, 2025న విడుదల చేసింది. ఆర్ఆర్‌బీ నాన్ టెక్నికల్ పాపులర్ కేటగిరీ (ఎన్టీపీసీ) ల (గ్రాడ్యుయేట్) కోసం రిజిస్టర్ చేసుకున్న అభ్యర్థులు సీబీటీ 1 పరీక్ష తేదీల నోటిఫికేషన్‌ను ప్రాంతీయ ఆర్ఆర్‌బీల అధికారిక వెబ్‌సైట్లలో చూసుకోవచ్చు.

ఆర్ఆర్‌బీ ఎన్టీపీసీ కంప్యూటర్ బేస్డ్ టెస్ట్-1ను జూన్ 5 నుంచి 23 వరకు నిర్వహించనున్నారు. సీబీటీ 1 పరీక్ష వ్యవధి 90 నిమిషాలు, ప్రతి ప్రశ్నకు 1 మార్కు ఉంటుంది. జనరల్ అవేర్ నెస్ నుంచి 40, మ్యాథమెటిక్స్ జనరల్ ఇంటెలిజెన్స్ అండ్ రీజనింగ్ విభాగం నుంచి 30 చొప్పున మొత్తం 100 ప్రశ్నలు వస్తాయి. నెగెటివ్ మార్కింగ్ ఉంటుంది. ప్రతి తప్పు సమాధానానికి 1/3 మార్కు కోత విధిస్తారు.

మొదటి దశ కంప్యూటర్ బేస్డ్ టెస్ట్ (సీబీటీ), రెండో దశ కంప్యూటర్ బేస్డ్ టెస్ట్ (సీబీటీ), టైపింగ్ స్కిల్ టెస్ట్/ కంప్యూటర్ బేస్డ్ ఆప్టిట్యూడ్ టెస్ట్, డాక్యుమెంట్ వెరిఫికేషన్/ మెడికల్ ఎగ్జామినేషన్ ఉంటాయి. పైన పేర్కొన్న నియామక దశల ఆధారంగా మెరిట్ ప్రకారం ఎంపిక చేస్తారు.

ఎగ్జామ్ సిటీ, తేదీ, ట్రావెల్ అథారిటీ డౌన్లోడ్ కోసం లింక్ అన్ని ఆర్ఆర్‌బీ అధికారిక వెబ్సైట్లలో పరీక్ష తేదీకి 10 రోజుల ముందు అందుబాటులోకి వస్తుంది. ఎగ్జామ్ సిటీ, డేట్ ఇన్ఫర్మేషన్ లింక్ లో పేర్కొన్న పరీక్ష తేదీకి 4 రోజుల ముందు ఈ-కాల్ లెటర్స్ ప్రారంభమవుతాయి.

ఆర్ఆర్‌బీ 8113 గ్రాడ్యుయేట్ స్థాయి ఎన్టీపీసీ పోస్టులను భర్తీ చేయనుంది. వీటిలో చీఫ్ కమర్షియల్ కమ్ టికెట్ సూపర్వైజర్ 1736 ఖాళీలు, స్టేషన్ మాస్టర్ 994 ఖాళీలు, గూడ్స్ ట్రైన్ మేనేజర్ 3144 ఖాళీలు, జూనియర్ అకౌంట్ అసిస్టెంట్ కమ్ టైపిస్ట్ 1507 ఖాళీలు, సీనియర్ క్లర్క్ కమ్ టైపిస్ట్ పోస్టులు 732 ఖాళీలను భర్తీ చేయనున్నారు.