Railway jobs : రైల్వేలో భారీగా అప్రెంటీస్ పోస్టులు.. 10 పాసైతే చాలు, పరీక్షలు కూడా లేవు!
Railway Recruitment 2025 : రైల్వేలో భారీగా అప్రెంటీస్ పోస్టులు పడ్డాయి. 10 పాసైతే చాలు. పైగా ఎలాంటి రాత పరీక్షలు కూడా ఉండవు! మెరిట్ ఆధారంగా ఇస్తారు. నెలకు రూ. 20,200 వరకు స్టైఫండ్ కూడా పొందొచ్చు. పూర్తి వివరాలు ఇవే..
వివిధ విభాగాలకు సంబంధించిన అప్రెంటీస్ పోస్టులను ప్రకటించింది ఆర్ఆర్బీ (రైల్వే రిక్రూట్మెంట్ బోర్డు). అప్లికేషన్ ప్రక్రియ ఇప్పటికే మొదలవ్వగా, చివరి తేదీ ఈ నెల 27 అని గుర్తుపెట్టుకోవాలి. ఈ దఫా రిక్రూట్మెంట్లో మొత్తం 4,232 అప్రెంటీస పోస్టులను ఆర్ఆర్బీ భర్తీ చేయనుంది. ఈ నేపథ్యంలో వేకెన్సీలు, అర్హత, ఎంపిక ప్రక్రియ వంటి వివరాలను ఇక్కడ తెలుసుకోండి..
రైల్వే రిక్రూట్మెంట్ 2025- అప్రెంటీస్ పోస్టులు
- ఎయిర్ కండీషనింగ్
- కార్పెంటర్
- డీజిల్ మెకానిక్
- ఎలక్ట్రానిక్ మెకానిక్
- ఎలక్ట్రీషియన్
- ఫిట్టర్
- పెయింటర్
- వెల్డర్తో పాటు ఇతర విభాగాలు
అర్హత- వయస్సు పరిమితి వివరాలు..
రైల్వే రిక్రూట్మెంట్ 2025లో అప్రెంటీస్ పోస్టులకు అప్లికేషన్ దాఖలు చేస్తున్న అభ్యర్థులు గుర్తింపు పొందిన విద్యాసంస్థ నుంచి కనీసం 10వ తరగతి పాసై (50 పర్సెంట్)ఉండాలి. అంతేకాకుండా సంబంధిత విభాగంలో ఐటీఐ సర్టిఫికేట్ పొంది ఉండాలి.
2024 డిసెంబర్ 28 నాటికి అభ్యర్థుల వయస్సు 15 నుంచి 24 మధ్యలో ఉండాలి. రిజర్వ్డ్ కేటగిరీకి వయస్సు పరిమితిలో సడలింపులు ఉంటాయి.
ఎంపిక విధానం- వేతనం
రైల్వే రిక్రూట్మెంట్ 2025లో అప్రెంటీస్ పోస్టుల కోసం ఎలాంటి రాత పరీక్ష ఉండదు.
డాక్యుమెంట్ వెరిఫికేషన్, వైద్య పరీక్షలతో పాటు మెరిట్ లిస్ట్ ఆధారంగా ఎంపిక విధానం ఉంటుంది.
రైల్వే అప్రెంటీస్లో చేరిన వారికి రూ. 7,700 నుంచి 20,200 వరకు నెలవారీ స్టైఫండ్ లభిస్తుంది.
అప్లికేషన్ ఫీజు-
- జనరల్, ఓబీసీ, ఈడబ్ల్యూఎస్ అభ్యర్థులకు రూ. 100
- ఎస్సీ, ఎస్టీ, పీహెచ్ అభ్యర్థులకు- రూ. 0
ఈ డాక్యుమెంట్లు అవసరం-
రైల్వే రిక్రూట్మెంట్ 2025లో భాగంగా అప్రెంటీస్ పోస్టులకు దరఖాస్తు చేసుకునే వారు ఈ కింద చెప్పిన డాక్యుమెంట్స్ని సమర్పించాల్సి ఉంటుంది.
- ఆధార్ కార్డు
- 10వ తరగతి మార్క్ షీట్
- ఐటీఐ డిప్లొమా
- పాస్పోర్ట్ సైజు ఫొటో
మరిన్ని వివరాల కోసం www.scr.indianrailways.gov.in. ని సందర్శించవచ్చు.
సంబంధిత కథనం