ఓయూ పీహెచ్డీ 2025 ఎంట్రెన్స్ పరీక్ష - హాల్ టికెట్లు విడుదల, ఇలా డౌన్లోడ్ చేసుకోండి
ఓయూ పీహెచ్డీ ఎంట్రెన్స్ కు సంబంధించి మరో అప్డేట్ వచ్చింది. హాల్ టికెట్లు అందుబాటులోకి వచ్చాయి. అధికారిక వెబ్ సైట్ నుంచి వీటిని డౌన్లోడ్ చేసుకోవచ్చు. ఏప్రిల్ 25 నుంచి ఎంట్రెన్స్ పరీక్షలు ప్రారంభమవుతాయి.
ఉస్మానియా యూనివర్శిటీ పీహెచ్డీ ప్రవేశ పరీక్ష - 2025 హాల్ టికెట్లు విడుదలయ్యాయి. దరఖాస్తు చేసుకున్న అభ్యర్థులు అధికారిక వెబ్ సైట్ నుంచి డౌన్లోడ్ చేసుకోవాలని అధికారులు సూచించారు. ఏప్రిల్ 25వ తేదీ నుంచి ఈ ఎగ్జామ్స్ ప్రారంభమవుతాయి. ఏప్రిల్ 27వ తేదీతో అన్ని సబ్జెక్టుల పరీక్షలు పూర్తవుతాయి.
హాల్ టికెట్లు ఇలా డౌన్లోడ్ చేసుకోండి:
- అభ్యర్థులు ఉస్మానియా యూనివర్శిటీ అడ్మిషన్స్ వెబ్ సైట్ లోకి వెళ్లాలి.
- హోం పేజీలో కనిపించే Ph.D. Entrance Test - 2025 లింక్ పై క్లిక్ చేయాలి.
- ఇక్కడ కొత్త పేజీలో ఓపెన్ అవుతుంది. ఇందులో డౌన్లోడ్ హాల్ టికెట్ అని ఉంటుంది. ఇక్కడ నొక్కాలి.
- ఇక్కడ మీ రిజిస్ట్రేషన్ నెంబర్, పుట్టిన తేదీ వివరాలు, సబ్జెక్ట్ వివరాలను నమోదు చేయాలి.
- డౌన్లోడ్ హాల్ టికెట్ పై నొక్కితే అడ్మిట్ కార్డు డిస్ ప్లే అవుతుంది.
- ప్రింట్ లేదా డౌన్లోడ్ ప్రాసెస్ ద్వారా హాల్ టికెట్ కాపీని పొందవచ్చు.
ఓయూ పీహెచ్డీ ఎంట్రెన్స్ టెస్ట్ కోసం కంప్యూటర్ బేస్డ్‌ పరీక్ష నిర్వహిస్తారు. లాంగ్వేజ్స్ సబ్జెక్టులు తప్ప ఎంట్రెన్స్ పరీక్ష ఇంగ్లీష్‌ భాషలోనే నిర్వహిస్తారు. అర్హత పరీక్షలో కనీసం 50 శాతం మార్కులు సాధించిన వారిని మాత్రమే క్వాలిఫై అయినట్లు గుర్తిస్తారు. ఓసీ అభ్యర్ధులకు కనీసం 35 మార్కులు రావాల్సి ఉంటుంది. రిజర్వేషన్‌ క్యాటగిరీలలో 32 మార్కులు రావాల్సి ఉంటుంది.
ఈ ఎంట్రెన్స్ పరీక్ష ద్వారా ఫ్యాకల్టీ ఆఫ్ సైన్స్, ఇంజినీరింగ్, ఫార్మసీ,ఫ్యాకల్టీ ఆఫ్ ఆర్ట్స్, ఫ్యాకల్టీ ఆఫ్ ఒరియంటల్ లాంగ్వేజేస్, ఫ్యాకల్టీ ఆఫ్ సోషల్ సైన్సెస్, ఫ్యాకల్టీ ఆఫ్ కామర్స్, ఫ్యాకల్టీ ఆఫ్ మేనేజ్ మెంట్, ఎడ్యుకేషన్, లా, టెక్నాలజీ, ఫ్యాకల్టీ ఆఫ్ ఇన్ఫర్మెటిక్స్ డిపార్ట్ మెంట్ లో ప్రవేశాలు కల్పిస్తారు. ఆయా డిపార్ట్ మెంట్లలో ఉండే కోర్సుల వివరాలను వెబ్ సైట్ లో ఉంచారు.
