AP Anganwadi Recruitment 2024 : ప్రకాశం జిల్లాలో 108 అంగన్వాడీ ఉద్యోగాలు - అర్హతలు, కావాల్సిన పత్రాలివే
Prakasam District Anganwadi Recruitment: ప్రకాశం జిల్లాలో అంగన్వాడీ ఉద్యోగాలను భర్తీ చేయనున్నారు. 12 ఐసీడీఎస్ ప్రాజెక్టుల పరిధిలో 108 ఖాళీలను రిక్రూట్ చేయనున్నట్లు నోటిఫికేషన్ లో పేర్కొన్నారు. అర్హులైన వారు డిసెంబర్ 23వ తేదీలోపు దరఖాస్తు చేసుకోవాల్సి ఉంటుంది.
ప్రకాశం జిల్లాలో అంగన్వాడీ పోస్టుల భర్తీకి నోటిఫికేషన్ విడుదలైంది. దరఖాస్తు దాఖలకు డిసెంబర్ 23 ఆఖరు తేదీగా నిర్ణయించారు. జిల్లా మహిళ, శిశు సంక్షేమ, సాధికారిత అధికారి వారి కార్యాలయం నుంచి 12 ఐసీడీఎస్ ప్రాజెక్టుల పరిధిలో ఖాళీగా ఉన్న108 అంగన్వాడీ కార్యకర్త, అంగన్వాడీ సహాయకురాలు, అంగన్వాడీ మినీ కార్యకర్త పోస్టులను రిక్రూట్ చేయనున్నారు. ఇందుకోసం పదో తరగతి, ఏడో తరగతి అర్హత కలిగి వారి నుంచి అప్లికేషన్లను స్వీకరించనున్నారు.
ఖాళీల వివరాలు…
ఒంగోలు, టంగుటూరు, మద్దిపాడు, మార్కాపురం తదితర 12 ఐసీడీఎస్ ప్రాజెక్టు కార్యాలయాల్లో 108 పోస్టులు భర్తీ చేయనున్నారు. ఇందులోనూ అంగన్వాడీ కార్యకర్త పోస్టులు -15, మిని అంగన్వాడీ కార్యకర్త పోస్టులు- 4, అంగన్వాడీ ఆయా పోస్టులు -84 ఉన్నాయి.
ఈ ఉద్యోగులకు స్థానికంగా నివాసిస్తున్న వివాహిత మహిళలు అర్హులు. కాబట్టి ఎంపికైన వారు తాము నివసిస్తున్న ప్రదేశంలోనే ఉద్యోగం చేయవచ్చు. అర్హత గత వారు డిసెంబర్ 23 తేదీలోపు సంబంధిత సీడీపీఓ కార్యాలయంలో దరఖాస్తు చేసుకోవాల్సి ఉంటుంది.
అర్హతలు...వయో పరిమితి
అంగన్వాడీ కార్యకర్త, మిని అంగన్వాడీ కార్యకర్త ఉద్యోగాలకు పదో తరగతి పూర్తి చేయడం తప్పని సరి. అంగన్వాడీ సహాయకురాలు ఉద్యోగాలకు ఏడో తరగతి అర్హత ఉన్న వారు అర్హులు. కనీస వయస్సు 2024 జూలై 1 నాటికి 21 సంవత్సరాలు, గరిష్ఠ వయస్సు 35 సంవత్సరాలు. ఎస్సీ, ఎస్టీ అభ్యర్థులకు కేటాయించిన పోస్టులు ఉన్న ప్రాంతాల్లో 21 ఏళ్లు కలిగిన అభ్యర్థి లేకపోయినట్లుయితే 18 సంవత్సరాలు నిండిన వారి అప్లికేషన్ కూడా పరిగణనలోకి తీసుకుంటారు.
అంగన్వాడీ కార్యకర్తకు రూ.11,500, అంగన్వాడీ సహాయకులకు రూ.7,000 నెల జీతం ఉంటుంది. ఇంటర్వ్యూ, మెరిట్ ఆధారంగా ఎంపిక చేస్తారు. ఎటువంటి పరీక్ష లేదు. ఎటువంటి అప్లికేషన్ ఫీజు లేదు.
దరఖాస్తు చేసుకునే అభ్యర్థులు ఐసీడీఎస్ సీడీపీఓ కార్యాలయానికి వెళ్లాలి. అక్కడ దరఖాస్తు తీసుకుని, దాన్ని పూర్తి చేయాలి. అనంతరం సంబంధిత పత్రాలను జత చేయాలి. అభ్యర్థి స్వయంగా వెళ్లి సంబంధిత సీడీపీఓ కార్యాలయాల్లో తమ అప్లికేషన్ అందజేయాలి. బయోడేటాతో పాటు అన్ని విద్యా అర్హత, ఇతర సర్టిఫికెట్లు జిరాక్స్ కాపీలపై గెజిటెడ్ ఆఫీసర్తో అటెస్టేషన్ చేయించాలి. ఐసీడీఎస్ ప్రాజెక్టు కార్యాలయాల్లో అప్లికేషన్ అందజేయాలి.
కావాల్సిన ధ్రువీకరణ పత్రాలు
1. పుట్టిన తేదీ ధ్రువీకరణ పత్రం
2. పదో తరగతి సర్టిఫికేట్
3. కుల ధువ్రీకరణ పత్రం
4. స్థానిక నివాస ధ్రువీకరణ పత్రం
5. వివాహితురాలైతే వివాహ ధ్రువీకరణ పత్రం
6. అనుభవం ఉంటే, అనుభవ పత్రం
7. దివ్యాంగురాలైతే దానికి సంబంధించిన సర్టిఫికేట్
8. వితంతువులతే భర్త మరణ ధ్రువీకరణ పత్రం
రిపోర్టింగ్ : జగదీశ్వరరావు జరజాపు, హిందుస్తాన్ టైమ్స్ తెలుగు.
సంబంధిత కథనం