AP Medical Recruitment 2024 : విజయనగరం మెడికల్ కాలేజీ, బోధానస్పత్రిలో ఉద్యోగ ఖాళీలు - దరఖాస్తు తేదీలివే

విజ‌య‌న‌గ‌రం జిల్లాలోని ప్ర‌భుత్వ వైద్య కళాశాల‌, బోధ‌న ఆసుప‌త్రిలో 20 పారా మెడిక‌ల్‌, స‌పోర్టింగ్ స్టాప్ విభాగాల్లో 91 పోస్టుల‌ను భ‌ర్తీ చేయనున్నారు. ఇందులో ప్ర‌భుత్వ మెడిక‌ల్ కాలేజీ (జీఎంసీ)లో 16, ప్ర‌భుత్వ జ‌న‌ర‌ల్ ఆసుప‌త్రి (జీజీహెచ్‌)లో 75 పోస్టులు ఉన్నాయి. కాంట్రాక్ట్ అవుట్ సోర్సింగ్ ప‌ద్ద‌తుల్లో ఈ పోస్టులు భ‌ర్తీ చేస్తున్నారు. అర్హులైన వారు జనవరి 8లోపు దరఖాస్తు చేసుకోవాలి.

విభాగాల వారీగా ఖాళీలు…

ప్ర‌భుత్వ మెడిక‌ల్ కాలేజీ (జీఎంసీ)లో జూనియ‌ర్ అసిస్టెంట్ కం కంప్యూట‌ర్ అసిస్టెంట్ పోస్టు 9 (రూ.18,500), లైబ్ర‌రీ అసిస్టెంట్ 2 (రూ.20,000), ఆఫీస్ స‌బార్డినేట్ 1 (రూ.15,000), జ‌న‌ర‌ల్ డ్యూటీ అటెండెంట్ 1 (రూ.15,000), ఎల‌క్ట్రిక‌ల్ హెల్ప‌ర్ 1 (రూ.15,000), కంప్యూట‌ర్ ప్రొగ్రామ‌ర్ 1 (రూ.34,580), ఫిజిక‌ల్ ఎడ్యూకేష‌న్ ట్రైన‌ర్ (పీఈటీ) 1 (రూ.40,970) పోస్టులు ఉన్నాయి.

ప్ర‌భుత్వ జ‌న‌ర‌ల్ ఆసుప‌త్రి (జీజీహెచ్‌)లో సైకియాట్రిక్ సోషల్ వర్కర్ 2 (రూ.38,720), చైల్డ్ సైకాలజిస్ట్ 1 (రూ.54,060), క్లినికల్ సైకాలజిస్ట్ 1 (రూ.54,060), స్పీచ్ థెరపిస్ట్ 1 (రూ.40,970), జూనియర్ అసిస్టెంట్ కమ్ కంప్యూటర్ అసిస్టెంట్ 25 (రూ.18,500), ల్యాబ్ -టెక్నీషియన్ 1 (రూ.32,670), ల్యాబ్ అటెండెంట్ 1 (రూ.15,000) ఉద్యోగాలున్నాయి.

ఇక ఎమర్జెన్సీ మెడికల్ టెక్నీషియన్ 22 (రూ.32,670), ఓటీ టెక్నీషియన్ 3 (రూ.23,120), డెంటల్ టెక్నీషియన్ 1 (రూ.32,670), ఎలక్ట్రీషియన్ గ్రేడ్‌-III 1 (రూ.22,460), స్టోర్ అటెండర్ 2 (రూ.15,000) , ఆఫీస్ సబార్డినేట్ 2 (15,000), జనరల్ డ్యూటీ అటెండెంట్ 16 (రూ.15,000), ఎలక్ట్రికల్ హెల్పర్ 2 (రూ.15,000), కంప్యూటర్ ప్రోగ్రామర్ 1 (రూ.34,580), సిస్టమ్ అడ్మినిస్ట్రేటర్ 1 (రూ.34,580), నెట్‌వర్క్ అడ్మినిస్ట్రేటర్ 1 (రూ.34,580) పోస్టులు భ‌ర్తీ చేయనున్నారు.

నోటిఫికేష‌న్ షెడ్యూల్

1. ద‌ర‌ఖాస్తు దాఖ‌లుః డిసెంబ‌ర్ 28 నుంచి జ‌న‌వ‌రి 8 (సాయంత్రం 5 గంట‌ల‌) వ‌ర‌కు. కేవ‌లం ఆఫీస్ ప‌ని దినాల్లోనే అప్లికేషన్లు తీసుకుంటారు.

2. ద‌ర‌ఖాస్తులు ప‌రిశీల‌నః జ‌న‌వ‌రి 9 నుండి జ‌న‌వ‌రి 31 వ‌ర‌కు

3. మెరిట్ లిస్ట్ విడుద‌లః ఫిబ్ర‌వ‌రి 2, 2025

4. మెరిట్ లిస్ట్‌పై అభ్యంత‌రాలు, ఫిర్యాదులు చేసేందుకుః ఫిబ్ర‌వ‌రి 4 నుంచి ఫిబ్ర‌వ‌రి 11 వ‌ర‌కు

5. తుది మెరిట్ లిస్ట్ విడుద‌లః ఫిబ్ర‌వ‌రి 15, 2025

6. కౌన్సిలింగ్ అండ్ అపాయింట్‌మెంట్ ఆర్డ‌ర్ అంద‌జేతః ఫిబ్ర‌వ‌రి 28, 2025

2024 జులై 1 నాటికి క‌నీసం 18-42 ఏళ్ల మ‌ధ్య ఉండాలి. ఎస్సీ, ఎస్టీ, బీసీ, ఈడ‌బ్ల్యూఎస్ అభ్య‌ర్థుల‌కు ఐదేళ్ల వ‌య‌స్సు స‌డ‌లింపు ఉంటుంది. ఎక్స్ స‌ర్వీస్‌మెన్ అభ్య‌ర్థుల‌కు మూడేళ్లు, దివ్యాంగు అభ్య‌ర్థుల‌కు ప‌దేళ్లు స‌డ‌లింపు ఉంటుంది. అయితే 52 ఏళ్ల వ‌య‌స్సు దాట‌కూడ‌దు.

అప్లికేష‌న్ ఫీజు ఎస్‌సీ, ఎస్‌టీ, బీసీ, ఈడబ్ల్యూఎస్ అభ్య‌ర్థుల‌కు రూ.300, ఓసీ అభ్య‌ర్థుల‌కు రూ.400 ఉంటుంది. దివ్యాంగ అభ్య‌ర్థుల‌కు ఫీజు నుంచి మిన‌హాయింపు ఉంటుంది.

ద‌ర‌ఖాస్తు ఎలా చేసుకోవాలి?

ద‌ర‌ఖాస్తు ఫార‌మ్ ను https://cdn.s3waas.gov.in/s3cee631121c2ec9232f3a2f028ad5c89b/uploads/2024/12/2024122871.pdf లింక్ పై క్లిక్ చేసి పొందవచ్చు. ఈ ఫామ్ డౌన్‌లోడ్ చేసుకుని, పూర్తి చేయాలి. ఆ దరఖాస్తును విజయనగరం మెడిక‌ల్ కాలేజీ ప్రిన్సిపల్ కార్యాలయంలోని నిర్దిష్ట కౌంటర్లలో సమర్పించాలి. అద‌న‌పు వివ‌రాలు (అర్హ‌త‌లు, రిజ‌ర్వేష‌న్లు త‌దిత‌ర అంశాల గురించి)కు అధికార వెబ్‌సైట్ డైరెక్ట్ లింక్‌ను https://cdn.s3waas.gov.in/s3cee631121c2ec9232f3a2f028ad5c89b/uploads/2024/12/2024122871.pdf సంప్ర‌దిచాలి.

రిపోర్టింగ్ : జ‌గ‌దీశ్వ‌ర‌రావు జ‌ర‌జాపు, హిందుస్తాన్ టైమ్స్ తెలుగు.