NEET 2025 registration : నీట్​ యూజీ రిజిస్ట్రేషన్​ ప్రక్రియ మొదలు- ఇవి తెలుసుకుని అప్లై చేయాలి..

నీట్​ యూజీ 2025 (నేషనల్ ఎలిజిబిలిటీ కమ్ ఎంట్రెన్స్ టెస్ట్ ఫర్ అండర్ గ్రాడ్యుయేట్) పరీక్షకు సంబంధించిన కీలక అప్డేట్​! నీట్​ యూజీ రిజిస్ట్రేషన్​ ప్రక్రియను నేషనల్​ టెస్టింగ్​ ఏజెన్సీ (ఎన్టీఏ) ప్రారంభించింది. విద్యార్థులు నీట్​ అధికారిక వెబ్​సైట్​ neet.nta.nic.in లోకి వెళ్లి రిజిస్ట్రేషన్​ చేసుకోవాల్సి ఉంటుంది.

నీట్​ యూజీ 2025 రిజిస్ట్రేషన్​..

నీట్​ యూజీ 2025 రిజిస్ట్రేషన్​కి చివరి తేదీ మార్చ్​ 7 రాత్రి 11 గంటల 50 నిమిషాలు అని గుర్తుపెట్టుకోవాలి. ఫీజు చెల్లింపుకు కూడా ఇదే చివరి గడువు.

భారతదేశంలోని పరీక్ష కేంద్రంలో పరీక్షకు హాజరయ్యే సాధారణ అభ్యర్థులకు రూ. 1,700, జనరల్-ఈడబ్ల్యూఎస్​, ఓబీసీ-ఎన్​సీఎల్​ అభ్యర్థులకు రూ. 1,600, ఎస్​సీ, ఎస్​టీ, పీడబ్ల్యూడీ, థర్డ్​​జెండర్​ అభ్యర్థులకు రూ. 1,000 అప్లికేషన్ ఫీజు ఉంటుంది. భారతదేశం వెలుపల పరీక్షకు హాజరయ్యే వారికి నీట్​ యూజీ 2025 అప్లికేషన్ ఫీజు రూ. 9500!

అప్లికేషన్ విండో మూసివేసిన తర్వాత, ఎన్టీఏ మార్చ్​ 9 నుంచి 11 వరకు అభ్యర్థులకు కరెక్షన్​ విండోను ఓపెన్​లో ఉంచుతుంది.

నీట్​ సిటీ స్లిప్‌లు ఏప్రిల్ 26 నాటికి విడుదల అవుతాయని తెలుస్తోంది. నీట్​ యూజీ 2025 అడ్మిట్ కార్డులు మే 1 నాటికి విడుదల అవుతాయని సమాచారం.

ఈ ఏడాది, మెడికల్ ప్రవేశ పరీక్ష మే 4న, ఒకే షిఫ్ట్‌లో మధ్యాహ్నం 2 గంటల నుంచి సాయంత్రం 5 గంటల వరకు జరుగుతుంది. నీట్​ యూజీ ఫలితాలు జూన్​ 14న వెలువడే అవకాశం ఉంది.

నీట్​ యూజీ 2025 రిజిస్ట్రేషన్​ డైరక్ట్​ లింక్​ కోసం ఇక్కడ క్లిక్​ చేయండి.

నీట్​ యూజీ 2025- అభ్యర్థులకు సూచనలు

• నేషనల్ కమిషన్ ఫర్ బ్యాక్‌వర్డ్ క్లాసెస్ వెబ్‌సైట్ ncbc.nic.inలో అందుబాటులో ఉన్న సెంట్రల్ లిస్ట్ ఆఫ్ అదర్ బ్యాక్‌వర్డ్ క్లాసెస్ ప్రకారం OBC-NCL విభాగంలోకి వచ్చే అభ్యర్థులు కేటగిరి కాలమ్‌లో OBC-NCLని పేర్కొనవచ్చు. OBC-NCL (సెంట్రల్ లిస్ట్)లో లేని రాష్ట్ర జాబితాలోని OBC-NCL అభ్యర్థులు జనరల్‌ను ఎంచుకోవాలి.
• అభ్యర్థులు neet.nta.nic.in వెబ్‌సైట్ ద్వారా మాత్రమే “ఆన్‌లైన్” మోడ్ ద్వారా నీట్​ యూజీ 2025 కోసం దరఖాస్తు చేసుకోవచ్చు. ఏ ఇతర విధానంలోనూ దరఖాస్తులు చేయకూడదు.
• అభ్యర్థులు ఇటీవలి పాస్‌పోర్ట్ ఫోటో, చిరునామా రుజువు, స్కాన్ చేసిన సంతకం మొదలైన వాటిని అప్‌లోడ్ చేయాలి. వివరణాత్మక సమాచారం కోసం, వారు సమాచార బులెటిన్‌ను తనిఖీ చేయవచ్చు.
• ఒక అభ్యర్థి ఒక దరఖాస్తు మాత్రమే సమర్పించవచ్చు. ఎన్టీఏ వెబ్‌సైట్, సమాచార బులెటిన్‌లో ఇచ్చిన సూచనలను అభ్యర్థులు కచ్చితంగా పాటించాలి. సూచనలను పాటించని అభ్యర్థులు అనర్హులుగా ప్రకటించడం జరుగుతుంది.
• అప్లికేషన్ ఫారమ్‌లో ఇచ్చిన ఈమెయిల్ అడ్రెస్​, మొబైల్ నంబర్ వారి సొంత లేదా తల్లిదండ్రులు/ సంరక్షకులవి మాత్రమే అని అభ్యర్థులు నిర్ధారించుకోవాలి. ఎందుకంటే అన్ని సమాచారం/సంభాషణలు ఎన్టీఏ ద్వారా సదరు ఈమెయిల్ లేదా ఎస్​ఎంఎస్​ ద్వారా పంపడం జరుగుతుంది.

నీట్​ 2025కి సంబంధించిన మరింత స్పష్టత కోసం, అభ్యర్థులు వ్యక్తిగతంగా లేదా 011-40759000/011-69227700 లేదా neetug2025@nta.ac.inకు ఈమెయిల్ ద్వారా హెల్ప్‌డెస్క్‌ను సంప్రదించవచ్చు.