యూఎస్​, యూకేకి ఇవి ప్రత్యామ్నాయం- భారతీయ విద్యార్థులకు ఇక్కడ ఖర్చులు కూడా తక్కువ!

ఉన్నత చదువుల కోసం భారతీయ విద్యార్థులు దశాబ్దాల కాలంగా అమెరికా, యూకేలను ప్రిఫర్​ చేస్తున్నారు. కానీ భౌగోళిక- రాజకీయ అనిశ్చితుల కారణంగా ఆయా దేశాలు కాకుండా, రానున్న రోజుల్లో భారతీయ విద్యార్థులు ఇతర ప్రత్యామ్నాయాలను వెత్తుకునే అవకాశాలు ఉన్నాయి. ఈ నేపథ్యంలో యూఎస్​, యూకేకు ప్రత్యామ్నాయంగా ఉన్న దేశాల వివరాలను, వీటిని ఎంచుకోవడానికి గల కారణాలను ఇక్కడ తెలుుసుకోండి..

చదువులో యూఎస్​, యూకేకి ఇవి ప్రత్యామ్నాయం..

జర్మనీ- ఉన్నత విద్యకు జర్మనీ అనాదిగా ప్రసిద్ధి! అంతర్జాతీయ విద్యార్థులు ఈ దేశానికి చదువు కోసం వెళుతుంటారు. ఇక్కడ జాతికి సంబంధం లేకుండా పబ్లిక్​ యూనివర్సిటీలు ట్యూషన్​ ఫీజును ఉచితంగా ఇస్తుంటాయి. టెక్నికల్​ యూనివర్సిటీ ఆఫ్​ మునిచ్​, లాడ్విగ్​ మాక్సిమిలన్​ యూనివర్సిటీ ఆఫ్​ మునిచ్​, హంబోల్డ్​ యూనివర్సిటీ ఆఫ్​ బెర్లిన్​, యూనివర్సిటీ ఆఫ్​ బాన్​ వంటి విశ్వవిద్యాలయాలు అంతర్జాతీయ విద్యార్థులకు ఎటువంటి ట్యూషన్​ ఫీజులను వసూలు చేయవు.

కెనడా- ఇటీవలి కాలంలో భారత్​- కెనడా మద్య బంధం బలహీనపడినప్పటికీ, ఆ దేశాన్ని భారతీయులు ప్రిఫర్​ చేస్తున్నారు. ఇక్కడ ట్యూషన్​ ఫీజు చాలా తక్కువగా ఉండటం ఇందుకు ఒక కారణం. చదువు తర్వాత అనేక ఉద్యోగ అవకాశాలు కూడా ఉండటం కారణం. అంతేకాదు వర్క్​ పర్మిట్​ ఉన్న ఉద్యోగులు స్టడీ పర్మిట్​ లేకపోయినా చదువుకోవచ్చని కెనడా ఇటీవలే కొత్త పాలసీని తీసుకొచ్చింది.

ఆస్ట్రేలియా- న్యూజిలాండ్​- స్టెమ్​ (సైన్స్​, టెక్నాలజీ, ఇంజినీరింగ్​, మాథ్స్​), బిజినెస్​లో ఈ రెండు దేశాలు ముందంజలో ఉన్నాయి. అంతర్జాతీయ విద్యార్థులకు ఇక్కడ మెరుగైన అవకాశాలు కనిపిస్తున్నాయి.

ఐర్లాండ్​- థర్డ్​ లెవల్​ గ్రేడ్​ స్కీమ్​ కింద్​ చదువు తర్వాత అంతర్జాతీయ విద్యార్థులు రెండేళ్ల పాటు పని చేసుకునేందుకు ఐర్లాండ్​ అవకాశాన్ని ఇస్తుంది. ఇదొక ప్లస్​ పాయింట్​. అంతేకాదు భద్రత విషయంలో ఐర్లాండ్​ చాలా మెరుగైన దేశం.

నెథర్​ల్యాండ్స్​- బలమైన విద్యా వ్యవస్థ, అఫార్డిబుల్​ కాస్ట్​ ఆఫ్​ లివింగ్​ వంటి కారణాలతో నెథర్​ల్యాండ్స్​ కూడా అంతర్జాతీయ విద్యార్థులకు మంచి ఆప్షన్​ అవుతుంది. భద్రత విషయంలోనూ ఇది మెరుగైన దేశం.

వీటిని ఎందుకు ఎంచుకోవాలి?

ఆయా దేశాల్లో ట్యూషన్​ ఫీజు 0 లేదా చాలా తక్కువగా ఉంటాయి. యూఎస్​, యూకేలోని అనేక నగరాలతో పోల్చుకుంటే ఆయా దేశాల్లో కాస్ట్​ ఆఫ్​ లివింగ్​ చాలా తక్కువ! గణనీయంగా డబ్బులు ఆదా అవుతాయి. చదువు మాత్రమే కాదు, చదువు పూర్తైన తర్వాత అక్కడే ఉద్యోగం చేసి, ఎడ్యుకేషన్​ లోన్​ తీర్చుకోవాలని చాలా మంది చూస్తుంటారు. అలాంటి వారికి ఇవి మంచి ఆప్షన్​ అవుతాయి. వీసా ప్రక్రియ కూడా సులభంగా, పారదర్శకంగా ఉంటుంది.

అయితే, ఏదైనా దేశాన్ని ఎంచుకునే ముందు, అక్కడి విద్యా వ్యవస్థ, చదువు అనంతరం ఉద్యోగ అవకాశాలను పూర్తిస్థాయిలో విశ్లేషించి నిర్ణయం తీసుకోవాలి.