AP High Court Jobs 2025 : ఏపీ హైకోర్టులో ఉద్యోగాలు - కేవలం ఇంటర్వ్యూనే, దరఖాస్తులకు మరికొన్ని గంటలే గడువు..!

ఆంధ్రప్రదేశ్ హైకోర్టులో లా క్లర్క్ పోస్టుల భర్తీకి నోటిఫికేషన్ విడుదలైన సంగతి తెలిసిందే. ప్రస్తుతం దరఖాస్తుల స్వీకరణ ప్రక్రియ కొనసాగుతోంది. అయితే ఈ గడువు జనవరి 17వ తేదీతో పూర్తి కానుంది. సాయంత్రం 5 గంటలలోపే పంపాల్సి ఉంటుంది. ఆఫ్ లైన్ లో దరఖాస్తులను స్వీకరిస్తుండటంతో… అర్హులైన అభ్యర్థులు ఆలస్యం చేయకుండా అప్లికేషన్ చేసుకోవాలని అధికారులు సూచించారు.

ఖాళీల వివరాలు…

ఈ రిక్రూట్ మెంట్ ద్వారా మొత్తం ఐదు లా క్లర్క్ పోస్టులను భర్తీ చేయనున్నారు. కాంట్రాక్ట్ పద్ధతిలో తీసుకుంటారు. ఎంపికై వారు ఏడాది పాటు పని చేయాల్సి ఉంటుంది. ఈ పోస్టులకు దరఖాస్తు చేసుకుకునే వారు ఐదేళ్లు లేదా మూడేళ్ల లా డిగ్రీ కోర్సులో ఉత్తీర్ణత సాధించి ఉండాలి.

దరఖాస్తు చేసుకునే అభ్యర్థుల వయో పరిమితి 18-30 సంవత్సరాలు. ఎస్సీ, ఎస్టీ, బీసీ, ఓబీసీ, ఈడబ్ల్యూఎస్ అభ్యర్థులు వయో పరిమితి సడలింపు ఉంటుంది. ఆన్ లైన్ దరఖాస్తు విధానం లేదు. వివరాలతో పూర్తి చేసిన దరఖాస్తును రిజిస్ట్రార్‌, హైకోర్ట్‌ ఆఫ్‌ అమరావతి, నేలపాడు, గుంటూరు జిల్లా, ఆంధ్రప్రదేశ్‌- 522239 చిరునామాకు పంపించాలి.

ఈ ఉద్యోగాల భర్తీకి ఎలాంటి రాత పరీక్ష లేదు. అభ్యర్థులను విద్యార్హతలు, మెరిట్‌ మార్కులు, వైవా వాయిస్‌(ఇంటర్వ్యూ) ఆధారంగా ఎంపిక చేస్తారు. ఈ పోస్టులకు ఎంపికైన వారికి నెలకు రూ.35,000 వరకు జీతం ఇస్తారు.

ఎలా దరఖాస్తు చేసుకోవాలంటే..?

• లా క్లర్క్ పోస్టులకు దరఖాస్తు చేసుకునే అభ్యర్థులు ముందుగా https://aphc.gov.in/index.html వెబ్ సైట్ లోకి వెళ్లాలి,
• హోం పేజీలో కనిపించే రిక్రూట్ మెంట్ ఆప్షన్ పై నొక్కాలి.
• ఇక్కడ క్లిక్ చేసే లా క్లర్క్ ఉద్యోగ నోటిఫికేషన్ కనిపిస్తుంది. దీనిపై నొక్కితే పీడీఎఫ్ డౌన్లోడ్ అవుతుంది.
• నోటిఫికేషన్ పూర్తి వివరాలు ఉంటాయి. ఇందులోనే చివరగా అప్లికేషన్ ఫామ్ కూడా ఉంటుంది.
• ప్రింట్ లేదా డౌన్లోడ్ ఆప్షన్ పై క్లిక్ చేసి ఈ కాపీని పొందవచ్చు.
• దరఖాస్తు ఫామ్ లో మీ వివరాలను ఎంట్రీ చేసి "రిజిస్ట్రార్ (రిక్రూట్మెంట్), హైకోర్టు ఆఫ్ ఆంధ్రప్రదేశ్, అమరావతి, గుంటూరు జిల్లా, పిన్ కోడ్- 522239" చిరునామాకు పోస్టు చేయాలి.
• లా క్లర్క్ పోస్టులకు దరఖాస్తు చేసుకోవడానికి అభ్యర్థులు ఎటువంటి ఫీజు చెల్లించాల్సిన అవసరంలేదు. అన్ని కేటగిరీల అభ్యర్థులు ఉచితంగా దరఖాస్తు చేసుకోవచ్చు.