JEE Mains Result 2025 : జేఈఈ మెయిన్స్లో ఇద్దరు అభ్యర్థులకు ఒకటే స్కోర్ వస్తే ఏమవుతుంది?
JEE Mains Result : జేఈఈ మెయిన్స్ సెషన్ 2 ఫలితాలను ఎన్టీఏ విడుదల చేయాల్సి ఉంది. అయితే, ఇద్దరు లేదా అంతకన్నా ఎక్కువ మంది అభ్యర్థులకు ఒకటే స్కోర్ వస్తే ఏమవుతుంది? ర్యాంక్ని ఎలా కేటాయిస్తారు? పూర్తి వివరాలు..
జేఈఈ మెయిన్స్ 2025 సెషన్ 2 ప్రొవిజినల్ ఆన్సర్ కీని ఇటీవలే విడుదల చేసింది నేషనల్ టెస్టింగ్ ఏజెన్సీ (ఏన్టీఏ). సెషన్ 2 ఫలితాలతో పాటు అభ్యర్థుల ఆల్ ఇండియా ర్యాంకులను ఎన్టీఏ త్వరలోనే ప్రకటించనుంది. అయితే, ఎక్కువ సంఖ్యలో పాల్గొనడం వల్ల ఇద్దరు లేదా అంతకంటే ఎక్కువ మంది అభ్యర్థులకు ఒకటే మార్కులు (ఎన్టీఏ స్కోర్లు) పొందే అవకాశం ఉంది. మరి ఈ పరిస్థితులను ఎన్టీఏ ఎలా పరిష్కరిస్తుంది? అంటే.. ఇందుకోసం ఒక విధానం ఉంది.
జేఈఈ మెయిన్స్ ఫలితాల్లో టై సమస్యలు ఇలా పరిష్కారమవుతాయి..
పేపర్ 1 (బీఈ/బీటెక్)కు..
గణితంలో స్కోరు చూస్తారు
ఆ తర్వాత ఫిజిక్స్ స్కోరు చూస్తారు
ఆ తర్వాత కెమిస్ట్రీలో స్కోరు చూస్తారు
పరీక్షలోని అన్ని సబ్జెక్టుల్లో తక్కువ నిష్పత్తిలో తప్పు సమాధానాలు, సరైన సమాధానాలు సాధించిన అభ్యర్థులను చూస్తారు
ఆ తర్వాత జేఈఈ మెయిన్స్ 2025 సెషన్ 2లో గణితంలో సరైన సమాధానాలు, తక్కువ నిష్పత్తిలో తప్పు సమాధానాలు చూస్తారు
ఆ తర్వాత ఫిజిక్స్లో తక్కువ నిష్పత్తిలో తప్పుడు సమాధానాలు, సరైన సమాధానాలు చూస్తారు,
ఆ తర్వాత కెమిస్ట్రీకి కూడా ఈ విధంగానే చూస్తారు.
ఇంత చూసిన తర్వాత కూడా ఒకవేళ టై ఉంటే అభ్యర్థులకు ఒకటే ర్యాంకు కేటాయిస్తారు.
పేపర్ 2ఏ (బీఆర్క్)
మ్యాథ్స్ స్కోరా
ఆ తర్వాత ఆప్టిట్యూడ్ టెస్ట్లో స్కోరు
ఆ తర్వాత డ్రాయింగ్ టెస్ట్లో స్కోరు
జేఈఈ మెయిన్స్ 2025 సెషన్ 2 అన్ని సబ్జెక్టుల్లో తక్కువ నిష్పత్తిలో తప్పు సమాధానాలు, సరైన సమాధానాలు చూస్తారు
గణితంలో (పార్ట్ -1) తక్కువ నిష్పత్తిలో తప్పు సమాధానాలు, సరైన సమాధానాలు సాధించిన అభ్యర్థిని చూస్తారు
ఆప్టిట్యూడ్ టెస్ట్ (పార్ట్-2)లో తక్కువ నిష్పత్తిలో తప్పు సమాధానాలు, సరైన సమాధానాలు సాధించిన అభ్యర్థులను చూస్తారు
ఆ తర్వాత కూడా టై ఉంటే అభ్యర్థులకు ఒకటే ర్యాంకు కేటాయిస్తారు.
పేపర్ 2బి (బిప్లానింగ్)
మ్యాథ్స్లో స్కోరు
ఆ తర్వాత ఆప్టిట్యూడ్ టెస్ట్లో స్కోరు
ఆ తర్వాత ప్లానింగ్ బేస్డ్ ప్రశ్నల్లో స్కోర్
జేఈఈ మెయిన్స్ 2025 సెషన్ 2 అన్ని సబ్జెక్టుల్లో ప్రయత్నించిన తప్పు సమాధానాలు తక్కువ, సరైన సమాధానాల నిష్పత్తి ఎక్కువ ఉన్న అభ్యర్థులను చూస్తారు
గణితంలో (పార్ట్ -1) తక్కువ నిష్పత్తిలో తప్పు సమాధానాలు, సరైన సమాధానాలు సాధించిన అభ్యర్థిని చూస్తారు
ఆప్టిట్యూడ్ టెస్ట్ (పార్ట్-2)లో తక్కువ నిష్పత్తిలో ప్రయత్నించిన తప్పు సమాధానాలు, సరైన సమాధానాలు చూస్తారు
ప్లానింగ్ బేస్డ్ ప్రశ్నల్లో (పార్ట్-3) తక్కువ నిష్పత్తిలో తప్పుడు, సరైన సమాధానాలు సాధించిన అభ్యర్థలను చూస్తారు.
ఒకవేళ అక్కడా టై కొనసాగితే అభ్యర్థులకు జేఈఈ మెయిన్స్ 2025 సెషన్ 2 ఫలితాల్లో ఒకటే ర్యాంకు కేటాయిస్తారు.
Sharath Chitturi
