India Post Recruitment 2025 : పది పాసైతే చాలు.. పరీక్ష లేకుండానే పోస్టల్ శాఖలో ఉద్యోగం!

పదోతరగతి ఉత్తీర్ణులైన అభ్యర్థులకు ఉద్యోగం పొందడానికి మంచి ఛాన్స్ వచ్చింది. ఇండియన్ పోస్టల్ డిపార్ట్‌మెంట్ మొత్తం 25 స్టాఫ్ కార్ డ్రైవర్ పోస్టుల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్‌లో చేరడానికి ఆసక్తి, అర్హత గల అభ్యర్థులు ఆఫ్‌లైన్ మోడ్ ద్వారా దరఖాస్తు చేసుకోవచ్చు. దరఖాస్తుకు చివరి తేదీ 8 ఫిబ్రవరి 2025గా నిర్ణయించారు. ప్రభుత్వ ఉద్యోగాల కోసం ఎదురుచూస్తున్న అభ్యర్థులకు మంచి అవకాశం.

పోస్టుల వివరాలు

ఇండియన్ పోస్టల్ డిపార్ట్‌మెంట్ జారీ చేసిన రిక్రూట్‌మెంట్‌లో మొత్తం 25 ఖాళీ పోస్టులను భర్తీ చేస్తారు. సెంట్రల్ రీజియన్‌లో 1 పోస్టు, ఎంఎంఎస్ చెన్నైలో 15 పోస్టులు, సదరన్ రీజియన్‌లో 4 పోస్టులు, వెస్ట్రన్ రీజియన్‌లో 5 పోస్టులు ఉన్నాయి.

ఈ రిక్రూట్‌మెంట్‌లో పాల్గొనడానికి అభ్యర్థి గుర్తింపు పొందిన బోర్డు నుండి 10వ తరగతి ఉత్తీర్ణులై ఉండాలి. అలాగే అభ్యర్థి లైట్, హెవీ మోటారు వాహనాల చెల్లుబాటు అయ్యే డ్రైవింగ్ లైసెన్స్, కనీసం మూడు సంవత్సరాల డ్రైవింగ్ అనుభవం కలిగి ఉండాలి.

శాలరీ

దరఖాస్తు చేసుకునే అభ్యర్థుల గరిష్ట వయస్సు 56 ఏళ్లు మించకూడదు. దరఖాస్తు చివరి తేదీ, అంటే 8 ఫిబ్రవరి 2025 నాటికి వయస్సు లెక్కిస్తారు. ఈ రిక్రూట్‌మెంట్‌లో ఎంపికైన అభ్యర్థులకు 7వ సెంట్రల్ పే కమిషన్ (CPC) ప్రకారం లెవెల్ 2 పే స్కేల్‌లో నెలకు రూ.19,900 జీతం అందుతుంది.

అర్హతలు

ఎలాంటి రాత పరీక్ష లేకుండానే ఈ రిక్రూట్‌మెంట్‌లో అభ్యర్థులను ఎంపిక చేస్తారు. ఎంపిక ప్రక్రియలో అభ్యర్థి డ్రైవింగ్ అనుభవం, అర్హతలు చూస్తారు. దీని తరువాత ఎంపికైన అభ్యర్థులకు అపాయింట్‌మెంట్ ఇస్తారు. అభ్యర్థులు తమ పూర్తిగా నింపిన దరఖాస్తు ఫారమ్‌ను సమర్పించాలి. అవసరమైన అన్ని డాక్యుమెంట్‌లను Office of the Senior Manager, Mail Motor Service, No. 37, Greams Road, Chennai – 600006.. 8 ఫిబ్రవరి 2025లోపు పంపండి. గడువులోపు దరఖాస్తు ఫారమ్ చేరకపోతే అభ్యర్థి దరఖాస్తు అంగీకరించరు.

ఇలా డౌన్‌లోడ్ చేయండి

ముందుగా ఇండియా పోస్ట్ అధికారిక వెబ్‌సైట్ www.indiapost.gov.inకి వెళ్లండి.

తర్వాత ఆఫ్‌లైన్ దరఖాస్తు ఫారమ్‌ను డౌన్‌లోడ్ చేసి సరిగ్గా పూరించండి.

ఆ తర్వాత దరఖాస్తు ఫారమ్‌ను అవసరమైన అన్ని పత్రాలు, పాస్‌పోర్ట్ సైజ్ ఫోటోతో పాటు నిర్దేశించిన చిరునామాకు పంపండి.