ఇండియా పోస్ట్​ జీడీఎస్​ 2025 : 3వ మెరిట్​ లిస్ట్​ విడుదల- నెక్ట్స్​ ఏంటి? పూర్తి వివరాలు..

గ్రామీణ్ డాక్ సేవక్ 2025 ఆన్​లైన్​ ఎంగేజ్​మెంట్​ కోసం ఇండియా పోస్ట్ మూడొవ మెరిట్ లిస్ట్​ని తాజాగా విడుదల చేసింది. గ్రామీణ్ డాక్ సేవక్ రిక్రూట్​మెంట్​ 2025 కోసం రిజిస్టర్ చేసుకున్న అభ్యర్థులు ఇండియా పోస్ట్ అధికారిక వెబ్​సైట్​లో (indiapostgdsonline.gov.in.) ఈ 3వ మెరిట్ లిస్ట్​ని చెక్​ చేసుకోవచ్చు. డైరెక్ట్ లింక్ క్రింద ఇవ్వడం జరిగింది.

ఆంధ్రప్రదేశ్, అసోం, బిహార్, ఛత్తీస్​గఢ్​, దిల్లీ, గుజరాత్, హరియాణా, హిమాచల్ ప్రదేశ్, జమ్ముకశ్మీర్, ఝార్ఖండ్, కర్ణాటక, కేరళ, మధ్యప్రదేశ్, మహారాష్ట్ర, ఒడిశా, పంజాబ్, రాజస్థాన్, తమిళనాడు, తెలంగాణ, ఉత్తరప్రదేశ్, ఉత్తరాఖండ్, పశ్చిమబెంగాల్​కి సంబంధించిన రాష్ట్రాలకు ఈ 3వ మెరిట్​ లిస్ట్​ అందుబాటులో ఉంది.

ఇండియా పోస్ట్ జీడీఎస్ 2025 3వ మెరిట్ లిస్ట్ చెక్ చేసుకునేందుకు ఇక్కడ క్లిక్​ చేయండి.

3వ మెరిట్​ లిస్ట్​ వచ్చింది- తర్వాత ఏంటి?

షార్ట్​లిస్ట్ అయిన అభ్యర్థులు మెరిట్ లిస్ట్​లో పేర్కొన్న డివిజనల్ హెడ్ ద్వారా తమ డాక్యుమెంట్లను వెరిఫికేషన్ చేయించుకోవాలి. ఇందుకు జూన్ 3, 2025 వరకు గడువు ఉంది.

ఒరిజినల్స్, రెండు సెట్ల సెల్ఫ్ అటెస్టెడ్ ఫోటో కాపీలతో పాటు డాక్యుమెంట్ వెరిఫికేషన్ కోసం రిపోర్ట్ చేయాల్సి ఉంటుందని ఇండియా పోస్ట్ తెలిపింది.

ఇండియా పోస్ట్ జీడీఎస్ 3వ మెరిట్ లిస్ట్​ని ఇలా చెక్​ చేసుకోండి..

1. indiapostgdsonline.gov.in కు వెళ్లండి.
2. 'క్యాండిడేట్ కార్నర్' కింద 'జీడీఎస్ ఆన్​లైన్​ ఎంగేజ్​మెంట్​ షెడ్యూల్-1, జనవరి-2025 షార్ట్​లిస్టెడ్​ క్యాండిడేట్స్' విభాగాన్ని చూసే వరకు కిందికి స్క్రోల్ చేయండి.
3. + బటన్ మీద క్లిక్ చేయండి. సర్కిల్స్​ జాబితా ఓపెన్ అవుతుంది.
4. మీరు దరఖాస్తు చేసిన సర్కిల్​ని ఎంచుకుని 3వ మెరిట్ లిస్ట్ లింక్​పై క్లిక్ చేయాలి.
5. మెరిట్ జాబితాను డౌన్​లోడ్ చేసుకుని రిజిస్ట్రేషన్ నంబర్ ఉపయోగించి మీ ఫలితాన్ని చెక్ చేసుకోండి.

ఈ దఫా ఇండియా పోస్ట్​ రిక్రూట్​మెంట్​లో భాగంగా 21,413 వేకెన్సీలను భర్తీ చేస్తున్నారు. వివిధ సర్కిల్స్​ వారీగా, రాష్ట్రాల వారీగా ఈ రిక్రూట్​మెంట్​ జరుగుతోంది.

ఇండియా పోస్ట్​ జీడీఎస్​ సెలక్షన్​లో ఎలాంటి రాత పరీక్ష ఉండదు. 10వ తరగతి బోర్డు పరీక్షల ఫలితాల ఆధారంగా అభ్యర్థులను షార్ట్​ లిస్ట్​ చేస్తారు. మెరిట్​ లిస్ట్​ వచ్చిన తర్వాత, ఉద్యోగంలో చేరే ముందు, డాక్యుమెంట్​ వెరిఫికేషన్​ ఒక్కటే చివరి స్టెప్​.

మరిన్ని వివరాల కోసం అభ్యర్థులు ఇండియా పోస్ట్​ అధికారిక వెబ్​సైట్​ని ఎప్పటికప్పుడు చెక్​ చేస్తూ ఉండాలి.