India Post GDS Recruitment 2025: ఇండియా పోస్ట్ జీడీఎస్ పోస్ట్ లకు అప్లై చేసిన అభ్యర్థులకు కీలక అప్ డేట్

India Post GDS Recruitment 2025: గ్రామీణ్ డాక్ సేవక్ (జీడీఎస్) రిక్రూట్మెంట్ 2025 కోసం ఇండియా పోస్ట్ అప్లికేషన్ స్టేటస్ ను యాక్టివేట్ చేసింది. ఈ పోస్ట్ లకు దరఖాస్తు చేసుకున్న అభ్యర్థులు ఇండియా పోస్ట్ అధికారిక వెబ్సైట్ indiapostgdsonline.gov.in లో తమ అప్లికేషన్ స్టేటస్ ను చెక్ చేయవచ్చు. అప్లికేషన్ స్టేటస్ ను చెక్ చేసుకోవడానికి అభ్యర్థులు తమ రిజిస్ట్రేషన్ నెంబర్ ఎంటర్ చేయాల్సి ఉంటుంది.

ఇండియా పోస్ట్ జిడిఎస్ 2025 అప్లికేషన్ స్టేటస్

ఈ రిక్రూట్మెంట్ డ్రైవ్ ద్వారా మొత్తం 21, 413 గ్రామీణ్ డాక్ సేవక్ ఖాళీలను భర్తీ చేయాలని ఇండియా పోస్ట్ లక్ష్యంగా పెట్టుకుంది. ఈ నియామక ప్రక్రియకు అభ్యర్థులు ఏ పరీక్షకు హాజరుకావాల్సిన అవసరం లేదు. సిస్టమ్ జనరేటెడ్ మెరిట్ లిస్ట్ ఆధారంగా అభ్యర్థులను షార్ట్ లిస్ట్ చేస్తారు. పదో తరగతి బోర్డు పరీక్షలో వచ్చిన మార్కుల ఆధారంగా మెరిట్ జాబితాను రూపొందిస్తారు. జీడీఎస్ ఆన్లైన్ పోర్టల్ లో షార్ట్ లిస్ట్ చేసిన దరఖాస్తుదారుల జాబితాను డిపార్ట్మెంట్ విడుదల చేస్తుంది. ఫలితాల ప్రకటన తర్వాత షార్ట్ లిస్ట్ అయిన అభ్యర్థులకు ఫలితాలు, ఫిజికల్ వెరిఫికేషన్ తేదీలు మొదలైనవాటిని తెలియజేస్తారు.

రిజిస్ట్రేషన్ ఫిబ్రవరిలో..

ఇండియా పోస్ట్ జీడీఎస్ రిక్రూట్మెంట్ 2025 రిజిస్ట్రేషన్లు 2025 ఫిబ్రవరి 10న ప్రారంభమై 2025 మార్చి 3న ముగిశాయి. కరెక్షన్ విండోను మార్చి 6 న తెరిచి మార్చి 8, 2025 న మూసివేశారు. ఇండియా పోస్ట్ లో జీడీఎస్ ఉద్యోగాలకు దరఖాస్తు చేసుకోవడానికి అభ్యర్థులు మ్యాథ్స్, ఇంగ్లిష్ సబ్జెక్టులుగా సెకండరీ స్కూల్ ఎగ్జామినేషన్ (10వ తరగతి) ఉత్తీర్ణులై ఉండాలి. ఇతర అర్హత అవసరాలలో కంప్యూటర్ పరిజ్ఞానం, సైక్లింగ్, తగినంత జీవనోపాధిని కలిగి ఉండటం ఉన్నాయి. అలాగే, అభ్యర్థుల వయస్సు 18 నుంచి 40 ఏళ్ల లోపు ఉండాలి.

ఇండియా పోస్ట్ జీడీఎస్ అప్లికేషన్ స్టేటస్ చెక్ చేయడానికి దశలు

అభ్యర్థులు వారి ఇండియా పోస్ట్ జీడీఎస్ అప్లికేషన్ స్టేటస్ ను చెక్ చేయడానికి ఈ క్రింది దశలను అనుసరించాలి

1. ఇండియా పోస్ట్ అధికారిక వెబ్సైట్ ను సందర్శించండి.
2. హోమ్ పేజీలో 'అప్లై ఆన్లైన్' ట్యాబ్ పై క్లిక్ చేయాలి.
3. తర్వాత 'అప్లికేషన్ స్టేటస్' ఆప్షన్ పై క్లిక్ చేయాలి.
4. ఇచ్చిన బాక్స్ లో మీ రిజిస్ట్రేషన్ నంబర్ ఎంటర్ చేసి సబ్మిట్ చేయండి.
5. మీ అప్లికేషన్ స్టేటస్ చెక్ చేసుకోండి.
6. పేజీని డౌన్ లోడ్ చేసుకోండి.
7. భవిష్యత్తు రిఫరెన్స్ కొరకు ప్రింట్ అవుట్ ఉంచండి.

దీనికి సంబంధించిన మరిన్ని వివరాలకు అభ్యర్థులు అధికారిక వెబ్సైట్ ను సందర్శించాలని సూచించారు.