అలర్ట్​- IIT GATE 2026 రిజిస్ట్రేషన్​కి ఈరోజే చివరి తేదీ..

ఇండియన్ ఇన్​స్టిట్యూట్ ఆఫ్ టెక్నాలజీ (ఐఐటీ) గువాహటి నిర్వహించే గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్- గేట్​ 2026 పరీక్షకు దరఖాస్తు చేసుకోవడానికి నేడు (సెప్టెంబర్ 28, 2025, ఆదివారం) చివరి రోజు. ఆలస్య రుసుము లేకుండా రిజిస్ట్రేషన్ పూర్తి చేయడానికి అభ్యర్థులు వెంటనే దరఖాస్తు పోర్టల్‌ను (gate2026.iitg.ac.in) సందర్శించాలి.

దరఖాస్తు ఫారమ్‌ను సమర్పించడానికి అభ్యర్థులు తమ ఎన్‌రోల్‌మెంట్ ఐడీ, పాస్‌వర్డ్ ఉపయోగించి లాగిన్ కావాల్సి ఉంటుంది.

IIT GATE 2026 రిజిస్ట్రేషన్​ డైరక్ట్​ లింక్​ కోసం ఇక్కడ క్లిక్​ చేయండి.

దీనితో పాటు ఆలస్య రుసుముతో రిజిస్టర్ చేసుకోవడానికి గడువు అక్టోబర్ 9న ముగుస్తుందని ఐఐటీ గువాహటి తెలిపింది.

ఐఐటీ గువాహటి ఆధ్వర్యంలో గేట్ 2026 పరీక్షను 2026 ఫిబ్రవరి 7, 8, 14, 15 తేదీల్లో నిర్వహించనున్నారు. ఈ పరీక్ష ఫలితాన్ని 2026 మార్చి 19న ప్రకటించనున్నారు.

గేట్​ 2026- అర్హత ప్రమాణాలు..

గేట్ 2026కు దరఖాస్తు చేయాలనుకునే అభ్యర్థులు ఇంజనీరింగ్, టెక్నాలజీ, ఆర్కిటెక్చర్, సైన్స్, కామర్స్, ఆర్ట్స్ లేదా హ్యుమానిటీస్‌లో గుర్తింపు పొందిన సంస్థ నుంచి గ్రాడ్యుయేషన్ డిగ్రీని కలిగి ఉండాలి.

ప్రస్తుతం పైన పేర్కొన్న డిగ్రీ కోర్సుల్లో మూడవ సంవత్సరం లేదా అంతకంటే ఎక్కువ చదువుతున్న అభ్యర్థులు కూడా దరఖాస్తు చేసుకోవచ్చు.

అర్హత పరీక్ష అనేది MoE/AICTE/UGC/UPSC ద్వారా BE/BTech/BArch/BPlanning మొదలైనవాటికి సమానంగా ఆమోదించి ఉండాలి.

విదేశాల్లో అర్హత డిగ్రీ పొందిన లేదా చదువుతున్న అభ్యర్థులు కూడా గేట్ 2026కి దరఖాస్తు చేసుకోవడానికి అర్హులు.

గేట్​ 2026- దరఖాస్తు ఫీజు..

ఎస్సీ, ఎస్టీ, పీడబ్ల్యూడీ, మహిళా అభ్యర్థులకు సాధారణ గడువులో దరఖాస్తు ఫీజు పేపర్‌కు రూ.1,000. గడువు పొడిగించిన సమయంలో వీరికి పేపర్‌కు రూ.1,500 ఉంటుంది.

ఇతర అభ్యర్థులందరికీ సాధారణ గడువులో దరఖాస్తు ఫీజు పేపర్‌కు రూ.2,000. గడువు పొడిగించిన సమయంలో పేపర్‌కు రూ.2,500 ఉంటుంది.

గేట్ 2026కి ఎలా దరఖాస్తు చేయాలి?

అభ్యర్థులు కింద తెలిపిన దశలను అనుసరించి గేట్ 2026కి దరఖాస్తు చేసుకోవచ్చు:

స్టెప్​ 1- ముందుగా ఐఐటీ గేట్ 2026 యొక్క అధికారిక వెబ్‌సైట్ gate2026.iitg.ac.in ని సందర్శించండి.

స్టెప్​ 2- హోమ్ పేజీలో కనిపించే అప్లికేషన్ పోర్టల్ లింక్‌పై క్లిక్ చేయండి.

స్టెప్​ 3- మీ వివరాలను నమోదు చేసి రిజిస్ట్రేషన్ చేసుకోండి.

స్టెప్​ 4- దరఖాస్తు ఫారమ్‌ను నింపి, అవసరమైన పత్రాలను అప్‌లోడ్ చేసి, దరఖాస్తు ఫీజు చెల్లించండి.

స్టెప్​ 5- ఫారమ్‌ను సమర్పించి, ఆ తర్వాత వచ్చే ధృవీకరణ పేజీని డౌన్‌లోడ్ చేసుకోండి.

స్టెప్​ 6- భవిష్యత్తు అవసరాల కోసం దాని ప్రింటౌట్‌ను భద్రపరుచుకోండి.

మరిన్ని వివరాల కోసం, అభ్యర్థులు గేట్ 2026 అధికారిక వెబ్‌సైట్‌ను సందర్శించాల్సి ఉంటుంది.