ఐడీబీఐ రిక్రూట్​మెంట్​ 2025- జూనియర్​ అసిస్టెంట్​ మేనేజర్​ పోస్టులకు అప్లికేషన్​ ప్రక్రియ షురూ..

బ్యాంకు ఉద్యోగాల కోసం చూస్తున్న వారికి బిగ్​ అప్డేట్​! ఐడీబీఐ రిక్రూట్​మెంట్​ 2025లో భాగంగా జూనియర్​ అసిస్టెంట్​ మేనేజర్​ (జేఏఎం) పోస్టులకు అప్లికేషన్​ ప్రక్రియ ప్రారంభమైంది. ఆసక్తి, అర్హత కలిగిన అభ్యర్థులు ఐడీబీఐ బ్యాంకు అధికారిక వెబ్​సైట్​ (idbibank.in) లో అప్లికేషన్​ని దాఖలు చేయవచ్చు. ఈ దఫా రిక్రూట్​మెంట్​లో మొత్తం 676 జేఏఎం పోస్టులను సంస్థ భర్తీ చేయనుంది. ముఖ్యమైన తేదీలు, వేతనంతో పాటు ఇతర వివరాలను ఇక్కడ తెలుసుకోండి..

ఐడీబీఐ రిక్రూట్​మెంట్​ 2025- ముఖ్యమైన తేదీలు..

• అప్లికేషన్​ దాఖలుకు చివిరి తేదీ- 2025 మే 20 (మార్పులు- ఫీజు చెల్లింపుతో కలిపి)
• ఆన్​లైన్​ పరీక్ష తేదీ- 2025 జూన్​ 8.

ఐడీబీఐ రిక్రూట్​మెంట్​ 2025- సాలరీ ప్యాకేజ్​..

ఐడీబీఐ రిక్రూట్​మెంట్ 2025​లో ఎంపికైన వారిని జూనియర్​ అసిస్టెంట్​ మేనేజర్ ​(గ్రేడ్​ ఓ) గా అపాయింట్​ చేస్తారు. ఇనీషియల్​ వార్షిక సీటీసీ రూ. 6.14లక్షలు- రూ. 6.50లక్షల (క్లాస్​ ఏ నగరాలకు) మధ్యలో ఉంటుంది. పర్ఫార్మెన్స్​ ఆధారంగా సాలరీ ఇంక్రిమెంట్​ ఉంటుంది.

ఐడీబీఐ బ్యాంకు రిక్రూట్​మెంట్​ 2025- అప్లికేషన్​ ఫీజు..

• ఎస్​సీ, ఎస్​టీ, పీడబ్ల్యూడీ అభ్యర్థులకు- రూ. 250
• ఇతరులకు- రూ. 1050

అర్హతతో పాటు ఇతర వివరాల కోసం పూర్తి నోటిఫికేషన్​ని చూసేందుకు ఇక్కడ క్లిక్​ చేయండి.

ఎంపిక ప్రక్రియ- ఆన్​లైన్​ టెస్ట్​ పాటర్న్​..

ఐడీబీఐ రిక్రూట్​మెంట్​ 2025ల రెండు స్టేజీలు ఉంటాయి. ఒకటి ఆన్​లైన్​ టెస్ట్​. మరొకటి పర్సనల్​ ఇంటర్వ్యూ. ఆన్​లైన్​ టెస్ట్​లో లాజికల్​ రీజనింగ్​, డేటా ఎనాలసిస్​- ఇంటర్​ప్రిటేషన్​, ఇంగ్లీష్​, క్వాంటిటేటివ్​ యాప్టిట్యూట్​, జనరల్​/ ఎకానమీ/ బ్యాంకింగ్​ అవేర్​నెస్​/ కంప్యూటర్​/ ఐటీపై ప్రశ్నలు ఉంటాయి. పరీక్ష వ్యవధి 120 నిమిషాలు. సెక్షన్​లవారీగా టైమింగ్​ ఉంటుంది. ప్రతి సెక్షన్​లో కనీస అర్హత మార్కులు, మొత్తం మీద కనీస అర్హత మార్కులు సాధించిన వారు ఇంటర్వ్యూకి షార్ట్​లిస్ట్​ అవుతారు.

వేకెన్సీలు, ఆన్​లైన్​ టెస్ట్​లో పర్ఫార్మెన్స్ ఆధారంగా కటాఫ్​ మార్కును ఐడీబీఐ బ్యాంకు నిర్ణయిస్తుంది. ఆ తర్వాత అభ్యర్థిని ఎంపిక చేస్తుంది.

మరిన్ని వివరాల కోసం అభ్యర్థులు ఐడీబీఐ బ్యాంకు అధికారిక వెబ్​సైట్​ని ఎప్పటికప్పుడు చెక్​ చేస్తుండటం మంచిది.