ICAI CA May Results : ఫౌండేషన్, ఇంటర్, ఫైనల్ ఫలితాలు చెక్ చేసుకోండిలా!

చార్టర్డ్ అకౌంటెన్సీ (సీఏ) ఫౌండేషన్, ఇంటర్మీడియట్, ఫైనల్ మే పరీక్షల ఫలితాలను ఈ రోజు, జులై 6న విడుదల చేసింది ఇన్‌స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ఐసీఏఐ). విద్యార్థులు తమ ఫలితాలను icai.nic.in, icaiexam.icai.org అధికారిక వెబ్‌సైట్‌లలో చూసుకోవచ్చు.

ఐసీఏఐ మే ఫలితాలు 2025: సీఏ ఫలితాలు ఎలా డౌన్‌లోడ్ చేసుకోవాలి?

స్టెప్​ 1- ఐసీఏఐ ఫలితాల వెబ్‌సైట్ icai.nic.in/caresultకి వెళ్లండి.

స్టెప్​ 2- "ఫైనల్/ఫౌండేషన్/ఇంటర్ రిజల్ట్ మే 2025" అని ఉన్న లింక్‌లపై క్లిక్ చేయండి.

స్టెప్​ 3- మీ ఐసీఏఐ రోల్ నంబరు, రిజిస్ట్రేషన్ నంబరును నమోదు చేయండి.

స్టెప్​ 4- చూపిన CAPTCHA కోడ్‌ను ఎంటర్ చేయండి.

స్టెప్​ 5- 'సబ్మిట్' బటన్‌ను నొక్కి మీ సీఏ ఫలితాలను పొందండి.

స్కోర్‌కార్డులను తనిఖీ చేయడానికి, అభ్యర్థులు తమ రిజిస్ట్రేషన్ నంబరు, పుట్టిన తేదీ, క్యాప్చా కోడ్‌ను సిద్ధంగా ఉంచుకోవాలి.

ఐసీఏఐ మే ఫలితాలు 2025: ఉత్తీర్ణులైన విద్యార్థుల సంఖ్య, శాతం వివరాలు

సీఏ ఫౌండేషన్ మే 2025 పరీక్షలో:

గ్రూప్ 1లో మొత్తం 108,187 మంది అభ్యర్థులు హాజరు కాగా, 15,332 మంది ఉత్తీర్ణులయ్యారు. ఉత్తీర్ణత శాతం 14.17%.

గ్రూప్ 2లో 80,368 మంది అభ్యర్థులు హాజరు కాగా, 17,813 మంది ఉత్తీర్ణులయ్యారు. ఉత్తీర్ణత శాతం 22.16%.

రెండు గ్రూప్‌లకు హాజరైన వారిలో, 48,261 మంది విద్యార్థులు పరీక్ష రాశారు. 6,781 మంది ఉత్తీర్ణులయ్యారు. ఉత్తీర్ణత శాతం 14.05%.

సీఏ ఇంటర్మీడియట్ మే 2025 పరీక్షలో:

గ్రూప్ 1లో 97,034 మంది అభ్యర్థులు పరీక్షకు హాజరు కాగా, 14,232 మంది ఉత్తీర్ణులయ్యారు. ఉత్తీర్ణత శాతం 14.67%.

గ్రూప్ 2లో 72,069 మంది అభ్యర్థులు పరీక్ష రాశారు. 15,502 మంది ఉత్తీర్ణులయ్యారు. ఉత్తీర్ణత శాతం 21.51%.

రెండు గ్రూప్‌లకు హాజరైన వారిలో, 38,029 మంది అభ్యర్థులు పరీక్షలు రాయగా, 5,028 మంది అర్హత సాధించారు. ఉత్తీర్ణత శాతం 13.22%.

సీఏ ఫైనల్ మే 2025 పరీక్షలో:

గ్రూప్ 1కు 66,943 మంది అభ్యర్థులు హాజరు కాగా, 14,979 మంది ఉత్తీర్ణులయ్యారు. ఉత్తీర్ణత శాతం 22.38%.

గ్రూప్ 2కు 46,173 మంది అభ్యర్థులు హాజరు కాగా, 12,204 మంది ఉత్తీర్ణులయ్యారు. ఉత్తీర్ణత శాతం 26.43%.

రెండు గ్రూప్‌లకు హాజరైన వారిలో, 29,286 మంది అభ్యర్థులు పరీక్ష రాశారు. 5,490 మంది ఉత్తీర్ణులయ్యారు. ఉత్తీర్ణత శాతం 18.75%.

సీఏ ఫైనల్ ఫలితాలు విడుదలైన తర్వాత మొత్తం 14,247 మంది అభ్యర్థులు చార్టర్డ్ అకౌంటెంట్లుగా అర్హత సాధించారు.

ఐసీఏఐ మే ఫలితాలు 2025: ఇంటర్మీడియట్ సీఏ పరీక్ష టాపర్లు

AIR 1: దిశ ఆశిష్ గోఖ్రు

AIR 2: దేవిదాన్ యశ్ సందీప్

AIR 3: యామిష్ జైన్, నిలేష్ డాంగీ

ఐసీఏఐ మే ఫలితాలు 2025: సీఏ ఫైనల్ పరీక్ష టాపర్లు

AIR 1: రాజన్ కబ్రా

AIR 2: నిషిత బోత్రా

AIR 3: మానవ్ రాకేష్ షా

ఐసీఏఐ మే ఫలితాలు 2025: మార్కింగ్ స్కీమ్​, ఉత్తీర్ణత శాతం

ఐసీఏఐ సీఏ ఫౌండేషన్ పరీక్ష మొత్తం 400 మార్కులకు నిర్వహించడం జరుగుతుంది. సీఏ ఇంటర్మీడియట్, సీఏ ఫైనల్ పరీక్షలు ఒక్కొక్కటి 600 మార్కులకు ఉంటాయి. ఈ పరీక్షలలో ప్రతి పేపర్ 100 మార్కులకు ఉంటుంది. సీఏ ఫౌండేషన్, ఇంటర్మీడియట్, ఫైనల్ పరీక్షలలో ఉత్తీర్ణత సాధించడానికి, అభ్యర్థులు ప్రతి వ్యక్తిగత పేపర్‌లో కనీసం 40% మార్కులు, మరియు మొత్తంమీద కనీసం 50% మార్కులు సాధించాలి.

మే 2025 కోసం సీఏ ఫౌండేషన్ పరీక్ష మే 15, 17, 19, 21 తేదీలలో నిర్వహించడం జరిగింది. అడ్మిట్ కార్డు ఏప్రిల్ 25న విడుదలయ్యాయి.