అలర్ట్​! తాత్కాలిక పరీక్షల క్యాలెండర్​ని సవరించిన IBPS- కొత్త డేట్స్​ ఇవే..

2025-26 సంవత్సరానికి సంబంధించిన సవరించిన తాత్కాలిక పరీక్షల క్యాలెండర్‌ను ఇన్​స్టిట్యూట్​ ఆఫ్​ బ్యాంకింగ్​ పర్సనల్​ సెలక్షన్​ (ఐబీపీఎస్​) తాజాగా విడుదల చేసింది. అభ్యర్థులు సంబంధిత వివరాలను ibps.in వెబ్‌సైట్‌లో చెక్​ చేసుకోవచ్చు. ఈ సవరించిన క్యాలెండర్ ప్రకారం, ప్రొబేషనరీ ఆఫీసర్ (పీఓ) పోస్టుల కోసం ప్రిలిమినరీ పరీక్షలను ఆగస్టు 17, 23, 24 తేదీలలో ఐబీపీఎస్​ నిర్వహించనుంది. మెయిన్స్ పరీక్ష అక్టోబర్ 12న జరుగుతుంది.

సవరించిన తాత్కాలిక క్యాలెండర్ వివరాలు తెలుసుకోండి..

పీఎస్​బీల కోసం..

ఆర్​ఆర్​బీల కోసం..

ఐబీపీఎస్​ రిక్రూట్​మెంట్​ 2025 వివరాలు..

ఐబీపీఎస్​ తన రిక్రూట్‌మెంట్ పరీక్షలకు సంబంధించిన రిజిస్ట్రేషన్‌లను ఆన్‌లైన్‌లో నిర్వహిస్తుంది. వర్తించే చోట, ప్రిలిమ్స్, మెయిన్స్ పరీక్షలకు ఒకే రిజిస్ట్రేషన్ ఉంటుంది.

రిజిస్ట్రేషన్ సమయంలో, అభ్యర్థులు కింది పత్రాలను అప్‌లోడ్ చేయాలి:

ఫోటోగ్రాఫ్ – 20 kb నుంచి 50 kb వరకు, .jpeg ఫైల్‌లో ఉండాలి.

సిగ్నేచర్​ – 10 kb నుంచి 20 kb వరకు, .jpeg ఫైల్‌లో ఉండాలి.

ఫింగర్​ప్రింట్​ – 20 kb నుండి 50 kb వరకు, .jpeg ఫైల్‌లో ఉండాలి.

చేతితో రాసి, డిక్లరేషన్ స్కాన్ చేసిన కాపీ (ఆయా నోటిఫికేషన్‌లలో అందుబాటులో ఉండే ఫార్మాట్ ప్రకారం) – 50 kb నుంచి 100 kb వరకు, .jpeg ఫైల్‌లో ఉండాలి.

అప్లికేషన్ నింపేటప్పుడు, అభ్యర్థులు తమ లైవ్ ఫోటోగ్రాఫ్‌లను కూడా క్యాప్చర్ చేసి అప్‌లోడ్ చేయాల్సి ఉంటుంది.

ఈ పరీక్షలకు సంబంధించిన వివరణాత్మక నోటిఫికేషన్‌ల కోసం అభ్యర్థులు అధికారిక వెబ్‌సైట్ ibps.in ని సందర్శించాలని సూచించారు.

ఐబీపీఎస్​ తాజాగా విడుదల చేసిన ఈ క్యాలెండర్ కూడా తాత్కాలికమైనదని, తేదీలు తరువాత మారవచ్చని అభ్యర్థులు గమనించాలి. పరిపాలనా కారణాలు, కోర్టు ఆదేశాలు, ప్రభుత్వ సలహాలు మొదలైన వాటి కారణంగా "పరీక్ష తేదీలను, మార్గదర్శకాలు/విధానాలతో సహా ఎంపిక ప్రక్రియను మార్చే హక్కు" ఐబీపీఎస్​కి ఉందని సంస్థ తెలిపింది.