TGPSC Group 2 Answer Keys : ఇవాళ గ్రూప్ 2 ప్రాథమిక కీలు విడుదల - ఇలా డౌన్లోడ్ చేసుకోండి-how to download tgpsc group 2 preliminary answer keys 2024 key steps here ,career న్యూస్
తెలుగు న్యూస్  /  career  /  Tgpsc Group 2 Answer Keys : ఇవాళ గ్రూప్ 2 ప్రాథమిక కీలు విడుదల - ఇలా డౌన్లోడ్ చేసుకోండి

TGPSC Group 2 Answer Keys : ఇవాళ గ్రూప్ 2 ప్రాథమిక కీలు విడుదల - ఇలా డౌన్లోడ్ చేసుకోండి

Maheshwaram Mahendra Chary HT Telugu
Jan 18, 2025 07:46 AM IST

TGPSC Group 2 Preliminary Keys 2024: ఇవాళ తెలంగాణ గ్రూప్ 2 ప్రాథమిక కీలు అందుబాటులోకి రానున్నాయి. మొత్తం 4 పేపర్ల కీలు కూడా టీజీపీఎస్సీ వెబ్ సైట్ నుంచి డౌన్లోడ్ చేసుకోవచ్చని కమిషన్ ఓ ప్రకటనలో తెలిపింది. ఏమైనా అభ్యంతరాలు ఉంటే జనవరి 22వ తేదీ వరకు ఆన్ లైన్ ద్వారా పంపొచ్చని పేర్కొంది.

తెలంగాణ గ్రూప్ 2 ప్రాథమిక కీలు
తెలంగాణ గ్రూప్ 2 ప్రాథమిక కీలు

గ్రూప్ 2 ఫలితాలపై టీజీపీఎస్సీ ఫోకస్ పెట్టింది. త్వరలోనే తుది ఫలితాలను ప్రకటించేందుకు సిద్ధమవుతోంది. ఇందులో భాగంగా… ఇవాళ ప్రాథమిక కీలను విడుదల చేయనుంది. ఈ మేరకు టీజీపీఎస్సీ ప్రకటన విడుదల చేసింది. మొత్తం నాలుగు పేపర్ల కీలు టీజీపీఎస్సీ వెబ్ సైట్ లో అందుబాటులో ఉంటాయని పేర్కొంది.

ఈ నోటిఫికేషన్ లో భాగంగా 783 గ్రూప్‌-2 పోస్టులను రిక్రూట్ చేయనున్నారు. ఈ పోస్టుల భర్తీకి డిసెంబరు 15, 16 తేదీల్లో రాత పరీక్షలు నిర్వహించారు. ఇందుకు సంబంధించిన కీలతో పాటు మాస్టర్‌ ప్రశ్నపత్రాలు కూడా వెబ్ సైట్ లో ఉంచనున్నారు. https://websitenew.tspsc.gov.in/ లింక్ పై క్లిక్ చేసి వీటిని పొందవచ్చని టీజీపీఎస్సీ తాజా ప్రకటనలో పేర్కొంది.

గ్రూప్ 2 ప్రాథమిక కీలపై ఏమైనా అభ్యంతరాలు ఉంటే ఇవాళ్టి నుంచే టీజీపీఎస్సీకి పంపొచ్చు. జనవరి 22వ తేదీ సాయంత్రం 5 గంటల వరకు ఆన్‌లైన్లో నమోదు చేయవచ్చని టీజీపీఎస్సీ తెలిపింది. మెయిల్ ద్వారా పంపే అభ్యంతరాలను స్వీకరించబోమని స్పష్టం చేసింది. వెబ్ సైట్ ద్వారా నిర్ణీత ఫార్మాట్ లో తగిన ఆధారాలతో పంపిన వాటినే పరిగణలోకి తీసుకుంటామని పేర్కొంది.

గ్రూప్ 2 కీలను ఇలా డౌన్లోడ్ చేసుకోండి:

  • గ్రూప్ 2 రాసిన అభ్యర్థులు https://websitenew.tspsc.gov.in/ వెబ్ సైట్ లోకి వెళ్లాలి.
  • గ్రూప్ 3 ప్రిలిమినరీ కీ ఆప్షన్ పై నొక్కాలి.
  • ఆ తర్వాత అభ్యర్థి టీజీపీఎస్సీ ఐడీ, హాల్ టికెట్ నెంబర్, పుట్టిన తేదీ వివరాలను ఎంట్రీ చేయాలి.
  • గెట్ డేటాపై క్లిక్ చేస్తే ప్రాథమిక కీలతో కూడిన మాస్టర్ క్వశ్చన్ పేపర్ ఓపెన్ అవుతుంది.
  • ప్రింట్ లేదా డౌన్లోడ్ పై నొక్కి కాపీని పొందవచ్చు.

అభ్యంతరాలు ఎలా పంపాలంటే..?

  • గ్రూప్ 2 కీలపై అభ్యంతరాలు తెలిపేందుకు https://websitenew.tspsc.gov.in/ వెబ్ సైట్ లోకి వెళ్లాలి.
  • ప్రిలిమినరీ కీ ఆబ్జెక్షన్ లింక్ పై క్లిక్ చేయాలి.
  • TGPSC ID, HallTicket Number, పుట్టిన తేదీ వివరాలను ఎంట్రీ చేసి లాగిన్ అవ్వాలి.
  • టీజీపీఎస్సీ సూచించి నిర్ణీత ఫార్మాట్ లో అభ్యంతరాలు పంపి సబ్మిట్ చేయాలి.

గ్రూప్-2 పరీక్షలకు మొత్తం 5,51,855 మంది దరఖాస్తు చేసుకున్న సంగతి తెలిసిందే. అయితే వీరిలో తొలి పేపర్-1 పరీక్షకు 2,57,981 అంటే 46.75%, పేపర్-2కు 2,55,490 మంది అంటే 46.30% హాజరయ్యారు.ఇక రెండో రోజు నిర్వహించిన పేపర్‌-3 పరీక్షకు 2,51,738 (45.62%) మంది, పేపర్‌-4 పరీక్షకు 2,51,486 (45.57%) మంది హాజరయ్యారు. నాలుగు పేపర్లకు రాష్ట్రవ్యాప్తంగా 1,368 పరీక్ష కేంద్రాలను ఏర్పాటుచేశారు. మొత్తం 783 పోస్టుల భర్తీకి గ్రూప్‌-2 నోటిఫికేషన్‌ను జారీ చేసిన సంగతి తెలిసిందే.

Whats_app_banner

సంబంధిత కథనం