జీహెచ్ఎంసీలో ఉద్యోగాలు - కేవలం ఇంటర్వ్యూనే..! ఇవాళ్టి నుంచే అప్లికేషన్లు ప్రారంభం

గ్రేటర్ హైదరాబాద్ మున్సిపల్ కార్పొరేషన్ (జీహెచ్‌ఎంసీ)లో ఉద్యోగాల భర్తీకి నోటిఫికేషన్ జారీ అయింది. కాంట్రాక్ట్ పద్ధతిలో పలు ఖాళీలను భర్తీ చేయనున్నారు. ఇందుకు సంబంధించిన దరఖాస్తుల ప్రక్రియ ఇవాళ్టి(అక్టోబర్ 3) నుంచి ప్రారంభమైంది.

ఖాళీల వివరాలు…

ఈ నోటిఫికేషన్ లో భాగంగా 17 ఉద్యోగాలను భర్తీ చేస్తున్నారు. వీటిలో సీనియర్ పబ్లిక్ హెల్త్ స్పెషలిస్ట్, పబ్లిక్ హెల్త్ స్పెషలిస్ట్, మైక్రోబయాలజిస్ట్, ఎంటమాలజిస్ట్, వెటర్నరీ ఆఫీసర్, టెక్నికల్ ఆఫీసర్ (ఐటీ), డేటా అనలిస్ట్, కమ్యూనికేషన్ స్పెషలిస్ట్ వంటి పోస్టులున్నాయి.ఈ పోస్టులకు అక్టోబర్ 18, 2025 వరకు అప్లయ్ చేసుకోవచ్చు. ముగుస్తుంది. నిర్దేశించిన గడువులోపు అభ్యర్థులు వారి ధ్రువపత్రాలను కూడా గా అప్‌లోడ్ చేయాల్సి ఉంటుంది.

అప్లికేషన్ ప్రాసెస్…

• అభ్యర్థులు ముందుగా https://ghmc.gov.in/MSUApplicationForm.aspx వెబ్ సైట్ లోకి వెళ్లాలి.
• మీరు అప్లయ్ చేసే పోస్టును ఎంచుకోవాలి. ఆ తర్వాత ప్రాథమిక వివరాలను ఎంట్రీ చేయాలి.
• ఆ తర్వాత మీ విద్యా అర్హత ధ్రువపత్రాలను అప్ లోడ్ చేయాలి.
• అభ్యర్థి ఫొటో, సంతకం కూడా అప్ లోడ్ చేయాల్సి ఉంటుంది.
• చివరల్లో అప్లికేషన్ సబ్మిట్ పై క్లిక్ చేస్తే ప్రాసెస్ పూర్తవుతుంది.

నోటిఫికేషన్ ముఖ్య వివరాలు:

• ఉద్యోగ ప్రకటన - జీహెచ్ఎంసీ
• మొత్తం ఖాళీలు - 17
• ఈ రిక్రూట్‌మెంట్‌లో అత్యంత ముఖ్యమైన పోస్ట్ సీనియర్ పబ్లిక్ హెల్త్ స్పెషలిస్ట్ ఈ ఒక్క పోస్ట్‌కు గరిష్టంగా రూ. 1,75,000 వరకు జీతం ఉంది. మిగతా పోస్టులకు 70 వేల నుంచి రూ. 50 వేల మధ్య ఉంది.
• పోస్టును అనుసరించి విద్యా అర్హతలను పేర్కొన్నారు. నోటిఫికేషన్ లో ఈ వివరాలను చూడొచ్చు.
• 12 నెలల కాలానికి కాంట్రాక్ట్ ఉంటుంది. నిధుల నిర్వహించిన విధానం ఆధారంగా కాంట్రాక్ట్ కొనసాగింపు ఉంటుంది. ఎంపికైన వారు రూ.100 నుంచి రూ. 500 లీగల్ బాండ్ పేపర్‌పై కాంట్రాక్ట్ ఒప్పందాన్ని సమర్పించాల్సి ఉంటుంది.
• దరఖాస్తు విధానం - ఆన్ లైన్
• దరఖాస్తులకు చివరి తేదీ - 18 అక్టోబర్ 2025
• ఎంపిక విధానం - కేవలం విద్యా అర్హతలు, ఇంటర్వ్యూల ఆధారంగానే ఈ ఉద్యోగాలను భర్తీ చేస్తారు.
• మొత్తం 100 మార్కులను ప్రతిపాదికంగా తీసుకుంటారు. ఇందులో విద్యా అర్హతలకు 80, ఇంటర్వ్యూకి 10 మార్కులు, పని చేసిన అనుభవానికి 10 మార్కులు కేటాయిస్తారు. దీని ఆధారంగా తుది జాబితాను ప్రకటిస్తారు.
• అప్లికేషన్ లింక్ - ghmc.gov.in/MSUApplicationForm.aspx
• నోటిఫికేషన్ పీడీఎఫ్ లింక్ - https://www.ghmc.gov.in/Menu_Files/Notification లింక్ ను క్లిక్ చేయవచ్చు.