CUET PG: సీయూఈటీ పీజీ 2025 సిటీ ఇన్ఫర్మేషన్ స్లిప్ విడుదల; ఇలా డౌన్ లోడ్ చేసుకోండి

CUET PG: కామన్ యూనివర్సిటీ అడ్మిషన్ టెస్ట్-పోస్ట్ గ్రాడ్యుయేట్ (సీయూఈటీ పీజీ 2025) పరీక్ష సిటీ ఇన్ఫర్మేషన్ స్లిప్పులను నేషనల్ టెస్టింగ్ ఏజెన్సీ (NTA) శుక్రవారం విడుదల చేసింది. అభ్యర్థులు సీయూఈటీ పీజీ 2025 అధికారిక వెబ్ సైట్స్ cuetpg.ntaonline.in లేదా https://exams.nta.ac.in/CUET-PG/ సందర్శించడం ద్వారా తమకు కేటాయించిన పరీక్షా కేంద్రాలను తెలుసుకోవచ్చు. పరీక్షకు నాలుగు రోజుల ముందు అడ్మిట్ కార్డులను విడుదల చేయనున్నట్లు సీయూఈటీ పీజీ 2025 ఇన్ఫర్మేషన్ బులెటిన్ లో ఎన్టీఏ పేర్కొంది.

సీయూఈటీ పీజీ ఎగ్జామ్ సిటీ స్లిప్ 2025: డౌన్లోడ్ చేసుకునేందుకు స్టెప్స్

1.  ఎన్టీఏ సీయూఈటీ పీజీ అధికారిక వెబ్సైట్ కు వెళ్లాలి.
2. హోమ్ పేజీలోని సీయూఈటీ ఎగ్జామ్ సిటీ స్లిప్ లింక్ పై క్లిక్ చేయాలి.
3. మీరు సిటీ స్లిప్ డౌన్ లోడ్ పేజీకి రీడైరెక్ట్ చేయబడతారు.
4. అవసరమైన ఫీల్డ్స్ లో మీ అప్లికేషన్ నంబర్, పుట్టిన తేదీని నమోదు చేసి సబ్మిట్ పై క్లిక్ చేయండి.
5. మీరు పరీక్ష రాయనున్న సీయూఈటీ పీజీ 2025 పరీక్ష కేంద్రం ఉన్న నగరం తెరపై కనిపిస్తుంది.
6. భవిష్యత్తు రిఫరెన్స్ కొరకు స్లిప్ ని డౌన్ లోడ్ చేసుకోండి. లేదా స్క్రీన్ షాట్ తీసుకోండి.

సీయూఈటీ (పీజీ) - 2025 పరీక్ష వివరాలు

2025-26 విద్యా సంవత్సరానికి సీయూఈటీ (పీజీ) - 2025 రిజిస్ట్రేషన్ ప్రక్రియ 2025 జనవరి 2 నుంచి ఫిబ్రవరి 8 వరకు కొనసాగింది. ఆ తరువాత కరెక్షన్ విండో ఫిబ్రవరి 10 నుంచి 12 వరకు ఓపెన్ అయింది. 2025 మార్చి 13 నుంచి ఏప్రిల్ 1 వరకు కంప్యూటర్ బేస్డ్ టెస్ట్ (CBT) విధానంలో 90 నిమిషాల చొప్పున 43 షిఫ్టుల్లో పరీక్ష నిర్వహిస్తారు. 4,12,024 మంది రిజిస్టర్డ్ అభ్యర్థులకు 157 సబ్జెక్టులకు పరీక్ష నిర్వహిస్తామని, గత సంవత్సరాలకు అనుగుణంగా నాలుగు పరీక్ష పేపర్లు/ సబ్జెక్టులను ఎంచుకునే అవకాశం కల్పించారని పబ్లిక్ నోటీసులో పేర్కొన్నారు.

సందేహాలుంటే..

సీయూఈటీ (పీజీ) - 2025కు సంబంధించి మరిన్ని సందేహాలు, సహాయం కోసం అభ్యర్థులు 011-40759000/ 011 - 69227700 లేదా ఈమెయిల్ helpdesk-cuetpg@nta.ac.in సంప్రదించవచ్చు. తాజా అప్డేట్ల కోసం అభ్యర్థులు క్రమం తప్పకుండా ఎన్టీఏ వెబ్సైట్(లు) www.nta.ac.in, https://exams.nta.ac.in/CUET-PG/ లను సందర్శిచాలని సూచించారు.