సీఐఎస్​ఎఫ్​ హెడ్​ కానిస్టేబుల్​ రిక్రూట్​మెంట్​పై బిగ్​ అప్డేట్​- ఈరోజు నుంచి..

సెంట్రల్ ఇండస్ట్రియల్ సెక్యూరిటీ ఫోర్స్ (సీఐఎస్ఎఫ్) హెడ్ కానిస్టేబుల్ పోస్టుల భర్తీకి అప్లికేషన్​ ప్రక్రియను ప్రారంభించింది. ఆసక్తి, అర్హత కలిగిన అభ్యర్థులు cisfrectt.cisf.gov.in సీఐఎస్ఎఫ్ అధికారిక వెబ్సైట్ ద్వారా ఆన్​లైన్​లో దరఖాస్తు చేసుకోవచ్చు. ఈ రిక్రూట్​మెంట్ డ్రైవ్ ద్వారా సంస్థలో 403 పోస్టులను భర్తీ చేయనుంది. ఈ నేపథ్యంలో సీఐఎస్​ఎఫ్​ రిక్రూట్​మెంట్​ 2025కి సంబంధించిన వివరాలను ఇక్కడ తెలుసుకోండి..

సీఐఎస్​ఎఫ్​ రిక్రూట్​మెంట్​ 2025..

సీఐఎస్​ఎఫ్​ రిక్రూట్​మెంట్​ 2025 రిజిస్ట్రేషన్ ప్రక్రియ మే 18న ప్రారంభమైంది. జూన్ 6, 2025 వరకు అప్లికేషన్​ దాఖలు చేయవచ్చు.

విద్యార్హత- పోస్టులకు దరఖాస్తు చేయాలనుకునే అభ్యర్థులు గుర్తింపు పొందిన విద్యాసంస్థ నుంచి 12వ తరగతి ఉత్తీర్ణతతో పాటు క్రీడలు, అథ్లెటిక్స్​లో రాష్ట్ర/ జాతీయ/ అంతర్జాతీయానికి ప్రాతినిధ్యం వహించి ఉండాలి.

వయస్సు- 2025 ఆగస్టు 1 నాటికి 18 నుంచి 23 ఏళ్ల మధ్య ఉండాలి. అభ్యర్థులు 02/08/2002 కంటే ముందు- 01/08/2007 తర్వాత జన్మించి ఉండాలి.

ఎంపిక విధానం:

మొదటి దశ:

ఎ) ట్రయల్ టెస్ట్

బి) ప్రొఫిషియెన్సీ టెస్ట్

సి) ఫిజికల్ స్టాండర్డ్ టెస్ట్ (పీఎస్​టీ)

డి) డాక్యుమెంటేషన్

2. రెండో దశ

మెడికల్ ఎగ్జామినేషన్

ట్రయల్ టెస్ట్:​ సెంటర్​లో అభ్యర్థులు రిపోర్ట్ చేసిన వెంటనే రిక్రూట్​మెంట్​ బోర్డు అడ్మిట్ కార్డులో ఉన్న ఫొటో, సంతకంతో పాటు ఫొటోతో కూడిన ఐడెంటిటీ ప్రూఫ్ ద్వారా అభ్యర్థుల గుర్తింపును ధ్రువీకరిస్తుంది. ఐడీ అంటే.. ఆధార్ కార్డు, ఓటరు కార్డు, డ్రైవింగ్ లైసెన్స్, పాన్ కార్డు, పాస్ పోర్ట్, యూనివర్శిటీ/కాలేజ్/స్కూల్ జారీ చేసిన ఐడీ కార్డు మొదలైనవి.

దరఖాస్తు ఫీజు..

యూఆర్, ఓబీసీ, ఈడబ్ల్యూఎస్ అభ్యర్థులకు రూ.100/

మహిళా అభ్యర్థులు, షెడ్యూల్డ్ కులాలు, షెడ్యూల్డ్ తెగలకు చెందిన అభ్యర్థులకు దరఖాస్తు ఫీజు చెల్లింపు నుంచి మినహాయింపు ఉంది.

ఆన్​లైన్​ విధానంలో చెల్లింపులు జరపాలి. మరిన్ని వివరాలకు అభ్యర్థులు సీఐఎస్ఎఫ్ అధికారిక వెబ్సైట్​ని చూడవచ్చు.

వివరణాత్మక నోటిఫికేషన్ కోసం ఇక్కడ క్లిక్​ చేయండి.

బ్యాంకు జాబ్​ కోసం చూస్తున్న వారికి అలర్ట్​..

సౌత్​ ఇడియన్​ బ్యాంక్​ (ఎస్​ఐబీ) వివిధ పోస్టుల భర్తీకి నోటిఫికేషన్​ని జారీ చేసింది. అర్హత, ఆసక్తి గల అభ్యర్థులు ఎస్​ఐబీ అధికారిక వెబ్సైట్​​లో అప్లికేషన్​ని దాఖలు (మే 19 నుంచి) చేసుకోవచ్చు. జూనియర్​ ఆఫీసర్​/ బిజినెస్​ ప్రమోషన్​ ఆఫీసర్​ పోస్టుల భర్తీకి ఈ దఫా రిక్రూట్​మెంట్​ జరుగుతోంది. ఈ నేపథ్యంలో ఈ రిక్రూట్​మెంట్​కి సంబంధించిన ముఖ్యమైన తేదీలు, అప్లికేషన్​ ఫీజు, ఎంపిక విధానం వంటి పూర్తి వివరాలు తెలుసుకునేందుకు ఇక్కడ క్లిక్​ చేయండి.