BRAOU BEd Admissions : అంబేడ్కర్ ఓపెన్ వర్శిటీలో బీఈడీ ప్రవేశాల అప్డేట్ - 'కీ' విడుదల, త్వరలోనే ఫలితాలు..!
BRAOU BEd Admissions Updates : హైదరాబాద్ లోని డాక్టర్ బీఆర్ అంబేడ్కర్ ఓపెన్ వర్శిటీలో బీఈడీ ప్రవేశాలపై మరో అప్డేట్ వచ్చేసింది. ఎంట్రెన్స్ పరీక్ష ప్రాథమిక కీ విడుదలైంది. రెస్పాన్స్ షీట్లు కూడా అందుబాటులోకి వచ్చాయి. త్వరలోనే ఫలితాలు విడుదలయ్యే అవకాశం ఉంది.
హైదరాబాద్ లోని డాక్టర్ బీఆర్ అంబేడ్కర్ ఓపెన్ వర్శిటీలో బీఈడీ(ODL -Open and Distance Learning)) ప్రవేశాల ప్రక్రియ కొనసాగుతోంది. ఇటీవలనే ఎంట్రెన్స్ పరీక్ష కూడా నిర్వహించారు. ఇందులో భాగంగా… 2024-25 అకడమిక్ ఇయర్ కు సంబంధించి ఈ ప్రవేశాలను కల్పించనున్నారు. అయితే ఈ రాత పరీక్షకు సంబంధించి అధికారులు కీలక అప్డేట్ ఇచ్చారు.
అంబేడ్కర్ వర్శిటీ బీఈడీ ఎంట్రెన్స్ పరీక్ష ప్రాథమిక కీని అధికారులు విడుదల చేశారు. అంతేకాదు.. అభ్యర్థుల రెస్పాన్స్ షీట్లను కూడా అందుబాటులోకి తీసుకువచ్చారు. కీపై అభ్యంతరాలు ఉంటే.. జనవరి 8వ తేదీలోపు పంపాల్సి ఉంటుందని అధికారులు ఓ ప్రకటనలో తెలిపారు.
ప్రాథమిక కీని ఇలా పొందండి….
- బీఈడీ ఎంట్రెన్స్ పరీక్షకు హాజరైన అభ్యర్థులు https://myapplication.in/BRAOU/BRAOU_HOME.aspx వెబ్ సైట్ లోకి వెళ్లాలి.
- హోం పేజీలో కనిపించే BRAOU BEd Entrance Test 2024 ఆప్షన్ పై లింక్ పై నొక్కాలి.
- ఇక్కడ కొత్త విండో ఓపెన్ అవుతుంది. ఇక్కడ ప్రిలిమినరీ కీ ఆప్షన్ పై క్లిక్ చేయాలి. 31th DEC, 2024 BED-ODL 2024-2025 కనిపిస్తుంది. దీనిపై నొక్కితే ప్రిలిమినరీ కీ డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ పై నొక్కి కాపీని పొందవచ్చు.
రెస్పాన్స్ షీట్లు ఇలా పొందండి…
- బీఈడీ ఎంట్రెన్స్ పరీక్షకు హాజరైన అభ్యర్థులు https://myapplication.in/BRAOU/BRAOU_HOME.aspx వెబ్ సైట్ లోకి వెళ్లాలి.
- రెస్పాన్స్ షీట్ డౌన్లోడ్ ఆప్షన్ పై క్లిక్ చేయాలి.
- ఇక్కడ మీ BED-ODL Halticket Number , రిజిస్ట్రేషన్ నెంబర్ తో పాటు పుట్టిన తేదీ వివరాలను ఎంట్రీ చేయాలి.
- గెట్ రెస్పాన్స్ షీట్ పై నొక్కితే మీ రెస్పాన్స్ షీట్ ఓపెన్ అవుతుంది.
- ప్రింట్ లేదా డౌన్లోడ్ ఆప్షన్ పై నొక్కి కాపీని పొందవచ్చు.
బీఈడీ కోర్సులో ప్రవేశాలకు నిర్వహించిన రాత పరీక్ష ఫలితాలు త్వరలోనే విడుదలయ్యే అవకాశం ఉంది. https://www.braouonline.in/Home.aspx వెబ్ సైట్ లోకి వెళ్లి ఫలితాలను చెక్ చేసుకోవచ్చు. అంతేకాకుండా… ర్యాంక్ కార్డులను పొందవచ్చు.
మూడో వారంలో కౌన్సెలింగ్….
రాత పరీక్ష ఫలితాలను ప్రకటించిన తర్వాత.. జనవరి మూడో వారంలో కౌన్సెలింగ్ ప్రక్రియను చేపట్టనున్నారు. అర్హత సాధించిన అభ్యర్థులకు సీట్లు కేటాయిస్తారు. https://www.braouonline.in/ వెబ్ సైట్ లోకి వెళ్లి కౌన్సెలింగ్ తేదీలతో పాటు మిగతా వివరాలను చూడొచ్చు.
