Hyderabad Army Public School Jobs : గోల్కొండ ఆర్మీ పబ్లిక్ స్కూల్లో ఉద్యోగాలు - ఇలా దరఖాస్తు చేసుకోండి
Army Public School Golconda Jobs 2024: టీచింగ్ పోస్టుల భర్తీకి గోల్కొండ ఆర్మీ పబ్లిక్ స్కూల్ నుంచి ఉద్యోగ నోటిఫికేషన్ జారీ అయింది. రెగ్యూలర్ ప్రాతిపదికన ఈ పోస్టులను రిక్రూట్ చేయనున్నారు. ఇందులో టీజీటీ, పీజీటీ, పీఆర్టీ పోస్టులున్నాయి. 25 జనవరి 2025వ తేదీతో దరఖాస్తుల గడువు ముగుస్తుంది.
హైదరాబాద్లోని గోల్కొండ ఆర్మీ పబ్లిక్ స్కూల్ నుంచి ఉద్యోగ నోటిఫికేషన్ జారీ అయింది. ఈ నోటిఫికేషన్ లో భాగంగా…. 2025-2026 అకడమిక్ ఇయర్ కు గాను టీచింగ్ ఖాళీలను రిక్రూట్ చేయనున్నారు. రెగ్యులర్, ఫిక్స్డ్ టర్మ్ ప్రాతిపదికన ఈ పోస్టులను భర్తీ చేయనున్నట్లు నోటిఫికేషన్ లో పేర్కొన్నారు.
నోటిఫికేషన్ వివరాల ప్రకారం... అర్హులైన అభ్యర్థులు ఆఫ్ లైన్ లో అప్లికేషన్ చేసుకోవాల్సి ఉంటుంది. అధికారిక వెబ్ సైట్ నుంచి దరఖాస్తు ఫామ్ ను డౌన్లోడ్ చేసుకోవాలి. జనవరి 25,2025వ తేదీలోపు దరఖాస్తు చేసుకోవాల్సి ఉంటుంది.
పోస్టుల వివరాలు…
ఖాళీల వివరాలు చూస్తే... పీజీటీ (మ్యాథ్స్, కెమిస్ట్రీ, ఎకనామిక్స్, Pol Science and Psychology), టీజీటీ (హిందీ, మ్యాథ్స్, మ్యూజిక్, డాన్స్, పీఈటీ అండ్ కంప్యూటర్), పీఆర్టీ (అన్ని సబ్జెక్ట్లు, మ్యూజిక్, డాన్స్, పీఈటీ అండ్ కంప్యూటర్), ప్రీ ప్రైమరీ టీచర్స్ (అన్ని సబ్జెక్టులు) ఉద్యోగాలున్నాయి. పోస్టులను అనుసరించి డిగ్రీ, బీఈడీ ఉండాలి. సంబంధింత కోర్సుల్లో పాసై ఉండాలి. అంతేకాకుండా సీటెట్ లేదా టెట్ ఉత్తీర్ణత కూడా ఉండాలి. పని చేసిన అనుభవం కూడా ఉండాలని నోటిఫికేషన్ లో తెలిపారు. అంతేకాకుండా ఇంగ్లీష్ భాషపై పట్టుతో పాటు కంప్యూటర్ స్కిల్స్ కూడా ఉండాలి.దరఖాస్తు చేసుకునే అభ్యర్థులు వయసు 40 ఏళ్లలోపు ఉండాలి.
దరఖాస్తు విధానం…
ఈ పోస్టులకు దరఖాస్తు చేసుకునే అభ్యర్థులు రూ. 250 చెల్లించాలి. దరఖాస్తు రుసుంను డీడీ రూపంలో చెల్లించాల్సి ఉంటుంది. ‘Army Public School Golcond, Hyderabad, పేరుతో డీడీ కట్టాలి. ఆన్ లైన్ నుంచి డౌన్లోడ్ చేసుకునే దరఖాస్తు ఫామ్ ను నింపి... "ది ప్రిన్సిపల్, ఆర్మీ పబ్లిక్ స్కూల్ గోల్కొండ, హైదర్ షా కోట, సన్ సిటీ, హైదరాబాద్- 500031" చిరునామాకు పంపించాలి.
అసంపూర్తిగా ఉండే అప్లికేషన్లను తిరస్కరిస్తారు. www.apsgolconda.edu.in. వెబ్ సైట్ లోకి వెళ్లి అప్లికేషన్ ఫామ్ ను డౌన్లోడ్ చేసుకోవాల్సి ఉంటుంది. దరఖాస్తు ఫామ్ తో పాటు అర్హత సర్టిఫికెట్ల జిరాక్స్ కాపీలు, పని చేసిన అనుభవం వివరాలు, ఆధార్ కార్డు జిరాక్స్ కూడా జత చేయాలి.
ఆర్మీ వెల్ఫేర్ స్కూల్, సీబీఎస్ఈ మార్గదర్శకాల ప్రకారం... దరఖాస్తులను పరిశీలించి అర్హుల జాబితాను షార్ట్ లిస్ట్ చేస్తారు. వారిని మాత్రమే ఇంటర్వ్యూలకు ఎంపిక చేస్తారు. ఆ తర్వాత తుది జాబితాను ప్రకటిస్తారు.
ముఖ్య వివరాలు :
- ఉద్యోగ ప్రకటన - ఆర్మీ పబ్లిక్ స్కూల్, గోల్కొండ, హైదరాబాద్.
- ఉద్యోగాలు - టీచింగ్ ఖాళీలు
- దరఖాస్తు విధానం - ఆఫ్ లైన్
- దరఖాస్తు ఫీజు - రూ. 250
- దరఖాస్తులకు చివరి తేదీ - 25 జనవరి 2025
- దరఖాస్తులు పంపాల్సిన అడ్రస్ - ది ప్రిన్సిపల్, ఆర్మీ పబ్లిక్ స్కూల్, గోల్కొండ హైదరాబాద్ -500031
- అధికారిక వెబ్ సైట్ - https://www.apsgolconda.edu.in/
సంబంధిత కథనం