ఏపీఆర్జేసీ సెట్-2025 ఫలితాలు విడుదల, ఇలా చెక్ చేసుకోండి

ఆంధ్రప్రదేశ్ రెసిడెన్షియల్ జూనియర్ కళాశాల్లో ప్రవేశాలకు నిర్వహించిన ఏపీఆర్జేసీ-2025 పరీక్ష ఫలితాలు విడుదల అయ్యాయి. ఫలితాలను అధికారిక వెబ్‌సైట్ aprs.apcfss.in లో తనిఖీ చేయవచ్చు. విద్యార్థులు తమ ఐడీ, పుట్టిన తేదీ వివరాలతో లాగిన్ అయ్యి ఫలితాలను డౌన్‌లోడ్ చేసుకోవచ్చు. ఏపీఆర్జేసీ పరీక్ష 25 ఏప్రిల్, 2025న నిర్వహించారు.

ఏపీలోని రెసిడెన్షియల్ జూనియర్ కళాశాలల్లో 1425 సీట్లలో ప్రవేశానికి ఈ ప్రవేశ పరీక్ష జరిగింది. ఈ పరీక్షను MPC/EET (ఇంగ్లీష్, గణితం, భౌతిక శాస్త్రం), BPC/CGT (ఇంగ్లీష్, భౌతిక శాస్త్రం, జీవ శాస్త్రం), MEC/CEC (ఇంగ్లీష్, గణితం, సామాజిక శాస్త్రం) అనే మూడు గ్రూపులకు నిర్వహించారు. ఈ పరీక్ష 150 మార్కులకు జరిగింది. ప్రతి విభాగానికి 50 మార్కులు ఉన్నాయి.

ఎంపీసీ, బైపీసీ, ఎంఈసీ/సీఈసీ వంటి ఇంటర్మీడియట్ కోర్సులకు రెసిడెన్షియల్ జూనియర్ కళాశాలల్లో ప్రవేశాలకు ఏపీఆర్జేసీ పరీక్ష నిర్వహిస్తారు.

ఏపీఆర్జేసీ ఫలితాలు ఎలా డౌన్‌లోడ్ చేసుకోవాలి

1. ఏపీఆర్జేసీ అధికారిక వెబ్‌సైట్ aprs.apcfss.in ని సందర్శించండి.
2. "ఏపీఆర్జీసీ ఫలితాలు 2025" పై క్లిక్ చేయండి.
3. విద్యార్థి ఐడీ, హాల్ టికెట్ నంబర్, పుట్టిన తేదీ వంటి లాగిన్ ఆధారాలను నమోదు చేయండి.
4. "సబ్మిట్" బటన్ పై క్లిక్ చేయండి.
5. స్క్రీన్ పై ఫలితాలను తనిఖీ చేయవచ్చు.
6. భవిష్యత్తు సూచన కోసం రిజల్ట్స్ డౌన్‌లోడ్ చేసుకోండి.

ఏపీఆర్జీసీ కౌన్సెలింగ్ ముఖ్యమైన తేదీలు

ఆంధ్ర, రాయలసీమ ప్రాంతాలకు మొదటి దశ కౌన్సెలింగ్ తేదీలు:

1. MPC/ EET కోర్సులు: మే 20
2. BPC/CGT కోర్సులు: మే 21
3. MEC/CEC కోర్సులు : మే 22
4. ఆంధ్ర, రాయలసీమ ప్రాంతాలకు 2వ దశ కౌన్సెలింగ్ తేదీలు:
5. MPC/EET కోర్సులు: జూన్ 2
6. BPC/CGT కోర్సులు: జూన్ 3
7. MEC/CEC కోర్సులు: జూన్ 4

అధికారిక నోటిఫికేషన్ ప్రకారం, ఈ తేదీలు, షెడ్యూల్ మారవచ్చు.

ఏపీఆర్జేసీ అభ్యర్థుల కోసం హెల్ప్‌లైన్ నంబర్లు

• సాంకేతిక సంబంధిత సహాయం కోసం: 9391005811
• ఇతర సమాచారం కోసం: 8712625085
• ఫిర్యాదుల కోసం: 9391005809

ఏపీఆర్జేసీ అధికారిక వెబ్ సైట్ కోసం ఇక్కడ క్లిక్ చేయండి.   

ఏపీఆర్ఎస్ సీఏటీ, ఏపీఆర్జేసీ & ఏపీఆర్డీసీ సెట్-2025 ఫలితాలు

🔹 73,993 మంది విద్యార్థులు దరఖాస్తు చేసుకున్నారు

🔹 62,047 మంది విద్యార్థులు హాజరయ్యారు

🔹 గురుకుల సంస్థలలో 5వ తరగతి నుంచి 8వ తరగతి, ఇంటర్ & డిగ్రీలో 7,190 సీట్లు అందుబాటులో ఉన్నాయి

📍 ఫలితాలు ఇక్కడ అందుబాటులో ఉన్నాయి: https://aprs.apcfss.in