ప్రైవేట్ స్కూళ్లలో పేద విద్యార్థులకు 25 శాతం సీట్లు, ఏపీ ఆర్టీఈ అడ్మిషన్ల నోటిఫికేషన్ విడుదల
ఏపీ పాఠశాల విద్యాశాఖ ఆర్టీఈ చట్టం అడ్మిషన్ల కోసం నోటిఫికేషన్ విడుదలైంది. రాష్ట్రంలోని ప్రైవేట్ అన్ ఎయిడెడ్ పాఠశాలల్లో 25 శాతం సీట్ల బలహీన వర్గాల ప్రజల పిల్లలకు కేటాయిస్తాయి. 5 సంవత్సరాలు నిండిన పిల్లలకు 1వ తరగతిలో ప్రవేశాలు కల్పిస్తారు.
ఏపీలో విద్యాహక్కు చట్టం కింద 2025-26 విద్యా సంవత్సరానికి అన్ని ప్రైవేట్ అన్ ఎయిడెడ్ స్కూళ్లలో పేద, బలహీన వర్గాల పిల్లలకు 1వ తరగతిలో 25 శాతం సీట్లు కేటాయించనున్నారు. ఈ మేరకు పాఠశాల విద్యాశాఖ నోటిఫికేషన్ విడుదల చేసింది. రాష్ట్రంలోని అన్ని ప్రైవేట్, అన్ ఎయిడెడ్ పాఠశాలలో(ఐబీ/సీబీఎస్ఈ/ఐసీఎస్ఈ/స్టేట్ సిలబస్) ప్రవేశాలకు 5 సంవత్సరాలు నిండిన వారు ఈ నెల 28వ తేదీ నుంచి మే 15 వరకు దరఖాస్తు చేసుకోవచ్చు. ఈ దరఖాస్తుల పరిశీలన అనంతరం ప్రభుత్వం సీట్లు కేటాయిస్తుంది.
విద్యాహక్కు చట్టం ప్రకారం బలహీన వర్గాల పిల్లలకు వారి నివాస సమీపంలోని అన్ని ప్రైవేట్ అన్ ఎయిడెడ్ పాఠశాలలో 1వ తరగతిలో 25 శాతం కేటాయిస్తారు. విద్యార్థులు ఆధార్ ద్వారా https://cse.ap.gov.in/ వెబ్ సైట్ లో సీట్ల కేటాయింపు చెక్ చేసుకోవచ్చు. అలాగే ఎంపికైన విద్యార్థుల జాబితా వివరాలను సంబంధిత పాఠశాలలో చూడవచ్చు. విద్యార్థుల తల్లిదండ్రులు, సంబంధిత గ్రామసచివాలయం/ మండల విద్యా వనరుల కేంద్రం/ సంబంధిత పాఠశాలలో దరఖాస్తు చేసుకోవచ్చు. ఇతర విషయాల కోసం సంబంధిత జిల్లా విద్యాశాఖాధికారిని సంప్రందిచవచ్చు. మరిన్ని వివరాలకు టోల్ ఫ్రీ నెంబర్ 18004258599 ను సంప్రదించవచ్చని నోటిఫికేషన్ లో పేర్కొన్నారు.
దరఖాస్తు చేసుకునేందుకు కావాల్సిన డాక్యుమెంట్స్
1. తల్లిదండ్రుల ఆధార్ కార్డ్/ఓటర్ కార్డు/ రేషన్ కార్డు/ భూమి హక్కుల పత్రిక/ MGNERGS జాబ్ కార్డు/ పాస్ పోర్ట్ / డ్రైవింగ్ లైసెన్స్/ విద్యుత్ బిల్లు/ రెంటల్ అగ్రిమెంట్ కాపీ
2. పిల్లల వయస్సు ధ్రువీకరణ పత్రం
3. అర్హత వయస్సు
a. IB/CBSE/ICSE పాఠశాలల్లో ప్రవేశాల కోసం 31.032025 నాటికి 5 సంవత్సరాల వయస్సు నిండి ఉండాలి.
b. స్టేట్ సిలబస్ పాఠశాలల్లో ప్రవేశాల కోసం 01.06.2025 నాటికి 5 సంవత్సరాల వయస్సు నిండి ఉండాలి.
ముఖ్యమైన తేదీలు
- అడ్మిషన్ల కార్యాచరణ జారీ - 17.04.2025
- IB/ICSE/CBSE/స్టేట్ సిలబస్ ను అనుసరించే అన్ని ప్రైవేట్ అన్-ఎయిడెడ్ పాఠశాలలు పోర్టల్ లో నమోదు-19.04.2025 నుంచి 26.04.2025
- విద్యార్థుల నమోదు కోసం పోర్టల్ అందుబాటులో ఉంచడం - 28.04.2025 నుంచి 15.05.2025
- గ్రామ వార్డు సచివాలయ వ్యవస్థ డేటా ద్వారా విద్యార్థుల ప్రవేశానికి అర్హతను నిర్ణయించడం- 16.05.2025 నుంచి 20.05.2025
- మొదటి విడత లాటరీ ఫలితాలు - 21.05.2025 నుంచి 24.05.2025
- పాఠశాలల వారీగా విద్యార్థుల ప్రవేశాలు - 02.06.2025
- రెండో విడత లాటరీ ఫలితాలు - 06.06.202
- పాఠశాలల వారీగా విద్యార్థుల ప్రవేశాల నిర్ధారణ - 12.06.2025
Bandaru Satyaprasad
సంబంధిత కథనం