APOSS Inter Hall Tickets 2025 : ఏపీ ఓపెన్ స్కూల్ సొసైటీ ఇంటర్ హాల్ టికెట్లు విడుదల, ఇలా డౌన్ లోడ్ చేసుకోండి

APOSS Inter Hall Tickets 2025 : ఆంధ్రప్రదేశ్ ఓపెన్ స్కూల్ సొసైటీ(APOSS) ఇంటర్ పరీక్షల హాల్ టికెట్లు విడుదల అయ్యాయి. విద్యార్థులు ఏపీఓఎస్ఎస్ అమరావతి అధికారిక వెబ్‌సైట్‌ https://apopenschool.ap.gov.in/ లో మార్చి 2025 ఇంటర్ హాల్ టికెట్లు డౌన్ లోడ్ చేసుకోవచ్చు. మార్చి3 నుంచి ఇంటర్ పరీక్షలు ప్రారంభంకానున్నాయి. ఇంటర్మీడియట్ కోర్సులకు నిర్వహించే పరీక్షలకు హాల్ టికెట్లను విడుదల చేశారు. ఏపీఓఎస్ఎస్, అమరావతి వెబ్ సైట్ లో విద్యార్థి పేరు, స్కూల్ పేరు, జిల్లా వివరాలు అందించి హాల్ టికెట్ పొందవచ్చు.

ఏపీఓఎస్ఎస్ హాల్ టికెట్ 2025 డౌన్‌లోడ్

• ఓపెన్ స్కూల్ ఇంటర్ హాల్ టికెట్లను ఈ కింద దశలను ఫాలో అవ్వండి
• ఆంధ్రప్రదేశ్ ఓపెన్ స్కూల్ సొసైటీ, అమరావతి అధికారిక వెబ్‌సైట్‌ https://apopenschool.ap.gov.in/ ను వీక్షించండి.
• హోంపేజీని స్క్రోల్ చేస్తే కింద అనౌన్స్ మెంట్ లో ఇంటర్ హాల్ టికెట్ ఆప్షన్ కనిపిస్తుంది. దానిపై క్లిక్ చేసి తదుపరి పేజీ ఓపెన్ అవుతుంది.
• ఏపీఓఎస్ఎస్ ఇంటర్ హాల్ టికెట్స్ ఆప్షన్ పై క్లిక్ చేయండి. మరో పేజీ ఓపెన్ అవుతుంది.
• విద్యార్థి జిల్లా, పేరు, స్కూల్ పేరు నమోదు చేస్తే హాల్ టికెట్ ఓపెన్ అవుతుంది.
• హాల్ టికెట్ డౌన్ లోడ్ చేసుకుని, ప్రింట్ అవుట్ తీసుకోండి.

ఇంటర్మీడియట్ పరీక్షల తేదీలు

• మార్చి 3, 2025 - ఇంగ్లీష్
• మార్చి 5, 2025 - హిందీ, తెలుగు, ఉర్దూ
• మార్చి 7, 2025 - కెమిస్ట్రీ, ఎకనామిక్స్, సోషియాలజీ
• మార్చి 10, 2025 - భౌతిక శాస్త్రం, రాజనీతి శాస్త్రం/పౌర శాస్త్రం, మనో విజ్ఞాన శాస్త్రం
• మార్చి 12, 2025 - గణితం, చరిత్ర, వ్యాపార గణక శాస్త్రం
• మార్చి 15, 2025 - బయాలజీ, కామర్స్/బిజినెస్ స్టడీస్, హోమ్ సైన్స్

ఇంటర్మీడియట్ పరీక్షలను ఉదయం 09:30 నుంచి మధ్యాహ్నం 12:00 వరకు నిర్వహిస్తారు. పరీక్షలో పాల్గొనే విద్యార్థులు పరీక్ష ప్రారంభ సమయానికి కనీసం గంట ముందుగా సంబంధిత పరీక్షా కేంద్రంలో ఫోటో గుర్తింపు కార్డు, హాల్ టికెట్ తో రిపోర్ట్ చేయాలి.