ఏపీ మెగా డీఎస్సీ 2025 షెడ్యూల్‌ విడుదల - ముఖ్య తేదీలివే

ఏపీలోని టీచర్ ఉద్యోగ అభ్యర్థులకు కూటమి ప్రభుత్వం గుడ్ న్యూస్ చెప్పింది. శనివారం మెగా డీఎస్సీ 2025 షెడ్యూల్ ను విడుదల చేసింది. ఈ మేరకు విద్యాశాఖ ప్రకటన విడుదల చేసింది. మొత్తం 16,347 టీచర్ ఉద్యోగాలను భర్తీ చేయనున్నట్లు తెలిపింది. ఏప్రిల్ 20వ తేదీన నోటిఫికేషన్ జారీ చేయనున్నట్లు పేర్కొంది.

ఏపీ డీఎస్సీ 2005 షెడ్యూల్ - ముఖ్య తేదీలు:

• ఏపీ డీఎస్సీ నోటిఫికేషన్ విడుదల - 20 ఏప్రిల్ 2025
• ఆన్ లైన్ అప్లికేషన్లు ప్రారంభం - 20 ఏప్రిల్ 2025
• దరఖాస్తుల స్వీకరణకు తుది గడువు - 15 మే 2025
• హాల్ టికెట్లు విడుదల - 30 మే 2025
• పరీక్ష తేదీలు - 06.06.2025 నంచి 06.07.2025 మధ్య ఉంటాయి.సీబీటీ విధానంలో డీఎస్సీ పరీక్షలు నిర్వహిస్తారు.
• ప్రాథమిక కీలు - పరీక్షలు పూర్తయిన రెండు రోజు ప్రాథమిక కీలను విడుదల చేస్తారు.
• అభ్యంతరాల స్వీకరణ - ప్రాథమిక కీల విడుదల తర్వాత 7 రోజులు అభ్యంతరాలు స్వీకరిస్తారు.
• ఫైనల్ కీ - అభ్యంతరాల స్వీకరణ గడువు ముగిసిన 7 రోజుల తర్వాత ప్రకటిస్తారు.
• మెరిట్ జాబితా - తుది కీ విడుదల చేసిన 7 రోజుల తర్వాత మెరిట్ జాబితా విడుదల చేస్తారు.
• అధికారిక వెబ్ సైట్లు - https://cse.ap.gov.in లేదా https://apdsc.apcfss.in