ఏపీ ఈసెట్ 2025 అభ్యర్థులకు అలర్ట్ - 'ఎడిట్ ఆప్షన్' వచ్చేసింది, ఇదిగో లింక్

ఏపీ ఈసెట్ - 2025 అభ్యర్థులకు అధికారులు కీలక అప్డేట్ ఇచ్చారు. దరఖాస్తు చేసుకున్న అభ్యర్థులు వారి వివరాలను ఎడిట్ చేసుకునే ఆప్షన్ ను అందుబాటులోకి తీసుకువచ్చారు. దీని ఆధారంగా ఏమైనా తప్పులు ఉంటే సవరించుకోవచ్చని అధికారులు తెలిపారు. ఈ గడువు ఏప్రిల్ 26వ తేదీతో ముగియనుంది.

ఏపీ ఈసెట్ - 2025 ద్వారా 2025-26 విద్యాసంవత్సరానికి సంబంధించి.. బీఈ, బీటెక్, బీఫార్మసీ కోర్సుల్లో ప్రవేశాలు కల్పిస్తారు. పాలిటెక్నిక్ డిప్లొమా, బీఎస్సీ(మ్యాథ్స్) అభ్యర్థులకు లేటరల్‌ ఎంట్రీ విధానంలో రెండో ఏడాదిలో ప్రవేశాలు కల్పిస్తారు. ఈ ఏడాది ఏపీ ఈసెట్‌ను అనంతపురం జవహర్‌లాల్‌ నెహ్రూ టెక్నలాజికల్‌ యూనివర్సిటీ నిర్వహిస్తుంది.

ఏపీ ఈసెట్ - 2025కు దరఖాస్తులను స్వీకరిస్తున్నారు. ప్రస్తుతం ఆలస్య రుసుంతో కొనసాగుతోంది. రూ. 10,000 ఆలస్య రుసుంతో ఏప్రిల్ 28వ తేదీ వరకు అవకాశం ఉంటుంది. ఆసక్తి ఉన్న విద్యార్థులు వెంటనే దరఖాస్తు చేసుకోవాలని.. అధికారులు సూచిస్తున్నారు.

అప్లికేషన్ ఎడిట్ ఆప్షన్ - ప్రాసెస్ ఇలా

• అభ్యర్థులు ఏపీ ఉన్నత విద్యామండలి వెబ్ సైట్ లోకి వెళ్లాలి.
• ఏపీ ఈసెట్ - 2025 లింక్ పై క్లిక్ చేయాలి. ఇక్కడ కొత్త పేజీ ఓపెన్ అవుతుంది.
• హోం పేజీలో కనిపించే కరెక్షన్ లింక్ పై క్లిక్ చేయాలి.
• ఇక్కడ అభ్యర్థి పేమెంట్ ఐడీ, రిజిస్ట్రేషన్ నెంబర్, మొబైల్ నెంబర్ వివరాలను ఎంట్రీ చేయాలి.
• సబ్మిట్ చేస్తే అప్లికేషన్ ఓపెన్ అవుతుంది. ఆ తర్వాత తప్పుగా ఉన్న వివరాలను సవరించుకోవచ్చు.
• చివర్లో సబ్మిట్ చేస్తే ప్రాసెస్ పూర్తవుతుంది.

మే 6న ఎంట్రెన్స్ ఎగ్జామ్..

ఏపీ ఈసెట్ - 2025 పరీక్షలను మే 6వ తేదీన నిర్వహించనున్నారు. ఆన్‌లైన్ విధానంలో రెండు షిఫ్టుల్లో ప్రవేశ పరీక్ష నిర్వహిస్తారు. మొదటి షిఫ్ట్‌ ఉదయం 9 గంటల నుంచి మధ్యాహ్నం 12 గంటల వరకు ఉంటుంది. రెండో షిఫ్ట్‌ మధ్యాహ్నం 2 గంటల నుంచి సాయంత్రం 5 గంటల వరకు ఉంటుంది. ప్రిలిమినరీ కీ మే 8వ తేదీన విడుదలవుతుంది. వీటిపై అభ్యంతరాలను మే 10వ తేదీ వరకు స్వీకరిస్తారు. విద్యార్థులకు ఎలాంటి సందేహాలు ఉన్నా.. అధికారిక వెబ్‌సైట్ ద్వారా నివృత్తి చేసుకోవచ్చు.

ఈ లింక్ పై క్లిక్ చేసి ఏపీ ఈసెట్ - 2025 అప్లికేషన్ ఎడిట్ చేసుకోవచ్చు…