తెలంగాణ ఇంటర్ విద్యార్థులకు అలర్ట్, అడ్వాన్స్‌డ్ సప్లిమెంటరీ ఫీజు గడువు పెంపు

తెలంగాణ ఇంటర్ విద్యార్థులు, తల్లిదండ్రులు, కళాశాలల నుంచి వస్తున్న అభ్యర్థనల మేరకు ఇంటర్ బోర్డు కీలక నిర్ణయం తీసుకుంది. మే/జూన్ 2025లో నిర్వహించే ఇంటర్మీడియట్ అడ్వాన్స్‌డ్ సప్లిమెంటరీ పరీక్షలకు ఫీజు చెల్లింపు గడువును మే 01, 2025 వరకు పొడిగించింది.

ప్రిన్సిపాల్స్ మాత్రమే

జూనియర్ కాలేజీల ప్రిన్సిపాల్స్ పరీక్ష ఫీజు మొత్తాన్ని ఇంటర్ బోర్డు వెబ్‌సైట్‌లో అందించిన ఇంటర్నెట్ బ్యాంకింగ్ సదుపాయం, చెల్లింపు గేట్‌వేను ఉపయోగించి చెల్లించవచ్చని పేర్కొంది. మే 2, 2025లోపు TGBIE ఖాతాకు ఆన్‌లైన్‌లో బదిలీ చేయడానికి మాత్రమే అనుమతించబడ్డారు.

తెలంగాణ ఇంటర్ సప్లిమెంటరీ షెడ్యూల్

తెలంగాణ ఇంటర్ ఫలితాలు ఇటీవల విడుదలైన విషయం తెలిసిందే. ఇంటర్ బోర్డు అడ్వాన్స్ డ్ సప్లిమెంటరీ పరీక్షల షెడ్యూల్ ను సైతం విడుదల చేసింది. మే 22 నుంచి 29 వరకు ఉదయం, మధ్యాహ్నం సెషన్ లో నిర్వహిస్తారు.

ఉదయం 9 గంటల నుంచి మధ్యాహ్నం 12 గంటల వరకు ఇంటర్ ఫస్టియర్, మధ్యాహ్నం 2.30 గంటల నుంచి సాయంత్రం 5.30 గంటల వరకు సెకండియర్ పరీక్షలు నిర్వహించనున్నట్లు ఇంటర్‌ బోర్డు కార్యదర్శి కృష్ణ ఆదిత్య ఓ ప్రకటనలో తెలిపారు.

జనరల్, ఒకేషనల్ కోర్సులకు

జనరల్, ఒకేషనల్ కోర్సులకు ఒకేసారి అడ్వాన్స్ డ్ సప్లిమెంటరీ పరీక్షలు నిర్వహించనున్నారు. జూన్ 3 నుంచి 6వ తేదీ వరకు రెండు సెషన్లలో ప్రాక్టికల్‌ పరీక్షలు జరగనున్నాయి. జూన్‌ 9న ఇంటర్ ఫస్టియర్ , జూన్ 10న సెకండియర్ విద్యార్థులకు ఇంగ్లిష్‌ ప్రాక్టికల్‌ పరీక్షలు ఉంటాయి.

జూన్ 11న ఎన్విరాన్మెంటల్ ఎడ్యుకేషన్ పరీక్ష ఉదయం 10 గంటల నుంచి మధ్యాహ్నం 1 గంట వరకు నిర్వహించనున్నారు. జూన్ 12న ఇంటర్ ద్వితీయ సంవత్సరం విద్యార్థులకు ఎథిక్స్ అండ్ హ్యూమన్ వ్యాల్యూస్ పరీక్ష నిర్వహిస్తారు. సప్లిమెంటరీ పరీక్షలకు ఫీజు చెల్లించేందుకు ఏప్రిల్‌ 30 చివరి తేదీగా పేర్కొన్నారు.

ఇంటర్ ఫస్టియర్ (జనరల్, ఒకేషనల్) సప్లిమెంటరీ టైమ్ టేబుల్

(ఉదయం 9:00ల నుంచి 12:00 మధ్యాహ్నం)

• 22-05-2025 (గురువారం) - పార్ట్-II: సెకండ్ లాంగ్వేజ్ పేపర్-I
• 23-05-2025 (శుక్రవారం) - పార్ట్-I ఇంగ్లీష్ పేపర్-I
• 24-05-2025 (శనివారం) - పార్ట్-III: మ్యాథమెటిక్స్ పేపర్-IA, బోటనీ పేపర్-I, పొలిటికల్ సైన్స్ పేపర్-I
• 25-05-2025 (ఆదివారం) - మ్యాథమెటిక్స్ పేపర్-IB, జువాలజీ పేపర్-I, హిస్టరీ పేపర్-I
• 26-05-2025 (సోమవారం) - ఫిజిక్స్ పేపర్-1, ఎకనామిక్స్ పేపర్-I
• 27-05-2025 (మంగళవారం) - కెమిస్ట్రీ పేపర్-I, కామర్స్ పేపర్-I
• 28-05-2025 (బుధవారం) - పబ్లిక్ అడ్మినిస్ట్రేషన్ పేపర్-I, బ్రిడ్జ్ కోర్స్ మ్యాథ్స్ పేపర్-I (BI.P.C. విద్యార్థుల కోసం)
• 29-05-2025 (గురువారం)- మోడరన్ లాంగ్వేజ్ పేపర్-I, జాగ్రఫీ పేపర్-I

ఇంటర్ సెకండియర్ (జనరల్, ఒకేషనల్) సప్లిమెంటరీ టైమ్ టేబుల్

(మధ్యాహ్నం 2:30ల నుంచి 5:30 వరకు)

• 22-05-2025 (గురువారం) - పార్ట్-II: సెకండ్ లాంగ్వేజ్ పేపర్-II
• 23-05-2025 (శుక్రవారం) - పార్ట్-I, ఇంగ్లీష్ పేపర్-II
• 24-05-2025 (శనివారం)- పార్ట్-III: మ్యాథమెటిక్స్ పేపర్-IIA, బోటనీ పేపర్-II, పొలిటికల్ సైన్స్ పేపర్-II
• 25-05-2025 (ఆదివారం)- మ్యాథమెటిక్స్ పేపర్-IIB, జంతుశాస్త్రం పేపర్-II, చరిత్ర పేపర్-II
• 26-05-2025 (సోమవారం)- ఫిజిక్స్ పేపర్-II, ఎకనామిక్స్ పేపర్-II
• 27-05-2025 (మంగళవారం) - కెమిస్ట్రీ పేపర్-II ,కామర్స్ పేపర్-II
• 28-05-2025 (బుధవారం) - పబ్లిక్ అడ్మినిస్ట్రేషన్ పేపర్-II, బ్రిడ్జ్ కోర్సు మ్యాథ్స్ పేపర్-II (BI.P.C. విద్యార్థుల కోసం)
• 29-05-2025 (గురువారం) - మోడరన్ లాంగ్వేజ్ పేపర్-II, భౌగోళిక శాస్త్రం పేపర్-II