ఎయిర్ పోర్ట్ అథారిటీ ఆఫ్ ఇండియాలో జాబ్స్.. ఈ తేదీ నుంచి దరఖాస్తు చేసుకోవాలి

సైన్స్ డిగ్రీ ఉండి ఉద్యోగం కోసం ఎదురు చూస్తుంటే.. మీ కోసం గుడ్‌న్యూస్. ఎయిర్‌పోర్ట్ అథారిటీ ఆఫ్ ఇండియా ఎయిర్ ట్రాఫిక్ కంట్రోలర్ (జూనియర్ ఎగ్జిక్యూటివ్) పోస్టుల భర్తీకి నోటిఫికేషన్ విడుదల చేసింది. దీని కోసం అభ్యర్థులు అధికారిక సైట్‌ను సందర్శించడం ద్వారా త్వరలో దరఖాస్తు చేసుకోగలరు.

ముఖ్యమైన తేదీలు

ఆసక్తిగల, అర్హత కలిగిన అభ్యర్థులు ఈ నియామకానికి 25 ఏప్రిల్ 2025 నుండి ఆన్‌లైన్‌లో దరఖాస్తు చేసుకోవచ్చు. 25 మే 2025 వరకు కొనసాగుతుంది. దరఖాస్తు చేసుకోవడానికి అభ్యర్థులు అధికారిక వెబ్‌సైట్‌ను సందర్శించాలి. మొత్తం 309 ఖాళీ పోస్టులను భర్తీ చేస్తారు.

పోస్టుల వివరాలు

ఈ 309 ఎయిర్ ట్రాఫిక్ కంట్రోలర్ పోస్టుల్లో 125 పోస్టులు అన్‌రిజర్వ్‌డ్ కేటగిరీకి, 30 ఈడబ్ల్యూఎస్‌కి, 72 ఓబీసీ(ఎన్‌సీఎల్)కి, 55 ఎస్సీకి, 27 ఎస్టీ కేటగిరీకి రిజర్వ్ అయ్యాయి. గుర్తింపు పొందిన విశ్వవిద్యాలయం లేదా సంస్థ నుండి బి.ఎస్సీ (ఫిజిక్స్, మ్యాథ్స్‌) లేదా బి.టెక్/బీఈ డిగ్రీ పొందిన అభ్యర్థులు మాత్రమే ఈ నియామకానికి దరఖాస్తు చేసుకోవచ్చు.

వయోపరిమితి గురించి చెప్పాలంటే, అభ్యర్థి గరిష్ట వయస్సు 24 మే 2025 నాటికి 27 సంవత్సరాలు మించకూడదు. ప్రభుత్వ నిబంధనల ప్రకారం రిజర్వ్డ్ వర్గాలకు వయో సడలింపు ఉంటుంది.

దరఖాస్తు ఫీజు

ఈ రిక్రూట్‌మెంట్ డ్రైవ్‌కు అభ్యర్థులు దరఖాస్తు రుసుము చెల్లించాలి. జనరల్, ఓబీసీ, ఈడబ్ల్యూఎస్ EWS వర్గాలకు దరఖాస్తు రుసుము రూ. 1000గా నిర్ణయించారు. అయితే ఎస్సీ, ఎస్టీ, PwBD, మహిళలు, అప్రెంటిస్‌షిప్ చేసిన అభ్యర్థులు ఉచితంగా దరఖాస్తు చేసుకోవచ్చు.

ఎలా దరఖాస్తు చేయాలి?

అభ్యర్థులు అధికారిక వెబ్‌సైట్‌ www.aai.aeroను సందర్శించి. కెరీర్ విభాగంలో అందుబాటులో ఉన్న రిజిస్ట్రేషన్ లింక్‌పై క్లిక్ చేయాలి.

తరువాత అవసరమైన సమాచారాన్ని పూరించి, అవసరమైన పత్రాలను అప్‌లోడ్ చేయండి.

చివరగా దరఖాస్తు రుసుము చెల్లించి ఫారమ్‌ను సమర్పించండి.

ఫారమ్ ప్రింటవుట్ తీసుకోవడం మర్చిపోవద్దు.