Government internships : ఈ ప్రభుత్వ సంస్థల్లో ఇంజినీర్లకు ఇంటర్న్షిప్ ఛాన్స్- స్టైఫెండ్ కూడా..
Government internships of Engineering : ఇంజినీరింగ్ విద్యార్థులకు ప్రభుత్వ సంస్థలు వివిధ ఇంటర్న్షిప్ అవకాశాలను కల్పిస్తున్నాయి. ఆ లిస్ట్ని ఇక్కడ చెక్ చేసుకోండి.
ప్రపంచంలో అత్యంత డిమాండ్ ఉన్న డిగ్రీల్లో ఇంజినీరింగ్ ఒకటి. భారతదేశంలో ప్రతి సంవత్సరం సుమారు 15 లక్షల మంది ఇంజనీర్లు కాంప్సల నుంచి బయటకి వస్తుంటారు. మరి మీరు కూడా ఒక ఇంజినీర్ ఆ? లేక ఇంజినీరింగ్ చదువుకుంటున్నారా? అయితే, మీ వృత్తిని ప్రారంభించడానికి ప్రభుత్వ ఇంటర్న్షిప్ ఆప్షన్స్ బాగా ఉపయోగపడతాయి. విద్యా సంస్థలు, వివిధ మంత్రిత్వ శాఖలు, విభాగాలతో సహా అనేక ప్రభుత్వ సంస్థలు ఇంజనీరింగ్ విద్యార్థులకు ఇంటర్న్షిప్ అవకాశాలను అందిస్తున్నాయి. ఆ వివరాలను ఇక్కడ తెలుసుకోండి..
ఐఐటీ పాలక్కడ్ సమ్మర్ ఇంటర్న్షిప్: సైన్స్, ఇంజినీరింగ్, హ్యుమానిటీస్ విద్యార్థులకు ఈ ఇంటర్న్షిప్. ఇంజినీరింగ్ 3వ ఏడాది, 4వ ఏడాది చదువుకుంటున్న వారు ఈ ఇంటర్న్షిప్కి అప్లై చేసుకోవచ్చు. ఆరు వారాల రెసిడెన్షియల్ ప్రోగ్రామ్ వివిధ హార్డ్వేర్, సాఫ్ట్వేర్ విశ్లేషణ సాధనాలతో ప్రత్యక్ష పరిశోధన శిక్షణను ఈ ఇంటర్న్షిప్ మిళితం చేస్తుంది. ఈ ఇంటర్న్షిప్కు ఎంపికైన అభ్యర్థులందరికీ నెలకు రూ.8000/- (మొత్తం కాలానికి రూ.12000/- ) ఆర్థిక సహాయాన్ని అందిస్తుంది.
నేషనల్ రెన్యూవబుల్ ఎనర్జీ ఇంటర్న్షిప్ ప్రోగ్రామ్: ఈ అవకాశాన్ని న్యూ అండ్ రెన్యువబుల్ మినిస్ట్రీ అందిస్తుంది. వివిధ ఇంజినీరింగ్, సైన్స్, మేనేజ్మెంట్, లా, ఇతర విభాగాల విద్యార్థులు మంత్రిత్వ శాఖ, సంస్థల్లో ఇంటర్న్షిప్లు చేపట్టవచ్చు. ఎంఎన్ఆర్ఈ అవసరాన్ని బట్టి ఏడాదికి రెండుసార్లు ఈ ఇంటర్న్షిప్ లభిస్తుంది. ఎంపికైన ఇంటర్న్లు అందరికీ ఫిజికల్ ఇంటర్న్షిప్ కోసం నెలకు రూ.15,000 స్టైఫెండ్ లభిస్తుంది. ఇంటర్న్షిప్ వ్యవధి రెండు నుంచి ఆరు నెలలు ఉంటుంది.
డబ్ల్యూఎస్ఏఐ ఐఐటీఎం సమ్మర్ ఇంటర్న్షిప్: ఏదైనా భారతీయ విశ్వవిద్యాలయం / విద్యా సంస్థలో వారి 2 సంవత్సరాల పోస్ట్ గ్రాడ్యుయేషన్ (రెగ్యులర్ / ఫుల్ టైమ్ ఇన్ ఇంజనీరింగ్ లేదా సైన్స్) 4 సంవత్సరాల అండర్ గ్రాడ్యుయేట్ / 1 వ సంవత్సరం ప్రీ-ఫైనల్ ఇయర్లో ఉన్న విద్యార్థుల కోసం ఐఐటిఎంలోని వాధ్వానీ స్కూల్ ఆఫ్ డేటా సైన్స్ అండ్ ఏఐ (డబ్ల్యుఎస్ఎఐ) ఈ ఇంటర్న్షిప్ నిర్వహిస్తుంది. ఇంటర్న్షిప్ వ్యవధి కనిష్టంగా 3 నెలలు, గరిష్టంగా 6 నెలలు. ఇది వ్యక్తిగత సమ్మర్ ఇంటర్న్షిప్. ఇంటర్న్షిప్ స్టైఫండ్ కూడా లభిస్తుంది.
డిజిటల్ ఇండియా ఇంటర్న్షిప్: ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ (ఎంఈఐటీవై) నిర్వహించే ఈ ఇంటర్న్షిప్ పథకం చివరి డిగ్రీ లేదా సర్టిఫికేట్ పరీక్షలో కనీసం 60% మార్కులు సాధించి ఇంజనీరింగ్, మాస్టర్ లేదా లా డిగ్రీలను అభ్యసించే భారతీయ విద్యార్థుల కోసం! ఎంపికైన విద్యార్థులు సంతృప్తికరమైన పనితీరుకు లోబడి, వారి సూపర్వైజర్/మెంటార్ ద్వారా ధృవీకరించిన నెలకు రూ.10,000/- స్టైపెండ్ పొందుతారు. ఇంటర్న్షిప్ కనీస వ్యవధి రెండు నెలలు. దీనిని పొడిగించే అవకాశం కూడా ఉంది.
ఎన్ఐఈఎల్ఐటీ ఇంటర్న్షిప్ ట్రైనింగ్: ఇంజినీరింగ్, పాలిటెక్నిక్ డిప్లొమా విద్యార్థులకు ఎన్ఐఈఎల్ఐటీ డామన్ ఈ ఇంటర్న్షిప్ అవకాశాన్ని కల్పిస్తోంది. ఈ ఇంటర్న్షిప్ వ్యవధి రెండు వారాలు. ఒక బ్యాచ్లో 30 సీట్లు మాత్రమే ఉంటాయి. ఒకేసారి మూడు బ్యాచ్లు స్టార్ట్ అవుతాయి. ఈ ఇంటర్న్షిప్ స్కీమ్ స్టైఫండ్ ఇవ్వదు.
టీఈసీ ఇంటర్న్షిప్ స్కీమ్: డిపార్ట్మెంట్ ఆఫ్ టెలికమ్యూనికేషన్స్ (డాట్) సాంకేతిక విభాగం ఈ టెలికమ్యూనికేషన్ ఇంజనీరింగ్ సెంటర్ (టీఈసీ). ఈ ఇంటర్న్షిప్ స్కీమ్ కేవలం ఇంజినీరింగ్ విద్యార్థులకు మాత్రమే! ఇంటర్న్షిప్ కనీస వ్యవధి ఆరు నెలలు, గరిష్టంగా పన్నెండు నెలల వరకు పొడిగించవచ్చు. ప్రతి ఇంటర్న్కు ప్రో-రాటా ప్రాతిపదికన నెలకు రూ.15,000/- స్టైపెండ్ లభిస్తుంది. ఇంటర్న్షిప్ని విజయవంతంగా పూర్తి చేసి, కాంపిటెంట్ అథారిటీ ద్వారా సంతకం చేసిన, ఆమోదించిన రిపోర్ట్ని సబ్మిట్ చేసిన తరువాత, ఒక సర్టిఫికేట్ జారీ చేస్తారు.
సంబంధిత కథనం