TG Courts Recruitment 2025 : తెలంగాణలో 1673 కోర్టు ఉద్యోగాలు - ఇవాళ్టి నుంచే దరఖాస్తులు ప్రారంభం, ప్రాసెస్ ఇలా..
Telangana Court Recruitment 2025 : తెలంగాణలోని జిల్లా కోర్టుల్లో 1673 ఉద్యోగాలను భర్తీ చేయనున్నారు. ఆన్ లైన్ దరఖాస్తులు ఇవాళ్టి నుంచే ప్రారంభం కానున్నాయి. అర్హులైన అభ్యర్థులు జనవరి 31వ తేదీలోగా దరఖాస్తు చేసుకోవాల్సి ఉంటుంది. https://tshc.gov.in/ వెబ్ సైట్ లోకి వెళ్లి ప్రాసెస్ చేసుకోవచ్చు.
తెలంగాణలో ఉన్న పలు కోర్టుల్లో భారీగా ఉద్యోగాలను భర్తీ చేయనున్నారు. మొత్తం 1673 పోస్టుల ఖాళీల భర్తీ కోసం ఇటీవలనే నోటిఫికేషన్లు జారీ అయ్యాయి. అయితే వీటికి సంబంధించిన ఆన్ లైన్ దరఖాస్తులు నేటి నుంచి ప్రారంభం కానున్నాయి. అర్హులైన అభ్యర్థులు . https://tshc.gov.in/ వెబ్ సైట్ లోకి వెళ్లి దరఖాస్తు చేసుకోవచ్చు.
ఖాళీల వివరాలు….
మొత్తం 1673 ఉద్యోగాలు ఉన్నాయి. ఇందులో 1277 టెక్నికల్ ఉద్యోగాలు ఉండగా.. మరో 184 నాన్-టెక్నికల్ కోటాలో ఉన్నాయి. ఇక తెలంగాణ జ్యుడీషియల్ మినిస్టీరియల్, సబార్డినేట్ సర్వీస్ కింద మరో 212 పోస్టులను కూడా రిక్రూట్ చేయనున్నారు. ఏప్రిల్ లో రాత పరీక్షలు జరుగుతాయి. మరికొన్ని పోస్టులకు జూన్ లో ఎగ్జామ్స్ ఉంటాయి.
ఈ ఉద్యోగాలను పార్టీ ఏ, పార్టీ బీలుగా నోటిఫికేషన్ లో పేర్కొన్నారు. ఈ ఉద్యోగాలన్నీ కూడా శాశ్వత ప్రాతిపాదికన భర్తీ చేయనున్నారు. రాత పరీక్షలతో పాటు స్కిల్స్ టెస్ట్ ఆధారంగా తుది జాబితాలను ప్రకటిస్తారు. అయితే పోస్టుల వివరాలతో కూడిన నోటిఫికేషన్లు హైకోర్టు వెబ్ సైట్ లో అందుబాటులో ఉంచారు. ఇందులో ఏ జిల్లాలో ఎన్ని ఖాళీలు ఉన్నాయో కూడా తెలుసుకోవచ్చు.
ఎలా దరఖాస్తు చేసుకోవాలంటే..?
- అర్హులైన అభ్యర్థులు https://tshc.gov.in/ వెబ్ సైట్ లోకి వెళ్లాలి.
- హోం పేజీలో కనిపించే రిక్రూట్ మెంట్ ఆప్షన్ పై క్లిక్ చేయాలి.
- ఇక్కడ పలు నోటిఫికేషన్ల నెంబర్లతో కనిపించే లింక్స్ కనిపిస్తాయి. మీరు ఏ పోస్టుకు దరఖాస్తు చేయాలనుకుంటున్నారో అక్కడ క్లిక్ చేయాలి.
- పార్ట్ ఏలో వన్ టైం రిజిస్ట్రేషన్ చేసుకోవాలి. ఆ తర్వాత ఓటీపీఆర్ ఐడీ, పాస్ వర్డ్ జనరేట్ అవుతుంది.
- ఆ తర్వాత పార్ట్ బీలో అప్లికేషన్ ఫామ్ ఓపెన్ అవుతుంది. నిర్ణయించిన రుసుం చెల్లించాలి. వివరాల పూర్తి తర్వాత సబ్మిట్ బటన్ పై నొక్కాలి. మీ అప్లికేషన్ ప్రాసెస్ పూర్తి అవుతుంది.
- రిజిస్ట్రేషన్ నెంబర్ ను భద్రపర్చుకోవాలి. హాల్ టికెట్ల జారీలో ఉపయోగపడుతుంది.
ముఖ్య వివరాలు:
- ఉద్యోగ ప్రకటన - తెలంగాణ హైకోర్టు
- మొత్తం ఖాళీలు - 1673
- విభాగాలు - టెక్నికల్ -1277, నాన్ టెక్నికల్ - 184, తెలంగాణ జ్యుడీషియల్ మినిస్టీరియల్, సబార్డినేట్ సర్వీసెస్-212 ఖాళీలు
- పోస్టులను అనుసరించి అర్హతలు ఉంటాయి. కొన్ని పోస్టులకు టెన్త్ అర్హతతోనే దరఖాస్తు చేసుకోవచ్చు. కోర్టు మాస్టర్‌ అండ్ పర్సనల్ సెక్రటేరియస్‌ వంటి పోస్టులకు లా డిగ్రీతో పాటు పని అనుభవం కూడా ఉండాలి.
- ఆన్ లైన్ లో అప్లికేషన్ చేసుకోవాలి.
- దరఖాస్తులు ప్రారంభం - 8 జనవరి 2025.
- దరఖాస్తులకు చివరి తేదీ - 31 జనవరి 2025
- రాత పరీక్షలు - ఏప్రిల్, జూన్ 2025
- ఎంపిక విధానం - రాత పరీక్షలు, స్కిల్ టెస్ట్, ధ్రువపత్రాల ఆధారంగా తుది జాబితా ఉంటుంది.
- అధికారిక వెబ్ సైట్ - https://tshc.gov.in/showChildDocTypes?id=95
సంబంధిత కథనం