Xiaomi Civi 2 । ఐదు కెమెరాలతో షావోమి నుంచి స్టైలిష్ స్మార్ట్‌ఫోన్!-xiaomi civi 2 5g smartphone comes with dual selfie triple rear cameras ,బిజినెస్ న్యూస్
తెలుగు న్యూస్  /  బిజినెస్  /  Xiaomi Civi 2 । ఐదు కెమెరాలతో షావోమి నుంచి స్టైలిష్ స్మార్ట్‌ఫోన్!

Xiaomi Civi 2 । ఐదు కెమెరాలతో షావోమి నుంచి స్టైలిష్ స్మార్ట్‌ఫోన్!

HT Telugu Desk HT Telugu
Sep 29, 2022 03:32 PM IST

షావోమి నుంచి Xiaomi Civi 2 అనే స్మార్ట్‌ఫోన్ విడుదలైంది. ఈ స్మార్ట్‌ఫోన్ వెనకవెపు ట్రిపుల్ కెమెరా, ముందువైపు డ్యుఎల్ కెమెరాలు ఇచ్చారు. ఇది ప్రీమియం ఫీచర్లు కలిగిన మీడియం రేంజ్ ఫోన్, ధరలు ఎలా ఉన్నాయో చూడండి.

Xiaomi Civi 2
Xiaomi Civi 2

చైనీస్ స్మార్ట్‌ఫోన్‌ మేకర్ షావోమి, తాజాగా Xiaomi Civi 2 పేరుతో ఒక సరికొత్త స్మార్ట్‌ఫోన్‌ను విడుదల చేసింది. ఈ హ్యాండ్‌సెట్ పూర్తిగా సరికొత్త డిజైన్‌తో వచ్చింది. అలాగే కొత్త తరం చిప్‌సెట్‌లు, మెరుగైన కెమెరాలతో ప్రీమియం రేంజ్ ఫీచర్లను కలిగి ఉంది. ఇందులో భాగంగా ట్రిపుల్ రియర్ కెమెరాలు, డ్యూయల్ ఫ్రంట్ కెమెరాలు, 5G ​​కనెక్టివిటీ, డాల్బీ అట్మోస్ సపోర్ట్, 67W ఫాస్ట్ ఛార్జింగ్‌ వంటివి ప్రధాన అంశాలుగా చెప్పుకోవచ్చు.

Xiaomi Civi 2 డిజైన్ తమ బ్రాండ్ లోని పాత మోడళ్ల కంటే పూర్తిగా భిన్నంగా ఉన్నప్పటికీ, ఫీచర్ల పరంగా పోల్చి చూస్తే ఈ ఫోన్ Xiaomi 12 Lite 5G NE అలాగే Xiaomi 13 Lite వంటి స్మార్ట్‌ఫోన్‌లకు రీబ్రాండెడ్ వెర్షన్‌గా ఉంది.

Xiaomi 12 సిరీస్ ఫోన్‌ల మాదిరిగానే Xiaomi Civi 2 స్మార్ట్‌ఫోన్‌ వెనుక ప్యానెల్ పై కెమెరా ఐలాండ్ డిజైన్‌తో వచ్చింది. అలాగే ట్రిపుల్ కెమెరా సిస్టమ్‌ను కలిగి ఉంది. ఇందులో 50MP Sony IMX766 ప్రధాన లెన్స్, 20MP IMX376K అల్ట్రా-వైడ్ లెన్స్ , 2MP గెలాక్సీకోర్ GC02M1 మాక్రో సెన్సార్‌ను కలిగి ఉంది. ఇది క్వాడ్-LED ఫ్లాష్ సపోర్ట్‌తో ముందు భాగంలో 32MP + 32MP డ్యూయల్ కెమెరా సెటప్‌ను కలిగి ఉంది.

ర్యామ్, స్టోరేజ్ ఆధారంగా Xiaomi Civi 2 మూడు కాన్ఫిగరేషన్లలో లభిస్తుంది. ఫోన్‌లో హీట్ నియంత్రణ కోసం ప్రత్యేకమైన VC లిక్విడ్ కూలింగ్ సిస్టమ్‌ను కూడా కలిగి ఉంది. మరిన్ని ఫీచర్లు, స్పెక్స్, ధరలు ఎలా ఉన్నాయో ఈ కింద చూడండి.

Xiaomi Civi 2 స్మార్ట్‌ఫోన్‌ ఫీచర్స్, స్పెసిఫికేషన్స్

  • 120Hz రిఫ్రెష్ రేట్ కలిగిన 6.55అంగుళాల ఫుల్ HD+ AMOLED డిస్‌ప్లే
  • 8GB/12 GB RAM (12GB వరకు LPDDR4X RAM)
  • 256 GB/512 GB ఇంటర్నల్ స్టోరేజ్ సామర్థ్యం
  • Qualcomm స్నాప్‌డ్రాగన్ 7 Gen 1 ప్రాసెసర్
  • వెనకవైపు 50 MP+ 20MP +2MP ట్రిపుల్ కెమెరా సెటప్
  • 32MP + 32MP డ్యూయల్ కెమెరా సెల్ఫీ షూటర్‌
  • ఆండ్రాయిడ్ 12 ఆపరేటింగ్ సిస్టమ్
  • 4500 mAh బ్యాటరీ సామర్థ్యం, 67W ఛార్జర్

కనెక్టివిటీ కోసం Wi-Fi , బ్లూటూత్ వెర్షన్ 5.2, GPS/ A-GPS, 4G VoLTE, 5G (SA/NSA), NFC, USB టైప్-C పోర్ట్, యాక్సిలెరోమీటర్, మాగ్నెటోమీటర్, గైరోస్కోప్, IR (ఇన్‌ఫ్రారెడ్) బ్లాస్టర్ , ఇన్-డిస్‌ప్లే ఆప్టికల్ ఫింగర్‌ప్రింట్ రీడర్ మొదలైనవి ఉన్నాయి.

ప్రస్తుతం ఈ స్మార్ట్‌ఫోన్ చైనా మార్కెట్లోకి అందుబాటులోకి వచ్చింది. ధరలను పరిశీలిస్తే..

8 GB RAM, 128 GB స్టోరేజ్ వేరియంట్ ధర- CNY 2,399 (సుమారు రూ. 27,800)

8 GB RAM, 256 GB స్టోరేజ్ వేరియంట్ ధర- CNY 2,499 (సుమారు రూ. 28,500)

12 GB RAM, 256 GB స్టోరేజ్ వేరియంట్ ధర - CNY 2,799 (సుమారు రూ. 32,000)

Xiaomi Civi 2 గ్లోబల్ మార్కెట్లో ఎప్పుడు విడుదల అవుతుందనే దానిపై స్పష్టత లేదు. షావోమి ఆన్‌లైన్ స్టోర్‌ల ద్వారా కొనుగోలు చేయడానికి అందుబాటులో ఉంది.

WhatsApp channel

సంబంధిత కథనం