Mutual fund SIPs : దీపావళి బోనస్​ని ఈ మ్యూచువల్​ ఫండ్స్​​లో పెడితే-లాభాలెన్నో!

Top 10 performing Mutual funds : దేశంలో పండుగ సీజన్​ జోరుగా నడుస్తోంది. గణేశ్​ చతుర్థి, దసరా అయిపోయాయి. ఇక దీపావళి కోసం ప్రజలు ఎదురుచూస్తున్నాయి. సహజంగా దీపావళికి చాలా మందికి బహుమతులు అందుతూ ఉంటాయి. కొన్ని కంపెనీలు.. ఉద్యోగులకు బోనస్​లు కూడా ఇస్తూ ఉంటాయి. మరి ఆ నగదును మ్యూచువల్​ ఫండ్​లో పెట్టొచ్చు కదా! మ్యూచువల్​ ఫండ్స్​లో సిప్​ ఆధారంగా పెట్టుబడులు పెడితే దీర్ఘకాలంలో మంచి రిటర్నులు వస్తాయని అందరికీ తెలిసిందే. కానీ చాలా మంది మ్యూచువల్​ ఫండ్స్​లో పెట్టుబడి పెట్టరు. కొందరు పెట్టుబడి చేద్దామని, సమయం కుదరకో లేదా డబ్బులు లేకో పోస్ట్​పోన్​ చేస్తూ ఉంటారు. మీరు మ్యూచువల్​ ఫండ్స్​లో పెట్టుబడులు పెట్టేందుకు.. ఈ దీపావళి సరైన సమయం. మీ బోనస్​​ను మంచి మ్యూచువల్​ ఫండ్​లె పెట్టండి.

మ్యూచువల్​ ఫండ్​ సహీ హే..!

వాస్తవానికి రూ. 500తోనే ఒక మ్యూచువల్​ ఫండ్​ మొదలుపెట్టొచ్చు. అయితే మినిమం అమౌంట్​ అనేది ఒక్కో మ్యూచువల్​ ఫండ్​ స్కీమ్​కు ఒక్కో విధంగా ఉంటుంది. ఇలా నెలవారీ పెట్టుబడల ద్వారా మదుపర్లలో క్రమశిక్షణ పెరుగుతుంది. డబ్బు విషయంలో క్రమశిక్షణ ఎంత అవసరమో అందరికి తెలిసిందే.

Mutual fund SIPs : "దీపావళి అంటే ఫెస్టివల్​ ఆఫ్​ లైట్స్​. కుటుంబాలు ఒక్కచోట చేరి పండుగ చేసుకుంటాయి. బోనస్​ల రూపంలో ఉద్యోగులకు అదనపు నగదు అందుతుంది. పెద్దలు, పిల్లలకు వస్తువులను గిఫ్ట్​గా ఇస్తూ ఉంటారు. డబ్బు ఖర్చు చేస్తే ఆనందం వస్తుంది. కానీ అదే డబ్బుతో చాలా చేయవచ్చు. మ్యూచువల్​ ఫండ్​లో సిప్​ ద్వారా పెట్టుబడి పెడితే.. మంచి రిటర్నులు వచ్చే ఆస్కారం ఉంటుంది," అని ఫైయర్స్​ రీసెర్చ్​ హెడ్​ గోపాల్​ కవలిరెడ్డి పేర్కొన్నారు.

ఇండియాలో ఈక్విటీ ఇన్​వెస్ట్​మెంట్లు పెరుగుతున్నాయి. డీమ్యాట్​ ఖాతాల సంఖ్య ఇప్పటికే రూ. 10కోట్లు దాటిపోయింది. అధికారిక లెక్కల ప్రకారం.. ఎఫ్​వై22లో 2.66కోట్ల కొత్త సిప్​లు పుట్టుకొచ్చాయి. ఇక ఎఫ్​వై23లోని తొలి ఆరు నెలల్లో ఆ సంఖ్య 1.21కోట్లు దాటిపోయింది.

Top performing Mutual funds : ఈక్విటీ పెట్టుబడులు అంటే రిస్క్​తో కూడుకున్న విషయమే. ఈ ఏడాది స్టాక్​ మార్కెట్లు తీవ్ర ఒడిదొడుకులకు గురయ్యాయి. ఈ ఏడాదిలో ఇప్పటివరకు నిఫ్టీ50.. మైనస్​ 4.8శాతం రిటర్నులు ఇచ్చింది. నిఫ్టీ మిడ్​క్యాప్​ సూచీ 3.3శాతం నెగిటివ్​లో ఉంది. ఇక స్మాల్​ క్యాప్​ ఇండెక్స్​ 17.1శాతం మైనస్​లో ఉంది.

ఇన్ని ప్రతికూలతలు ఉన్నా.. టాప్​ పర్ఫార్మింగ్​ మ్యూచువల్​ ఫండ్స్​.. మంచి రిటర్నులు తెచ్చిపెట్టాయి. అందుకే నెలవారీగా మ్యూచువల్​ ఫండ్స్​లో పెట్టుబడులు పెట్టడం ఉపయోగకరం అని నిపుణులు చెబుతున్నారు.

టాప్​ 10 మ్యూచువల్​ ఫండ్స్​ (ఫైయర్స్​ లిస్ట్​):-

2021 అక్టోబర్​- 2022 అక్టోబర్​ 11 డేటా..

• మోతీలాల్​ ఒస్వాల్​ మిడ్​క్యాప్​ ఫండ్​:- యీల్డ్​- 12.9శాతం, సీఏజీఆర్​- 29.5శాతం.
• నిప్పాన్​ ఇండియా కన్సంప్షన్​ ఫండ్​:- యీల్డ్​- 12.5శాతం, సీఏజీఆర్​- 28.4శాతం.
• ఎస్​బీఐ కన్సంప్షన్​ ఆప్​ ఫండ్​:- యీల్డ్​ 10.7శాతం, సీఏజీఆర్​- 24.1శాతం.
• ఎస్​బీఐ స్మాల్​ క్యాప్​ ఫండ్​:- యీల్డ్​ 10.7శాతం, సీఏజీఆర్-​ 22.4శాతం.
• ఐసీఐసీఐ ప్రు ఇన్​ఫ్రాస్ట్రక్చర్​ ఫండ్​:- యీల్డ్​ 9.7శాతం, సీఏజీఆర్​- 21.7శాతం.
• హెచ్​డీఎఫ్​సీ ఇన్​ఫ్రాస్ట్రక్చర్​ ఫండ్​:- యీల్డ్​ 9.6శాతం, సీఏజీఆర్​- 21.4శాతం.
• క్వాంట్​ ఈఎస్​జీ ఈక్విటీ ఫండ్​:- యీల్డ్​ 9.5శాతం, సీఏజీఆర్​ 21.3శాతం.
• ఐసీఐసీఐ ప్రూ ఎఫ్​ఎంసీజీ ఫండ్​:- యీల్డ్​ 9.5శాతం, సీఏజీఆర్​ 21.1శాతం,
• నిప్పాన్​ ఇండియా మల్టీక్యాప్​ ఫండ్​:- యీల్డ్​ 9.4శాతం, సీఏజీఆర్​ 21శాతం.
• క్వాంట్​ క్వాంటమెంటల్​ ఫండ్​:- యీల్డ్​ 9.2శాతం, సీఏజీఆర్​ 20.5శాతం.

*యూల్డ్​ అంటే.. పెట్టుబడులపై వడ్డీ, డివిడెండ్ల ద్వారా మదుపర్లకు వచ్చిన ఆదాయం.

*సీఏజీఆర్​ అంటే.. ఒక కాల వ్యవధికి.. పెట్టుబడి వార్షిక వృద్ధి రేటు.

(గమనిక: ఇవి కేవలం నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఎవైనా పెట్టుబడులు పెట్టే ముందు మీ ఫైనాన్షియల్​ ఎడ్వైజర్​ను సంప్రదించడం శ్రేయస్కరం.)