వాట్సాప్​ నుంచి మరో బిగ్​ అప్డేట్​- ఇక మెసేజ్​లను 'ట్రాన్స్​లేట్​' చేసుకోవచ్చు!

యూజర్స్​కి ఎప్పటికప్పుడు కొత్త కొత్త ఫీచర్స్​ని తీసుకొచ్చే వాట్సాప్​ నుంచి మరో బిగ్​ అప్డేట్​ రాబోతోంది! మేసేజ్​ ట్రాన్స్​లేషన్​ ఫీచర్​పై సంస్థ పనిచేస్తోంది. ఇది ఇప్పటికే ఆండ్రాయిడ్​ స్మార్ట్​ఫోన్స్​లోని వాట్సాప్​ బీటా వర్షెన్​లో అందుబాటులోకి వచ్చింది. ఈ నేపథ్యంలో ఈ కొత్త వాట్సాప్ ‘ట్రాన్స్​లేట్​ మెసజ్​’​​ ఫీచర్​పై ఇప్పటివరకు ఉన్న వివరాలను ఇక్కడ తెలుసుకోండి..

వాట్సాప్​ మేసేజ్​ ట్రాన్స్​లేషన్​ ఫీచర్​..

ఈ వాట్సాప్​ మేసేజ్​ ట్రాన్స్​లేషన్​ ఫీచర్​ ప్రస్తుతం టెస్టింగ్​ దశలో ఉంది. వాట్సాప్​ లేటెస్ట్​ బీటా వర్షెన్​లో.. ఆటోమెటిక్​ ఆన్​-డివైజ్​ మెసేజ్​ ట్రాన్స్​లేషన్స్​ కోసం సెట్టింగ్స్​లో కొత్త ఆప్షన్​ కనిపించింది. వాస్తవానికి వాట్సాప్​లో మెసేజెస్​కి ఎండ్​-టు-ఎండ్​ ఎన్​క్రిప్షన్​ ఉంటుంది. అందువల్ల ఈ కొత్త 'ట్రాన్స్​లేట్​ మెసేజ్​' ఫీచర్​ కంపెనీ సర్వర్ల దగ్గర కాకుండా, యూజర్ల స్మార్ట్​ఫోన్స్​లోనే మెసేజ్​ల భాష మారుతాయి. దానికన్నా ముందు వివిధ లాంగ్వేజ్​ ప్యాక్స్​ని డౌన్​లోడ్​ చేసుకోవాలని, వాటిల్లో నుంచి ఒకటి ఎంచుకుని మేసేజ్​లను ట్రాన్స్​లేట్​ చేయాలని వాట్సాప్​ యూజర్లను కోరుతుంది. ఈ లాంగ్వేజ్​ ప్యాక్స్​ ఆఫ్​లైన్​ ఆప్షన్​తో వస్తాయి. ఫలితంగా ఆఫ్​లైన్​లో మెసేజ్​లు ట్రాన్స్​లేట్​ అవుతాయి.

ఆండ్రాయిడ్​ 2.25.12.25లో వాట్సాప్​ బీటాని అప్డేట్​ చేసిన తర్వాత బీటా టెస్టర్లకు ఈ 'ట్రాన్స్​లేట్​ మెసేజ్​' ఫీచర్​ కనిపించింది. చాట్​ లాక్​ సెట్టింగ్​ కింద కొత్త టాగిల్​ వచ్చింది. ఫీచర్​ ట్రాకర్​ వాబీటాఇన్​ఫో ప్రకారం గతేడాది జులై నుంచే ఈ తరహా ఫీచర్​ను వాట్సాప్​ టెస్ట్​ చేస్తంది. వాట్సాప్​ ఛాట్స్​తో పాటు వాట్సాప్​ ఛానెల్స్​లో కూడా ఈ ఫీచర్​ అందుబాటులోకి వస్తుంది.

ఈ ఫీచర్​ అందుబాటులోకి వచ్చిన తర్వాత.. సంబంధిత చాట్స్​లో యూజర్లు ట్రాన్స్​లేట్​ మెసేజ్​ టాగిల్​ని ఎనేబుల్​ చేయాలి. ఎనేబుల్​ చేసిన తర్వాత, లాంగ్వేజ్​ ప్యాక్​లో నుంచి భాషను ఎంచుకోవాలి. ప్రస్తుతం ఈ లాంగ్వేజ్​ ప్యాక్​లో స్పానిష్​, అరబిక్​, పోర్చ్యుగీస్​, హిందీ, రష్యన్​ భాషలు ఉన్నాయి. రానున్న కాలంలో అనేక భాషలను ఇందులో జోడించవచ్చు.

మొత్తం అన్ని చాట్స్​కి లేదా ఒక్కో చాట్​ని ఈ కొత్త ఫీచర్​ ద్వారా ట్రాన్స్​లేట్​ చేయవచ్చు. ఇందుకోసం ట్రాన్స్​లేట్​ ఆప్షన్​ని క్లిక్​ చేయాలి. ఈ ఫీచర్​ డీఫాల్ట్​గా డిసెబుల్​ చేసి ఉంటుంది. యాప్​ సెట్టింగ్స్​ నుంచి దీనిని మేనేజ్​ చేసుకోవచ్చు.

వాట్సాప్​లో వస్తున్న తొలి ఆన్​-డివైజ్​ లాంగ్వేజ్​ ఫీచర్​ ఇది కాదు! కొన్ని నెలల క్రితమ వాయిస్​ నోట్​ ట్రాన్స్​క్రిప్షన్​ని వాట్సాప్​ తీసుకొచ్చింది. ఆడియో మెసేజ్​లకు ఇది ట్రన్స్​స్క్రైబ్స్​ని ఇస్తుంది. ఈ ఫీచర్​కి కూడా లాంగ్వేజ్​ ప్యాక్​ అవసరం. యూజర్​ డివైజ్​లో ఈ ప్యాక్​ని డౌన్​లోడ్​ చేసుకోవాలి. ఆ తర్వాత ట్రాన్స్​క్రిప్షన్స్​ అనేవి ఆన్​-డివైజ్​లో జరుగుతాయి.

ఈ ఫీచర్​ ఎప్పుడు అందుబాటులోకి వస్తుంది? అన్న విషయంపై సంస్థ ఇంకా స్పందించలేదు. కానీ ఇంగ్లీష్​ పాటు ఇతర భాషలు అర్థం కాని వారికి, వారి సొంత భాషల్లో మెసేజ్​లను ట్రాన్స్​లేట్​ చేసుకుని చదవడానికి ఈ ఫీచర్​ చాలా ఉపయోగకరంగా ఉంటుంది.