Walt Disney layoffs : వాల్ట్​ డిస్నీలో ఉద్యోగాల కోత.. రిక్రూట్​మెంట్​ నిలిపివేత!

Walt Disney layoffs : ఆర్థిక అనిశ్చితి వెంటాడుతున్న నేపథ్యంలో.. వాల్ట్​ డిస్నీ కంపెనీ కీలక నిర్ణయం తీసుకుంది. హైరింగ్​ ప్రక్రియను నిలిపివేయడంతో పాటు సంస్థలోని కొందరు ఉద్యోగులను తొలగించేందుకు సిద్ధపడింది. డిస్నీ+ స్ట్రీమింగ్​ సర్వీసును లాభాల బాట పట్టించేందుకు ఈ నిర్ణయం తీసుకుంటున్నట్టు ఒక మెమోను విడుదల చేసింది సంస్థ.

కాస్ట్​ కటింగ్​ పేరుతో..

డిస్నీ డివిజన్​ లీడర్స్​కు.. ఈ మెమోను పంపించారు సంస్థ సీఈఓ బాబ్​ చాపెక్​. కాస్ట్​ కటింగ్​ కోసం.. టార్గెటెడ్​ హైరింగ్​ని ఫ్రీజ్​ చేస్తున్నట్టు, సిబ్బందిని తగ్గించుకోనున్నట్టు.. ఆ మెమోలో ఆయన పేర్కొన్నారు.

"కొన్ని పరిస్థితులు మా నియంత్రణలో లేవు. కానీ వీటిని దృష్టిలో పెట్టుకోవాల్సిన అవసరం ఉంది. అందుకే లక్ష్య సాధన కోసం.. మా చేతుల్లో ఉన్న అంశాలను నియంత్రించేందుకు ప్రయత్నిస్తాము. ముఖ్యంగా మా ఖర్చులను తగ్గించుకుంటాము," అని ఆ మెమోలో ఉంది. ముఖ్యమైన పోస్టుల భర్తీ కోసమే రిక్రూట్​మెంట్​ ప్రక్రియ ఉంటుందని తెలుస్తోంది.

Walt Disney job cuts : కాస్ట్​ కటింగ్​ ప్రక్రియతో క్వాలిటీ తగ్గదని చాపెక్​ అన్నారు. బిజినెస్​ ట్రావెల్​ను కూడా తగ్గించేస్తున్నట్టు.. ట్రిప్స్​ విషయంలో ముందస్తు ఆమోదం పొందాలని స్పష్టం చేశారు. సంస్థ భవిష్యత్తు కోసం ఈ నిర్ణయాలు తీసుకుంటున్నట్టు తెలిపారు.

ప్రస్తుత త్రైమాసిక ఫలితాల సీజన్​లో.. వాల్ట్​ డిస్నీ ఆదాయం అంచనాలను తప్పింది. స్ట్రీమింగ్​ సర్వీసులో భారీ నష్టాలను చూస్తోంది సంస్థ. మంగళవారం సాయంత్రం ఫలితాలు వెలువడగా.. బుధవారం ట్రేడింగ్​ సెషన్​లో డిస్నీ స్టాక్​ 13శాతం మేర పతనమైంది.

డిస్నీ స్ట్రీమింగ్​ ఖర్చులపై వాల్​ స్ట్రీన్​ నిపుణులు ఆందోళన వ్యక్తం చేస్తున్నారు. స్ట్రీమింగ్​ సర్వీసులతో మదుపర్లకు నష్టం రాదని.. సంస్థ నిరూపించుకోవాల్సిన సమయం వచ్చిందని నిపుణులు అభిప్రాయపడుతున్నారు.

ఐటీలో ఉద్యోగాల కోత..

Meta layoffs 2022 : అమెరికా ఐటీ రంగం నుంచి ఉద్యోగాల కోత వార్తలు భారీగా వినిపిస్తున్నాయి. మెటా వంటి దిగ్గజ సంస్థలు త్రైమాసిక ఫలితాలు అంచనాలను తప్పుతున్నాయి. ఫలితంగా కాస్ట్​ కటింగ్​పై ఎక్కువ దృష్టి సారించాయి కంపెనీలు. ఈ నేపథ్యంలో సంస్థ నుంచి 11వేల మందిని తొలగిస్తున్నట్టు మెటా ఇటీవలే ప్రకటించింది. మొత్తం సిబ్బందిలో ఇది 13శాతంగా ఉండటం గమనార్హం.

Twitter layoffs 2022 : ఇక ట్విట్టర్​ను సొంతం చేసుకున్న అపర కుబేరుడు ఎలాన్​ మస్క్​.. వస్తూనే భారీ మొత్తంలో ఉద్యోగులను తీసేశారు. ట్విట్టర్​ ఇండియాలో 90శాతం మందిని తప్పించినట్టు ఓ నివేదిక బయటకొచ్చింది. సంస్థ వృద్ధికి కఠిన నిర్ణయాలు తప్పవని ఆయన అంటున్నారు.