Premium SUV : స్పోర్టీ లుక్స్​తో వోక్స్​వ్యాగన్​ కొత్త ఎస్​యూవీ- ధర ఎంతంటే..

మచ్​ అవైటెడ్​ టిగువాన్ ఆర్-లైన్ ఎస్​యూవీని భారతదేశంలో రూ .49 లక్షలకు (ఎక్స్-షోరూమ్- ఇంట్రొడక్టరీ) వోక్స్​వ్యాగన్ ఇండియా విడుదల చేసింది. కొన్ని రోజుల క్రితం జర్మన్ ఆటో తయారీదారు భారత పోర్ట్ఫోలియో నుంచి నిలిపివేసిన మునుపటి వోక్స్​వ్యాగన్ టిగువాన్ స్థానాన్ని ఈ స్పోర్టీ ఎస్​యూవీ భర్తీ చేయనుంది. కొత్త వోక్స్​వ్యాగన్​ టిగువాన్ ఆర్-లైన్ ఎస్​యూవీ అనేక కాస్మెటిక్ అప్డేట్లు, ఫీచర్లతో వస్తుంది. కంప్లీట్లీ బిల్ట్ యూనిట్ (సీబీయూ) మార్గం ద్వారా ఇది ఇండియాకు రానుంది. పూర్తి వివరాలు..

వోక్స్​వ్యాగన్​ టిగువాన్​ ఆర్​-లైన్​..

వోక్స్ వ్యాగన్ గోల్ఫ్ జీటీఐతో పాటు వోక్స్ వ్యాగన్ టిగువాన్ ఆర్-లైన్​ను విక్రయించనున్నారు. ఈ స్పోర్టీ ప్రీమియం ఎస్​యూవీని వాహన తయారీ సంస్థ అధికారిక వెబ్సైట్​తో పాటు ఫిజికల్ సేల్స్ ఔట్​లెట్స్​లో బుక్ చేసుకోవచ్చు. అయితే, రాబోయే వోక్స్​వ్యాగన్ గోల్ఫ్ జీటీఐ హాట్ హ్యాచ్ మాత్రం కంపెనీకి చెందిన ఆన్​లైన్ సేల్స్ ఛానల్ ద్వారా మాత్రమే సేల్​లో ఉంటుంది.

వోక్స్​వ్యాగన్ టిగువాన్ ఆర్-లైన్: ఎక్స్​టీరియర్

వోక్స్​వ్యాగన్ టిగువాన్ ఆర్-లైన్ స్పోర్టీ డిజైన్​తో వస్తుంది. ఎంక్యూబీ ఇవో ప్లాట్​ఫామ్​ అప్డేటెడ్ వెర్షన్ ఆధారంగా నిర్మించిన వోక్స్​వ్యాగన్​ టిగువాన్ ఆర్-లైన్ అనేక కాస్మెటిక్ అప్డేట్స్​ని పొందుతుంది. అనేక ప్రీమియం ఫీచర్లతో వస్తుంది ఈ ఎస్​యూవీ. పెర్సిమోన్ రెడ్ మెటాలిక్, సిప్రెసినో గ్రీన్ మెటాలిక్ వంటి ఆరు విభిన్న కలర్ ఆప్షన్లలో అందుబాటులో ఉంటుంది.

వోక్స్​వ్యాగన్ టిగువాన్ ఆర్-లైన్ మొత్తం సిల్హౌట్ ప్రీమియం ఎస్​యూవీ స్టాండర్డ్ వెర్షన్​ను పోలి ఉంటుంది. డ్యూయెల్ ఎల్ఈడీ ప్రొజెక్టర్ హెడ్ ల్యాంప్స్, లార్జ్ రేడియేటర్ గ్రిల్, ఆర్ బ్యాడ్జీలు, స్పోర్టీ బంపర్లు, వివిధ డిజైన్లతో పెద్ద 19 ఇంచ్​ అల్లాయ్ వీల్స్, కనెక్టెడ్ ఎల్ఈడీ టెయిల్ లైట్స్ వంటి డిజైన్ ఎలిమెంట్స్ ఇందులో ఉన్నాయి.

వోక్స్​వ్యాగన్ టిగువాన్ ఆర్-లైన్:

క్యాబిన్ లోపల ఇంటీరియర్, వోక్స్​వ్యాగన్ టిగువాన్ ఆర్-లైన్​లో రీవ్యాంప్డ్​ ఏసీ వెంట్​లు, ప్రత్యేక ఆర్ లోగోతో పెద్ద 10.25-ఇంచ్​ కస్టమైజబుల్ డిజిటల్ కాక్​పిట్ ఇన్​స్ట్రుమెంట్ క్లస్టర్, వైర్​లెస్ యాపిల్ కార్​ప్లే, ఆండ్రాయిడ్ ఆటోతో కూడిన 15-ఇంచ్​ టచ్​స్క్రీన్ ఇన్ఫోటైన్​మెంట్ సిస్టెమ్, లెవల్ 2 ఏడీఏఎస్, హెడ్-అప్ డిస్​ప్లే (హెచ్​యూడీ), డ్రైవ్ సెలెక్టర్ స్విచ్, 8-స్పీకర్ ఆడియో సిస్టెమ్, వైర్​లెస్ ఛార్జింగ్ మొదలైనవి ఉంటాయి.

వోక్స్​వ్యాగన్ టిగువాన్ ఆర్-లైన్: ఇంజిన్​..

సరికొత్త వోక్స్​వ్యాగన్ టిగువాన్ ఆర్-లైన్ ఎస్​యూవీలో 2.0-లీటర్ టర్బోఛార్జ్​డ్ పెట్రోల్ ఇంజిన్ ఉంటుంది. ఇది 7-స్పీడ్ డ్యూయల్ క్లచ్ డీఎస్​జీ ఆటోమేటిక్ గేర్​బాక్స్​తో కనెక్ట్​ చేసి ఉంటుంది. ఆటోమేకర్ 4 మోషన్ ఏడబ్ల్యూడీ సిస్టెమ్ ద్వారా నాలుగు చక్రాలకు పవర్ అందుతుంది. ఈ ఇంజిన్ గరిష్టంగా 201బీహెచ్​పీ పవర్, 320ఎన్ఎమ్ పీక్​ టార్క్​ని జనరేట్​ చేస్తుంది. హైస్పీడ్ సమయంలో మెరుగైన స్థిరత్వం కోసం డైనమిక్ ఛాసిస్ కంట్రోల్ టెక్నాలజీ కూడా ఈ ఎస్​యూవీలో ఉంటుంది.