ఏఐ ఫీచర్లు, బడా బ్యాటరీ- రూ. 25వేల ధరలోపు బెస్ట్​ స్మార్ట్​ఫోన్​ ఇది..

రూ. 25వేల ధరలోపు కొత్త స్మార్ట్​ఫోన్​ కొనాలని ప్లాన్​ చేస్తున్నారా? అయితే ఇది మీకోసమే! వివో సంస్థ నుంచి మిడ్​ రేంజ్​ సెగ్మెంట్​లో కొత్త గ్యాడ్జెట్​ తాజాగా లాంచ్​ అయ్యింది. దాని పేరు వివో వై400 ప్రో. ఇదొక 5జీ స్మార్ట్​ఫోన్​. ఇందులో బడా బ్యాటరీతో పాటు అనేక ఫీచర్స్​ లభిస్తున్నాయి. వాటి వివరాలను ఇక్కడ తెలుసుకుందాము..

వివో వై400 ప్రో 5జీ- ధర, లభ్యత..

వివో Y400 ప్రో 5G 8GB ర్యామ్- 128GB స్టోరేజ్ మోడల్ ధర రూ. 24,999. అలాగే, 256GB స్టోరేజ్‌తో కూడిన హై-ఎండ్ వేరియంట్ రూ. 26,999కి లభిస్తుంది. ఈ పరికరాన్ని వివో ఇండియా వెబ్‌సైట్ ద్వారా ముందస్తు ఆర్డర్ చేసుకోవచ్చు. జూన్ 27 నుంచి వివో అధికారిక సైట్, ఫ్లిప్‌కార్ట్, అమెజాన్​తో పాటు ఎంపిక చేసిన రిటైల్ స్టోర్లలో ఈ ఫోన్ అమ్మకానికి అందుబాటులో ఉంటుంది. కస్టమర్‌లు ఫ్రీస్టైల్​ వైట్, ఫెస్ట్ గోల్డ్, నెబ్యులా పర్పుల్ అనే మూడు ఆకర్షణీయమైన రంగులలో ఎంచుకోవచ్చు.

వివో వై400 ప్రో 5జీ- ఫీచర్లు..

వివో వై400 ప్రో 5G స్మార్ట్​ఫోన్​లో మీడియాటెక్ డైమెన్సిటీ 7300 చిప్‌సెట్ ఉంది. ఇది 4ఎన్​ఎం ఆక్టా-కోర్ ప్రాసెసర్. దీనికి 8జీబీ LPDDR4X ర్యామ్ కనెక్ట్​ చేసి ఉంటుంది. అలాగే, ఇందులో 256జీబీ వరకు యూఎఫ్​ఎస్​ 3.1 స్టోరేజ్ ఉంటుంది. ఇది ఆండ్రాయిడ్ 15 ఆధారిత ఫన్​టచ్​ఓఎస్​ 15పై పనిచేస్తుంది.

ఈ పరికరంలో 6.77 ఇంచ్​ ఫుల్-హెచ్‌డీ+ అమోలెడ్ డిస్​ప్లే ఉంది. ఇది 3డీ కర్వ్డ్ డిజైన్‌తో వస్తుంది. ఈ డిస్​ప్లే 120హెచ్​జెడ్​ రిఫ్రెష్ రేట్, 300హెచ్​జెడ్​ టచ్ శాంప్లింగ్ రేట్​కి మద్దతు ఇస్తుంది. అంతేకాకుండా, ఇది 4,500 నిట్స్ పీక్ బ్రైట్‌నెస్​ని కలిగి ఉండటంతో, ప్రకాశవంతమైన పరిస్థితుల్లో కూడా స్పష్టమైన వీక్షణను అందిస్తుంది. నెబ్యులా పర్పుల్ ఎడిషన్ కేవలం 7.49ఎంఎం మందంతో, కర్వ్డ్ డిస్​ప్లేను అందించే స్లిమ్మెస్ట్ స్మార్ట్‌ఫోన్‌గా వివో పేర్కొంది.

కెమెరా విషయానికి వస్తే, ఈ స్మార్ట్​ఫోన్‌లో డ్యూయల్ రేర్ కెమెరా సెటప్ ఉంది. ఇందులో f/1.79 అపెర్చర్‌తో కూడిన 50ఎంపీ సోనీ ఐఎంఎక్స్​882 సెన్సార్​తో పాటు 2ఎంపీ డెప్త్ సెన్సార్ ఉన్నాయి. ముందు భాగంలో f/2.45 అపెర్చర్‌తో కూడిన 32ఎంపీ సెల్ఫీ కెమెరా ఉంది. ముందు, వెనుక కెమెరాలు రెండూ 4కే వీడియో రికార్డింగ్‌కు మద్దతు ఇస్తాయి. వినియోగదారులకు హై-రిజల్యూషన్ చిత్రాలు, వీడియోలు తీసే సామర్థ్యాన్ని అందిస్తాయి.

వివో వై400 ప్రో ఏఐ-ఆధారిత ఇమేజింగ్ ఫీచర్లు, ఏఐ ఫోటో ఎన్‌హాన్స్, ఏఐ ఎరేజ్ 2.0 వంటి వాటితో వస్తుంది. ఉత్పాదకత కోసం, ఏఐ నోట్ అసిస్ట్, ఏఐ ట్రాన్‌స్క్రిప్ట్ అసిస్ట్, ఏఐ స్క్రీన్ ట్రాన్స్​లేలేషన్, ఏఐ సూపర్‌లింక్ వంటి టూల్స్ ఉన్నాయి. ప్రత్యేకంగా, ఇది గూగుల్​కు చెందిన సర్కిల్ టు సెర్చ్ ఫంక్షనాలిటీకి కూడా మద్దతు ఇస్తుంది.

ఈ వివో వై400 ప్రో 5జీలో 5,500ఎంఏహెచ్​ బ్యాటరీ పవర్​ని అందిస్తుంది. 90వాట్​ వైర్డ్​ ఫాస్ట్ ఛార్జింగ్‌కు మద్దతు ఇవ్వడంతో, తక్కువ సమయంలోనే వేగంగా ఛార్జ్ అవుతుంది. కనెక్టివిటీ ఫీచర్లలో డ్యూయల్-సిమ్ 5జీ సపోర్ట్, 4జీ ఎల్​టీఈ, వైఫై, బ్లూటూత్ 5.4, జీపీఎస్​, ఓటీజీ, యూఎస్​బీ టైప్-సీ పోర్ట్ ఉన్నాయి. ఈ ఫోన్ వాటర్​ అండ్​ డస్ట్​ రెసిస్టెన్స్​ కోసం IP65 రేటింగ్‌ను కూడా కలిగి ఉంది.