Vivo T4x 5G : వివో నుంచి మరో బడ్జెట్​ ఫ్రెండ్లీ స్మార్ట్​ఫోన్​- ఈసారి అతిపెద్ద బ్యాటరీతో..

దిగ్గజ స్మార్ట్​ఫోన్​ తయారీ సంస్థ వివో నుంచి సరికొత్త బడ్జెట్​ ఫ్రెండ్లీ గ్యాడ్జెట్​ ఇండియాలో లాంచ్​కు రెడీ అవుతోంది. ఈ వివో టీ4ఎక్స్​ స్మార్ట్​ఫోన్​ ఇంకొన్ని రోజుల్లో ఇండియాలో లాంచ్​ చేయనుంది సంస్థ. దీనికి సంబంధించిన టీజర్స్​ని వదులుతోంది. అంతేకాదు, లాంచ్​ని ధ్రువీకరిస్తూ.. ఈ కామర్స్​ ప్లాట్​ఫామ్​ ఫ్లిప్​కార్ట్​లో సేల్స్​కి సంబంధించిన వివరాలను కూడా పంచుకుంది. ఈ నేపథ్యంలో ఈ వివో టీ4ఎక్స్​ 5జీ స్మార్ట్​ఫోన్​ వివరాలను ఇక్కడ తెలుసుకోండి..

వివో టీ4ఎక్స్ 5జీ లాంచ్..

వివో తన రాబోయే టీ4ఎక్స్​ 5జీ స్మార్ట్​ఫోన్​ని మార్చ్​లో లాంచ్ చేయనుంది. అయితే అధికారికంగా లాంచ్ తేదీని ప్రకటించాల్సి ఉంది. రూ.15,000 లోపు ధర కలిగిన ఈ స్మార్ట్​ఫోన్.. సెగ్మెంట్​లోనే భారీ బ్యాటరీ ప్యాక్​తో వస్తోంది. గత సంవత్సరం, వివో టీ3ఎక్స్ 5జీ 6000 ఎంఏహెచ్ బ్యాటరీని కలిగి ఉంది. కాబట్టి, కొత్త తరం గ్యాడ్జెట్​ ఊహించిన విధంగా పెద్ద బ్యాటరీతో రావొచ్చు. వివో టీ4ఎక్స్ 5జీ కోసం ఫ్లిప్​కార్ట్​ మైక్రోసైట్​పై ఒక ఫుట్ నోట్ ఈ స్మార్ట్​ఫోన్ 6500 ఎంఏహెచ్ బ్యాటరీతో రావచ్చని వెల్లడించింది. అయితే ఈ విషయాన్ని అధికారికంగా ధృవీకరించలేదు.

పెద్ద బ్యాటరీతో పాటు ఈ స్మార్ట్​ఫోన్ కొనుగోలుదారులను ఆకట్టుకునే కొన్ని ఆసక్తికరమైన ఏఐ ఫీచర్లను కూడా అందించనుంది. చివరిగా.. వివో టీ4ఎక్స్ 5జీ వివో అధికారిక సైట్, ఇతర రిటైల్ స్టోర్లలో విక్రయించనున్నట్టు సంస్థ ధ్రువీకరించింది.

వివో టీ4ఎక్స్ 5జీ: స్పెసిఫికేషన్లు, ఫీచర్లు..

వివో టీ4ఎక్స్ 5జీ మీడియాటెక్ డైమెన్సిటీ 7300 ప్రాసెసర్​తో పర్ఫార్మెన్స్​ని బూస్ట్ పొందుతుందని భావిస్తున్నారు. యాంటు బెంచ్​మార్క్​లో ఈ ప్రాసెసర్ 7,28,000 పాయింట్లను సాధించింది. ఈ స్మార్ట్​ఫోన్​.. వివో వై58 మాదిరిగానే కెమెరా మాడ్యూల్ సమీపంలో డైనమిక్ లైట్​ని కలిగి ఉంటుందని ప్రచారం జరుగుతోంది. చివరగా, ఇది ప్రోంటో పర్పుల్, మెరైన్ బ్లూ అనే రెండు కలర్ వేరియంట్లలో లాంచ్ కానుంది. ఇప్పుడు, ఈ స్పెసిఫికేషన్లను ధృవీకరించడానికి, బడ్జెట్​ స్మార్ట్​ఫోన్స్​వైపు చూసే తన కొనుగోలుదారుల కోసం ఏం రెడీ చేస్తోందో తెలుసుకోవడానికి అధికారిక లాంచ్ వరకు వేచి చూడాల్సిందే!

వివో వీ50 కూడా..!

వివో సంస్థ మంచి జోరు మీద ఉంది. వరుసపెట్టి లాంచ్​లను సిద్ధం చేస్తోంది. వివో వీ50ని ఇండియాలో లాంచ్​ చేస్తున్నట్టు దిగ్గజ స్మార్ట్​ఫోన్​ తయారీ సంస్థ స్పష్టం చేసింది. ఇప్పటికే మార్కెట్​లో ఉన్న వివో వీ40కి ఇది అప్డేటెడ్​ వర్షెన్​గా రాబోతోంది. పూర్తి వివరాల కోసం ఇక్కడ క్లిక్​ చేయండి.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..