వివో నుంచి రానున్న ఫీచర్ ప్యాక్డ్ బడ్జెట్ ఫోన్‌.. అదే.. వివో వై19 5జీ!

టెక్ కంపెనీ వివో త్వరలో కొత్త ఫోన్‌ను భారత్‌లోకి తీసుకురానుంది. వివో ఇండియా వెబ్‌సైట్‌లో ఈ డివైజ్ కనిపించినందున వివో త్వరలోనే వివో వై 19 5జీని భారత మార్కెట్లో ప్రకటించనున్నట్లు తెలుస్తోంది. అయితే ఈ ఫోన్ లాంచ్‌కు సంబంధించి వివో ఇంకా ఎటువంటి అధికారిక పోస్టర్‌ను విడుదల చేయలేదు. కంపెనీ దీనిని రహస్యంగా ప్రదర్శించవచ్చని తెలుస్తోంది.

డిజైన్ విషయానికి వస్తే ఇది వివో వై19ఈలో మనం చూసిన విధంగానే కనిపిస్తుంది. ఇందులో ఫీచర్ల గురించి తెలుసుకుందాం.

స్పెసిఫికేషన్లు

1600 × 720 పిక్సెల్స్ రిజల్యూషన్‌తో 6.74 అంగుళాల ఎల్ఈడీ డిస్‌ప్లేను కలిగి ఉంది. 90 హెర్ట్జ్ రిఫ్రెష్ రేట్, 700 నిట్స్ గరిష్ట బ్రైట్‌నెస్‌ను ఈ ఫోన్ అందిస్తుంది. ఆక్టాకోర్ సీపీయూతో కూడిన మీడియాటెక్ డైమెన్సిటీ 6300 ప్రాసెసర్‌ను ఇందులో అందించారు. ఫన్ టచ్ ఓఎస్ 15 ఆధారిత ఆండ్రాయిడ్ 15 ఆపరేటింగ్ సిస్టంపై ఈ ఫోన్ పనిచేయనుంది.

4 జీబీ ప్లస్ 64 జీబీ, 4 జీబీ ప్లస్ 128 జీబీ, 6 జీబీ ప్లస్ 128 జీబీ, LPDDR4X ర్యామ్, ఈఎంఎంసీ 5.1 స్టోరేజ్ వేరియంట్లలో లభిస్తుంది. స్టోరేజ్‌ను మైక్రో ఎస్‌డీ ద్వారా 2టీబీ వరకు పెంచుకోవచ్చు. ఏఐ ఎరేజర్, ఏఐ ఫోటో ఎన్హాన్సర్, ఏఐ డాక్యుమెంట్ మేకర్ వంటి ఏఐ ఆధారిత కెమెరా టూల్స్ కూడా ఇందులో ఉన్నాయి. దీనితో పాటు ఈ ఫోన్ మిలిటరీ గ్రేడ్ సర్టిఫికేషన్ ను కూడా పొందింది.

బ్యాటరీ వివరాలు

ఈ ఫోన్ 5500 ఎంఏహెచ్ లి-అయాన్ బ్యాటరీని ప్యాక్ చేస్తుంది. ఇది 1 వాట్ వైర్డ్ ఛార్జింగ్‌కు సపోర్ట్ చేస్తుంది. బయోమెట్రిక్ అథెంటికేషన్ కోసం సైడ్ మౌంటెడ్ ఫింగర్ ప్రింట్ సెన్సార్ ను కలిగి ఉన్న దీని బాడీ 199 గ్రాముల బరువున్న కాంపోజిట్ ప్లాస్టిక్ షీట్‌తో తయారై ఉంటుంది.

ఈ ఫోన్ డ్యూయల్ సిమ్‌ను సపోర్ట్ చేస్తుంది. బ్లూటూత్ 5.4, వై-ఫై (2.4గిగాహెర్ట్జ్/5గిగాహెర్ట్జ్), యూఎస్బీ 2.0, జీపీఎస్, ఓటీజీ, ఎఫ్ఎం రేడియో వంటి ఫీచర్లు కూడా ఇందులో ఉన్నాయి. దుమ్ము, ధూళిని నివారించడానికి ఈ ఫోన్ ఐపీ 64 రేటింగ్ కలిగి ఉంది.